Hebreo 3:7 - Baiboly Katolika

⁷ Noho izany, araka ny tenin’ny Fanahy Masina hoe: Anio raha mandre ny feony ianao,

Baiboly Protestanta Malagasy 2011

⁷ Koa araka izay lazain’ny Fanahy Masina hoe: «Anio, raha mandre ny feony ianareo

DIEM PROTESTANTA

⁷ Noho izany, araka izay lazain’ny Fanahy Masina hoe: «Anio, raha renareo ny feon’Andriamanitra,

Dikateny Iombonana Eto Madagasikara

⁷ Noho izany, araka izay lazain’ny Fanahy Masina hoe: «Anio, raha renareo ny feon’Andriamanitra,

Baiboly Protestanta Malagasy

⁷ Koa araka izay lazain’ny Fanahy Masina hoe: ,,Anio, raha hihaino ny feony hianareo,

Malagasy Bible

⁷ Koa araka izay lazain'ny Fanahy Masina hoe: "Anio, raha hihaino ny feony ianareo,

La Bible en Malgache

⁷ Koa araka izay lazain’ny Fanahy Masina hoe: «Anio, raha mandre ny feony ianareo

Hebreo 3:7 Rohy Ifampitohizana

2Samoela 23:2

Ny fanahin’i Iaveh no niteny tamin’ny alalako, ary ny teniny no eo amin’ny vavako.

Salamo 81:11

Izaho, Iaveh, Andriamanitrao, no nitondra anao niakatra avy any an-tany Ejipta, sokafy ny vavanao dia hofenoiko.

Salamo 81:13

Ka navelako izy hanaraka ny ditran’ny fony dia nanaraka izay saim-pantany izy.

Ohabolana 27:1

Aza mirehareha ny amin’ny ho ampitso; fa tsy fantatrao izay havoakan’ny andro manaraka.

Mpitoriteny 9:10

Izay rehetra azon’ny tananao atao, dia ataovy amin-kerim-po; fa tsy misy asa na fahalalana na fahaizana, na fahendrena any amin’ny Seoly izay halehanao.

Isaia 55:3

Atongilano ny sofinareo, ka mankanesa atỳ amiko; mihainoa ka aoka ho velona ny fanahinareo. Ary hanao fanekena mandrakizay aminareo Aho, ka hanome anareo ny fahasoavana nampanantenaina an’i Davida.

Isaia 55:6

Mitadiava an’i Iaveh, dieny mbola mety ho hita Izy; miantsoa Azy dieny mbola akaiky Izy.

Matio 17:5

Fa raha mbola niteny Izy, dia indro nisy rahona mazava nanarona azy ireo. Ary injao nisy feo avy tamin’io rahona io nanao hoe: «Ity no Zanako malalako, izay sitrako indrindra: henoy Izy.»

Matio 22:43

Ka nahoana àry i Davida, hoy Izy tamin’ireo, raha tsindrian’ny Fanahy Masina no miantso Azy ho Tompo, fa hoy izy hoe:

Marka 12:36

Nefa i Davida ihany no nampilazain’ny Fanahy Masina hoe: Ny Tompo nilaza tamin’ny Tompoko hoe: Mipetraha eo ankavanako ianao mandra-panaoko ny fahavalonao ho fitoeran-tongotrao.

Jaona 10:16

Mbola manana ondry hafa koa Aho izay tsy amin’ity vala ity, ka tsy maintsy hoentiko izy sy hihaino ny feoko; dia ho tonga andian’ondry tokana sy mpiandry ondry tokana.

Jaona 10:27

Ny ondriko mihaino ny feoko, Izaho mahalala azy, ary izy manaraka Ahy;

Jaona 10:3

Ka ny mpiandry vavahady mamoha azy, ny ondry mihaino ny feony, ary izy miantso ny azy amin’ny anarany avy sy mamoaka azy.

Jaona 5:25

Lazaiko marina dia marina aminareo: Avy sady efa tonga sahady ankehitriny aza ny andro handrenesan’ny maty ny feon’ny Zanak’Andriamanitra, ka izay handre dia ho velona.

Asan’ny Apostoly 1:16

Ry hava-malala, tsy maintsy tanteraka ilay Soratra voalazan’ny Fanahy Masina tamin’ny vavan’i Davida momba an’i Jodasy, izay nitarika ny mpisambotra an’i Jesoa;

Asan’ny Apostoly 28:25

Noho izy ireo tsy niray saina ka ndeha hiala, dia izao ihany no nanampin’i Paoly: «Marina tokoa lahy ny tenin’ny Fanahy Masina, nampilazainy an’i Izaia mpaminany tamin’ny razanareo hoe:

Asan’ny Apostoly 8:29

Ary hoy ny Fanahy Masina tamin’i Filipo: «Mandehana manatona io kalesy io.»

Hebreo 10:15

Ary asehon’ny Fanahy Masina amintsika koa izany; fa rehefa voalazany hoe:

Hebreo 3:13

fa mifamporisiha isan’andro, dieny mbola misy izay atao hoe «anio,» mba tsy hisy hihamafy fo aminareo, noho ny famitahan’ny fahotana.

Hebreo 3:15

araka ilay lazaina hoe: Anio raha mandre ny feony ianareo, aza manamafy ny fonareo, tahaka ny tamin’ny fahasosorana.

Hebreo 4:7

dia mametra andro iray indray Izy izay nantsoiny hoe «anio», fa hoy Izy hoe ao amin’i Davida tatỳ aoriana ela be, araka ny voalaza teo: Anio raha mandre ny feony ianareo, aza manamafy ny fonareo.

Hebreo 9:8

Ambaran’ny Fanahy Masina amin’izany fa tsy mbola naseho ny lalana mankany amin’ny fitoerana masina indrindra, raha mbola ao koa ny tranolay voalohany.

2Petera 1:21

satria na oviana na oviana tsy nisy faminaniana nentin’ny sitrapon’ny olona, fa ny Fanahy Masina no nampiteny ny olo-masin’Andriamanitra izay notsindriany.

Apokalipsy 3:20

Indro, mitsangana eo am-baravarana Aho, sady mandondòna; ka raha misy mihaino ny feoko, sy mamoha ny varavarana dia hiditra ao aminy Aho, ka hiara-misakafo aminy, ary izy hiaraka amiko.