Genesisy 31:43 - Baiboly Katolika

⁴³ Dia namaly i Labàna ka nanao tamin’i Jakôba hoe: «Ireo zazavavy ireo dia zanako vavy, ireo zaza ireo dia zanako; ireo biby fiompy ireo, dia biby fiompiko, ary izao hitanao rehetra izao, dia ahy avokoa. Ka inona no hataoko anio amin’ireto zanako vavy ireto, amin’izy ireo sy amin’ny zanany naterany?

Baiboly Protestanta Malagasy 2011

⁴³ Dia namaly i Labana hoe: Ireo zazavavy ireo dia zanako vavy; ireo zazalahy ireo dia zanako lahy; ireo ondry aman’osy ireo dia ondry aman’osiko, ary izao rehetra hitanao izao dia ahy avokoa. Koa inona no hataoko anio amin’ireto zanako vavy, na amin’ireto zanany naterany?

DIEM PROTESTANTA

⁴³ Dia namaly an’i Jakôba i Labàna hoe: –Ireo zazavavy ireo dia zanako, ny zanak’ireo dia taranako, ny andian’ondry aman’osy dia ondry aman’osiko, ary izao rehetra hitanao izao dia ahy avokoa. Manomboka anio dia tsy misy na inona na inona azoko atao intsony ho an’ireto zanako vavy ireto na ho an’ireo zanakalahy izay naterany?

Dikateny Iombonana Eto Madagasikara

⁴³ Dia namaly an’i Jakôba i Labàna hoe: –Ireo zazavavy ireo dia zanako, ny zanak’ireo dia taranako, ny andian’ondry aman’osy dia ondry aman’osiko, ary izao rehetra hitanao izao dia ahy avokoa. Manomboka anio dia tsy misy na inona na inona azoko atao intsony ho an’ireto zanako vavy ireto na ho an’ireo zanakalahy izay naterany?

Baiboly Protestanta Malagasy

⁴³ Dia namaly Labana ka nanao tamin’i Jakoba hoe: Ireo zazavavy ireo dia zanako-vavy; ary ireo zazalahy ireo dia zanako-lahy; ary ireo ondry aman-osy ireo dia ondry aman-osiko; ary izao rehetra hitanao izao dia ahy avokoa; ary ahoana no hataoko anio amin’ireto zanako-vavy, na amin’ny zanany naterany?

Malagasy Bible

⁴³ Dia namaly Labana ka nanao tamin'i Jakoba hoe: Ireo zazavavy ireo dia zanako-vavy ary ireo zazalahy ireo dia zanako-lahy; ary ireo ondry aman'osy ireo dia ondry aman'osiko; ary izao rehetra hitanao izao dia ahy avokoa; ary ahoana no hataoko anio amin'ireto zanako-vavy, na amin'ny zanany naterany?

La Bible en Malgache

⁴³ Dia namaly i Labana hoe: Ireo zazavavy ireo dia zanako vavy; ireo zazalahy ireo dia zanako lahy; ireo ondry aman’osy ireo dia ondry aman’osiko, ary izao rehetra hitanao izao dia ahy avokoa. Koa inona no hataoko anio amin’ireto zanako vavy, na amin’ireto zanany naterany?

Genesisy 31:43 Rohy Ifampitohizana

Genesisy 31:1

Ren’i Jakôba fa ny zanakalahin’i Labàna dia nanao vava hoe: «Lasan’i Jakôba avokoa izay nananan-draintsika; ary avy amin’ny ananan-draintsika no nahazoany izao fananany rehetra izao.»

Genesisy 31:55

Nony ampitso maraina i Labàna nanoroka ny zanany lahy aman-janany vavy, dia nitso-drano azy, vao lasa niverina ho any an-tranony.

Genesisy 37:35

Tonga nampionona azy avokoa ny zanany lahy aman-janany vavy rehetra; nefa tsy nety nionona izy, fa hoy izy: «Hidina misaona ho any amin’ny zanako any amin’ny fonenan’ny maty aho.» Ary nitomany azy, ity rainy.