Genesisy 42:10 - Baiboly Katolika

¹⁰ Fa hoy ny navaliny azy: «Tsia, tompokolahy, fa hividy hanina no nahatongavan’ny mpanomponao.

Baiboly Protestanta Malagasy 2011

¹⁰ Fa hoy ireo taminy: Tsia, tompokolahy, fa tonga mba hividy hanina ny mpanomponao.

DIEM PROTESTANTA

¹⁰ Fa novaliany hoe: –Tsia, tompoko ô! Tonga mba hividy sakafo fotsiny izahay mpanomponao.

Dikateny Iombonana Eto Madagasikara

¹⁰ Fa novaliany hoe: –Tsia, tompoko ô! Tonga mba hividy sakafo fotsiny izahay mpanomponao.

Baiboly Protestanta Malagasy

¹⁰ Fa hoy izy ireo taminy: Tsia, tompokolahy; fa tonga mba hividy hanina ny mpanomponao.

Malagasy Bible

¹⁰ Fa hoy izy ireo taminy: Tsia, tompokolahy; fa tonga mba hividy hanina ny mpanomponao.

La Bible en Malgache

¹⁰ Fa hoy ireo taminy: Tsia, tompokolahy, fa tonga mba hividy hanina ny mpanomponao.

Genesisy 42:10 Rohy Ifampitohizana

Genesisy 27:29

Hotompoim-pirenena maro anie ianao, hiankohofam-pirenena maro ianao, ho tompon’ny rahalahinao anie ianao, hiankohofan’ny zana-dreninao ianao. Ho voaozona anie izay hanozona anao, fa hohasoavina kosa izay hanisy soa anao!»

Genesisy 27:37

Fa hoy ny navalin’Isaaka an’i Esao: «Efa natsangako ho tomponao izy; sady efa nomeko azy ho mpanompony ny rahalahiny rehetra, ary nataoko be vary aman-divay izy. Ka ny aminao inona indray no azoko atao, anaka?»

Genesisy 37:8

Ary hoy ireo rahalahiny taminy: «Dia hanjaka aminay ve ianao e, ary dia ho eo ambany fanapahanao ve izahay e?» Izany nofiny aman-teniny izany, no vao mainka koa nankahalàny azy.

Genesisy 42:11

Iray ray avokoa izahay ireto, ary olo-marina izahay, fa tsy mba mpisafo akory ny mpanomponao.»

Genesisy 44:9

Izay anankiray amin’ny mpanomponao hahitana izany kôpy izany dia aoka hovonoina; ary na ny tenanay aza dia aoka ho andevon’itompokolahy koa.»

1Mpanjaka 18:7

Nony mby teny an-dalana i Abdiasa, indro i Elia nifanena taminy: Niankohoka tamin’ny tany i Abdiasa, nony nahalala azy, ka nanao hoe: «Ianao va ity, ry Elia, tompoko?»

1Samoela 26:17

Fantatr’i Saola ny feon’i Davida, ka hoy izy: «Feonao va izany, ry Davida zanako ô!» Dia hoy i Davida namaly: «Feoko tokoa, ry mpanjaka tompoko!»