Hosea 2:21 - Baiboly Katolika

²¹ Hofofoiko mba ho Ahy mandrakizay ianao; hofofoiko ho Ahy ianao amin’ny rariny sy ny hitsiny, ary amin’ny fahasoavana sy ny fitiavana;

Baiboly Protestanta Malagasy 2011

²¹ Hofofoiko ho vadiko mandrakizay ianao; eny, hofofoiko ho vadiko marina tokoa ary amin’ny fitiavana sy ny indrafo.

DIEM PROTESTANTA

²¹ Hofofoiko ho vadiko mandrakizay ianao, ry Israely; hofofoiko ho vadiko amin’ny rariny sy ny hitsiny, ary amin’ny fitiavana sy ny indrafo.

Dikateny Iombonana Eto Madagasikara

²¹ Hofofoiko ho vadiko mandrakizay ianao, ry Israely; hofofoiko ho vadiko amin’ny rariny sy ny hitsiny, ary amin’ny fitiavana sy ny indrafo.

Baiboly Protestanta Malagasy

²¹ Ary hofofoiko ho vadiko mandrakizay hianao, Eny, hofofoiko ho vadiko amin’ny rariny sy ny hitsiny Ary amin’ny fitiavana sy ny indrafo hianao;

Malagasy Bible

²¹ Ary hofofoiko ho vadiko mandrakizay ianao, eny, hofofoiko ho vadiko amin'ny rariny sy ny hitsiny ary amin'ny fitiavana sy ny indrafo ianao;

La Bible en Malgache

²¹ Hofofoiko ho vadiko mandrakizay ianao; eny, hofofoiko ho vadiko marina tokoa ary amin’ny fitiavana sy ny indrafo.

Hosea 2:21 Rohy Ifampitohizana

Isaia 55:10

Tahaka ny ranonorana aman’oram-panala milatsaka avy any an-danitra ka tsy miverina any, raha tsy efa mahavonto sy mahalonaka ny tany, sy mampaniry ny zavatra mitsiry avy aminy, ka mampahazo voa famafy ny mpamafy, ary hanina ho an’ny mpihinana;

Isaia 62:4

Tsy hisy intsony hanao anao hoe «i Nafoy»; ary tsy hisy intsony hiantso ny taninao hoe «i Faharinganana.» Fa ny hiantsoana anao dia hoe «I Ankasitrahiko»; ary ny taninao «i Vady ampakarina». Satria i Iaveh hankasitraka anao; ary ny taninao hahazo vady.

Isaia 62:5

Tahaka ny ampakaran’ny zatovo ny virjiny ho vadiny, no hampakaran’ny zanakao anao; ary tahaka ny hamalifalian’ny ampakarina ny mpampakatra, no hamalifalianao ny Andriamanitrao.

Isaia 65:24

Alohan’ny hiantsoany dia hamaly aho; mbola hiteny izy, dia efa ekeko ny teniny.

Ezekiela 36:29

Hovonjeko ianareo ho afaka amin’ny lotonareo rehetra; hantsoiko ny vary, ary hataoko be dia be, ary tsy haniraka mosary aminareo intsony Aho.

Hosea 14:7

Ny rantsany hisandrahaka; ny voninahiny, ho toy ny an’ny fototr’ôliva, ary ny fofony manitra ho tahaka ny an’i Libàna.

Joela 2:19

Dia namaly i Iaveh ka nanao tamin’ny vahoakany hoe: «Indro ianareo efa nandefasako vary, sy divay vaovao aman-diloilo, dia ho vokin’izany ianareo; ary tsy hataoko fandatsa any amin’ny firenena intsony ianareo.

Zakaria 13:9

Fa io ampahatelony io hampidiriko ao amin’ny afo, hodioviko toy ny fandio volafotsy, haofana toy ny fanofana volamena. Izy hiantso ny Anarako; ary Izaho hamaly azy. Izaho hanao hoe: «Oloko izy!» Ary izy hilaza hoe: «Andriamanitro i Iaveh!»

Zakaria 8:12

- Fa ny voa afafy hirobona, ny voaloboka, hamoa ny voany; ny tany, hahavokatra ny vokany; ny lanitra, handatsaka ny andony; ary izay sisa amin’ity firenena ity no hataoko tompon’izany zavatra rehetra izany.

Zakaria 8:8

hoentiko mody izy honina ao afovoan’i Jerosalema, ka izy ho vahoakako ary Izaho ho Andriamaniny, amin’ny rariny sy ny hitsiny.»

Malakia 3:10

Ento ny fahafolon-karena rehetra, ho ao an-trano firaketana ary aoka mba hisy hanina ao an-tranoko. Dia zahao toetra amin’izay Aho, hoy i Iaveh’ny tafika, raha tsy mamoha ny varavaran-danitra ho anareo, sy tsy mampidina fanambinana mihoa-pampana ho anareo.

Malakia 3:11

Noho ny aminareo, dia horoahiko ny biby madinika mpandany; ka tsy hanimba ny vokatry ny taninareo intsony, ary tsy hisy tsy hahavanom-boa ny voaloboka any an-tsahanareo, hoy i Iaveh’ny tafika.

Matio 6:33

Koa katsaho àry aloha ny fanjakan’Andriamanitra sy ny fahamarinany, dia homena izany rehetra izany ianareo ho fanampiny.

Romana 8:32

Izy tsy nandala ny tena Zanany, fa nahafoy Azy ho antsika rehetra, ka ahoana no tsy hanomezany antsika ny zavatra rehetra koa miaraka aminy?