Hebreo 13:1 - Baiboly Katolika

¹ Mahareta amin’ny fitiavana toy ny mpiray tam-po.

Baiboly Protestanta Malagasy 2011

¹ Aoka haharitra ny fitiavana ny rahalahy.

DIEM PROTESTANTA

¹ Mifankatiava hatrany toy ny mpiray tampo ao amin’i Kristy.

Dikateny Iombonana Eto Madagasikara

¹ Mifankatiava hatrany toy ny mpiray tampo ao amin’i Kristy.

Baiboly Protestanta Malagasy

¹ AOKA haharitra ny fitiavana ny rahalahy.

Malagasy Bible

¹ Aoka haharitra ny fitiavana ny rahalahy.

La Bible en Malgache

¹ Aoka haharitra ny fitiavana ny rahalahy.

Hebreo 13:1 Rohy Ifampitohizana

Salamo 133:1

Fihirana fiakarana. Nataon’i Davida. Endrey, tsara sady mamy, ho an’ny mpirahalahy ny miara-monina!

Jaona 15:17

Ny andidiako anareo dia ny mba hifankatiavanareo.

Asan’ny Apostoly 2:1

Nony tonga ny andro Pantekôty, dia tafavory tao amin’ny trano anankiray izy rehetra,

Asan’ny Apostoly 4:32

Ary niray fo sy fanahy avokoa ny mpino rehetra; tsy nisy nilaza ny fananany hoe azy, fa niombonany daholo ny zavatra rehetra.

Galatiana 5:13

Efa voaantso ho amin’ny fahafahana ianareo, ry kristianina havana; kanefa aoka tsy hoentinareo manaraka ny nofo izany fahafahana izany, fa samia milatsa-tenany amim-pitiavana ho mpanompon’ny namany avy.

Galatiana 5:22

Ny vokatry ny Fanahy kosa dia izao: fitiavana, fifaliana, fiadanam-po, fahari-po, hamoram-panahy, hazavam-po, fahalemem-panahy, hatsaram-po, finoana, tsy fivadihana,

Galatiana 5:6

satria ao amin’i Kristy Jesoa dia tsy mampaninona izay famorana na tsy famorana, fa ny finoana ampiasain’ny fitiavana ihany no izy.

Efesiana 4:3

mikeleza aina hitana ny firaisam-po amam-panahy akamban’ny fihavanana;

Efesiana 5:2

Ary mandehana amin’ny fitiavana tahaka an’i Kristy, izay nanolo-tena tamin’Andriamanitra noho ny fitiavany antsika mba ho sorona amam-panatitra mani-pofona hamonjy antsika.

2Tesaloniana 1:3

Tsy maintsy misaotra an’Andriamanitra mandrakariva izahay noho ny aminareo, ry kristianina havana, fa rariny izany, satria ny finoanareo, mandroso fatratra; ny fifankatiavanareo, mitombo hatrany hatrany.

Hebreo 10:24

Ary aoka hifandinika isika mba hampandroso ny fitiavana sy ny asa soa.

1Petera 1:22

Noho ianareo efa nandio ny fonareo tamin’ny fanarahana ny fahamarinana, sy efa nilatsa-tenany tamin’izany, hanaraka ny fitiavana marina ny havana iray finoana, dia mifankatiava fatratra amin’ny fo tokoa;

1Petera 2:17

Hajao ny olona rehetra, tiavo ny havana iray finoana, matahora an’Andriamanitra, ary omeo voninahitra ny mpanjaka.

1Petera 3:8

Farany, miraisa saina ianareo rehetra, miombòna alahelo, mifankatiava toy ny mpiray tam-po, mifamindrà fo, manetre tena.

1Petera 4:8

Fa indrindra indrindra, mifankatiava fatratra, fa ny fitiavana manarona fahotana maro.

2Petera 1:7

ny fitiavam-bavaka asio fitiava-namana; ny fitiava-namana asio fitiavana an’Andriamanitra.

1Jaona 3:23

Ary izao no didiny, dia ny hinoantsika an’i Jesoa Kristy Zanany, sy ny hifankatiavantsika, araka ny didy nomeny antsika.

1Jaona 4:20

Raha misy milaza azy ho tia an’Andriamanitra, nefa mankahala ny namany, dia mpandainga izy; satria, raha ny namany hitany aza tsy tiany, hataony ahoana no fitia an’Andriamanitra tsy hitany?

Apokalipsy 2:4

Saingy izao no aniniako anao: nihemotra tamin’ny fitiavana voalohany ianao.