Genesisy 41:1 - Baiboly Katolika

¹ Nony afaka roa taona nipaka dia nanonofy i Faraôna: Indro nitsangana teo amoron’ny ony izy;

Baiboly Protestanta Malagasy 2011

¹ Rehefa feno roa taona taorianan’izany dia nanonofy i Farao ka indro, hono, nitsangana teo amoron’ny Neily izy.

DIEM PROTESTANTA

¹ Ary nony afaka roa taona teo, dia nanonofy ny Farao: Nijoro teo amoron’i Neily hono izy,

Dikateny Iombonana Eto Madagasikara

¹ Ary nony afaka roa taona teo, dia nanonofy ny Farao: Nijoro teo amoron’i Neily hono izy,

Baiboly Protestanta Malagasy

¹ ARY rehefa afaka roa taona mipaka, dia nanonofy Farao, fa, indro, nitsangana teo amoron’i Neily izy.

Malagasy Bible

¹ Ary rehefa afaka roa taona mipaka, dia nanonofy Farao, fa, indro, nitsangana teo amoron'i Neily izy.

La Bible en Malgache

¹ Rehefa feno roa taona taorianan’izany dia nanonofy i Farao ka indro, hono, nitsangana teo amoron’ny Neily izy.

Genesisy 41:1 Rohy Ifampitohizana

Genesisy 20:3

Tonga tamin’i Abimeleka tamin’ny nofy anefa Andriamanitra nony alina, ka nanao taminy hoe: «Indro ho faty ianao, noho ny amin’ny vehivavy nalainao, fa vadin’olona izy.»

Genesisy 28:12

Ary nanonofy izy, ka indro, nisy tohatra anankiray niorina tamin’ny tany tafapaka amin’ny lanitra ny lohany; ary nisy Anjelin’Andriamanitra niakatra sy nidina teo aminy.

Genesisy 29:14

ka hoy i Labàna taminy: «Eny taolako sy nofoko ianao.» Ary nitoetra teo aminy iray volana maninjitra i Jakôba.

Genesisy 31:21

Dia nitsoaka izy, dia izy mbamin’ny fananany rehetra, ka niainga izy, dia nita ny ony ary nanitsy nankany amin’ny tendrombohitra Galaada.

Genesisy 40:23

Kanjo tsy mba nilaza ny amin’i Josefa ilay lehiben’ny mpandroso divay fa nanadino azy.

Genesisy 40:5

Samy nanonofy izy roalahy indray alina, dia ilay mpandroso divay sy ilay mpitantana mofon’ny mpanjakan’i Ejipta notanana tao an-tranomaizina; ka samy nanana ny nofiny, sy samy hafa ny hevitry ny nofiny.

Genesisy 41:2

ary indro nisy omby vavy fito mahafinaritra sady matavy, niakatra avy ao amin’ny ony sy lasa niraotra tao amin’ny ahi-maitso.

Eksodosy 1:22

Ary i Faraôna nandidy ny vahoaka rehetra, nanao hoe: «Atsipazo any anaty ony ny zazalahy teraka rehetra fa ny zazavavy avelao ho velona.»

Eksodosy 4:9

Ary raha tsy mino amin’ireo famantarana roa ireo aza izy, ka tsy mihaino ny feonao, dia haka rano eo amin’ny ony ianao, hanosaka azy amin’ny tany, fa io rano nalainao teo amin’ny ony io hanjary ra eo amin’ny tany.»

Isaia 19:5

Ny rano amin’ny ranomasina ho ritra; ny ony ho tankina sy ho maina;

Ezekiela 29:3

Mitenena ka ataovy hoe: Izao no lazain’ny Tompo Iaveh: Indro ho avy ao aminao Aho, ry Faraôna, mpanjakan’i Ejipta, ianao ilay mamba makadiry, mandry eo afovoan’ireo oninao, sy nanao hoe: «Ahy ny oniko, fa izaho no nanao azy ho an’ny tenako.»

Ezekiela 29:9

ka ho zary tany lao sy efitra ny tany Ejipta. Dia ho fantatry ny olona fa Iaveh Aho. Noho i Faraôna nanao hoe: «Ahy ny ony, ary izaho no nanao azy»,

Matio 27:19

Ary raha nipetraka teo amin’ny fitsarana izy, dia nampaniraka taminy ny vadiny hilaza hoe: «Aza manao na inona na inona amin’io Lehilahy marina io ianao, fa nampahory ahy be ihany izay nanofisako Azy halina izay.»

Deoteronomia 11:10

Fa ny tany izay efa hidiranao hanananao azy, dia tsy mba tahaka ny tany Ejipta nialanareo, izay namafazanao sy nampidiranao rano amin’ny tongotrao, toy ny saha fambolena anana.