Hosea 10:10 - Baiboly Katolika

¹⁰ Hofaizako araka ny sitrapoko izy ireo: ary ho tafangona hamely azy ny firenena, rehefa hafatotra amin’ny fahotany roa izy ireo.

Baiboly Protestanta Malagasy 2011

¹⁰ Araka ny sitrako no hamaizako azy; hovorina hamely azy ny firenena amin’ny hamatorana azy noho ny helony roa loha.

DIEM PROTESTANTA

¹⁰ Sitrako ny hanafay azy, hoy Izaho TOMPO: ireo firenena no hifamory hamely azy ho valin’ny heloka roa nataony.

Dikateny Iombonana Eto Madagasikara

¹⁰ Sitrako ny hanafay azy, hoy Izaho TOMPO: ireo firenena no hifamory hamely azy ho valin’ny heloka roa nataony.

Baiboly Protestanta Malagasy

¹⁰ Araka ny sitrako no hamaizako azy; Ary hovorina hamely azy ny firenena, Amin’ny hamatorana azy noho ny helony roa loha.

Malagasy Bible

¹⁰ Araka ny sitrako no hamaizako azy; Ary hovorina hamely azy ny firenena, amin'ny hamatorana azy noho ny helony roa loha.

La Bible en Malgache

¹⁰ Araka ny sitrako no hamaizako azy; hovorina hamely azy ny firenena amin’ny hamatorana azy noho ny helony roa loha.

Hosea 10:10 Rohy Ifampitohizana

1Mpanjaka 12:28

Dia nandinidinika ny mpanjaka, ka nanao zanak’omby volamena roa ary nilaza tamin’ny vahoaka hoe: «Efa ela niakarana tany Jerosalema ianareo, ry Israely, ity no andriamanitrao, izay nitondra anao niakatra avy tany amin’ny tany Ejipta.»

Joba 39:10

Hafatotrao amin’ny tady eny am-bava asanao, na hanaraka anao hamaky bainga eny an-dohasaha?

Isaia 1:24

Ka noho izany - Teny ton’ny Tompo, Iavehn’ny tafika, ilay Maherin’i Israely: - Edrey! hiala fo amin’ny mpandrafy Ahy Aho, sy hamaly an’ireo fahavaloko.

Jeremia 15:6

Efa nakifikao Aho, - teny marin’i Iaveh, - ka lasa nihemotra any ianao; ka indro kosa Aho maninjitra ny tanako aminao handringana anao, fa efa sasatry ny mamindra fo Aho.

Jeremia 16:16

Indro aho miantso mpanarato an-kamaroany, - teny marin’i Iaveh, - ka hanarato azy ireo izy. Manaraka izany, hiantso mpihaza ankamaroany Aho, ka hihaza azy hiala any an-tendrombohitra rehetra ary eny an-tsefatsefaky ny harambato eny.

Jeremia 21:4

Izao no lazain’i Iaveh, Andriamanitr’i Israely: Indro, ny fiadiana eny an-tananareo, entinareo miady any ivelan’ny manda, amin’ny mpanjakan’i Babilôna sy ny Kaldeanina, izay manao fahirano anareo, dia hataoko miverina any aoriana sy hangoniko eo afovoan’ny tanàna;

Ezekiela 16:37

noho izany dia indro, hovoriko avokoa ny lehilahinao rehetra izay nijangajanganao, izay notiavinao rehetra, mbamin’izay rehetra nankahalainao; dia hovoriko avy any rehetra any ireny, hamely anao; hasehoko eo anoloan’izy ireo ny fitanjahanao, ka hahita ny fitanjahanao izy.

Ezekiela 16:42

Hanarana ny hatezerako aminao Aho, dia ho afaka ny fahasarotam-piaroko aminao, ka hionona Aho, fa tsy ho tezitra intsony.

Ezekiela 23:46

Fa izao no lazain’ny Tompo Iaveh: Mampiakara vahoaka be hamely azy; ka aoka hatolotra ho amin’ny tahotra amam-pandrobana izy.

Ezekiela 23:9

noho izany natolotro eo an-tanan’ireo lehilahy izy; dia eo an-tanan’ny zanaka lahin’i Asiria, izay nirehetany fitiavana.

Ezekiela 5:13

Dia hiala fo ny fahatezerako, ary haraniko mamely azy ireo ny fahavinirako, dia ho afa-po Aho, ary izy kosa hahalala, rehefa nampanaraniko namely azy ny fahatezerako, fa tamin’ny fahasaro-piaroko no efa nitenenako Izaho Iaveh.

Hosea 10:9

Efa nanota hatramin’ny andro, fony tany Gabaà, ianao, ry Israely; mikiribiby aman-keloka izy ireo. Moa tsy hahatratra azy ireo koa any Gabaà ny ady voalaza hatao amin’ny zanaky ny faharatsiana?

Hosea 4:19

Namihina azy tamin’ny elany ny rivotra, ka ho latsaka an-kenatra izy ireo noho ny sorona nataony.

Hosea 4:9

Ho sahala ny hanjò ireny mpisorona ireny sy ny vahoaka; hofaizako izy, noho ny lalany ary hatsingeriko aminy ny asany.

Hosea 8:1

Ataovy am-bava ny anjomara, fa misy, toy ny voromahery, hiantefa amin’ny tranon’i Iaveh!... Satria izy ireo nivadika ny fanekeko, sy nandika ny lalàko.

Hosea 8:10

Na manao fanatitra amin’ny firenena aza izy, dia novoriko hamely azy ireny; ka hangozohozo izy, amin’ny fotoana fohifohy, tsindrian’ny entan’ny mpanjakan’ireo mpanapaka.

Matio 22:7

Tezitra ny mpanjaka nony nandre izany, ka naniraka miaramila nandringana izany mpamono olona izany, sy nandoro ny tanànany.

Deoteronomia 28:63

Ho toy ny nifalian’i Iaveh tamin’ny nanasoavany sy nampitomboany anao ihany no hifalian’i Iaveh koa amin’ny handringanany sy handravàny anao kosa, ka hofongorana ianareo amin’ny tany hidiranao hanananao azy.