Genesisy 19:9 - Baiboly Katolika

⁹ Hoy ny navalin’iretsy: «Mialà eo ialahy.» Sady nampiany hoe: «Vahiny ilay io no tonga tatỳ; nefa indro manao azy ho mpitsara izy. Iny àry hataonay mafimafy kokoa ny hanjò anao fa tsy tahaka azy ireo.» Dia nasian’izy ireo tosi-mahery i Lôta, ka nisesika hamaky ny varavarana izy.

Baiboly Protestanta Malagasy 2011

⁹ Hoy ny navalin’ny vahoaka azy: Mialà eto Ialahy! Avy eo indray dia hoe: Ilehity tonga tetỳ hivahiny, kanefa izy indray ity no miseho ho mpitsara! Ankehitriny dia hanao ratsiratsy kokoa aminao noho ny amin’ireo lehilahy ireo izahay! Sady nanosika mafy an’i Lota izy ireo no nisesika hamaky ny varavarana.

DIEM PROTESTANTA

⁹ Fa hoy ny navalin’ireo azy: –Mialà teo ianao, ianao izay tonga hivahiny indray ve no hanao lalàna ho anay ankehitriny! Hasianay ratsy lavitra noho ireo ianao. Dia nanosika mafy an’i Lôta ireo mba hisesika hamaky ny varavarana.

Dikateny Iombonana Eto Madagasikara

⁹ Fa hoy ny navalin’ireo azy: –Mialà teo ianao, ianao izay tonga hivahiny indray ve no hanao lalàna ho anay ankehitriny! Hasianay ratsy lavitra noho ireo ianao. Dia nanosika mafy an’i Lôta ireo mba hisesika hamaky ny varavarana.

Baiboly Protestanta Malagasy

⁹ Ary hoy izy ireo: Mialà eto hianao. Dia hoy izy ireo indray: Ilehity tonga etỳ hivahiny, kanefa matetika mila hiseho ho mpitsara; ankehitriny dia hanao ratsiratsy kokoa aminao noho ny amin’ireo lehilahy ireo izahay. Dia nanosika mafy an-dralehilahy izy ireo, dia an’i Lota, ka nisesika hamaky ny varavarana.

Malagasy Bible

⁹ Ary hoy izy ireo: Mialà eto ianao. Dia hoy izy ireo indray: Ilehity tonga etỳ hivahiny, kanefa matetika mila hiseho ho mpitsara; ankehitriny dia hanao ratsiratsy kokoa aminao noho ny amin'ireo lehilahy ireo izahay. Dia nanosika mafy an-dralehilahy izy ireo, dia an'i Lota, ka nisesika hamaky ny varavarana.

La Bible en Malgache

⁹ Hoy ny navalin’ny vahoaka azy: Mialà eto Ialahy! Avy eo indray dia hoe: Ilehity tonga tetỳ hivahiny, kanefa izy indray ity no miseho ho mpitsara! Ankehitriny dia hanao ratsiratsy kokoa aminao noho ny amin’ireo lehilahy ireo izahay! Sady nanosika mafy an’i Lota izy ireo no nisesika hamaky ny varavarana.

Genesisy 19:9 Rohy Ifampitohizana

Genesisy 11:6

Dia hoy i Iaveh: «Indro firenena iray izy ireo ary fiteny iray no iraisan’izy rehetra, ary ity asa ity no iandohan’izay tiany hatao; amin’izao dia tsy hisy na inona na inona hisakana azy tsy hanatanteraka izay kasainy hatao.

Genesisy 13:12

I Abrama nonina tamin’i Kanaana, ary i Lôta kosa nonina tao afovoan’ireo tanàna eo amin’ny tany lemaka sy nanorina ny lainy hatrany Sôdôma.

Eksodosy 2:14

Fa hoy ny navalin-dralehilahy: «Iza no nanangana an’ialahy ho lehibenay sy mpitsara anay? Sa tadiavin’ialahy hovonoina koa aho, tahaka ny namonoan’ialahy ilay Ejiptianina?» Raiki-tahotra i Môizy, ka hoy izy: «Misy mahalala tokoa ilay zavatra.»

Ohabolana 14:16

Ny hendry matahotra, ka mivily tsy ho amin’ny ratsy; ny adala kosa mitroatra sy matokitoky foana.

Ohabolana 17:12

Aleo mifanena amin’ny orsa vavy very anaka, toy izay amin’ny adala raha mihetsi-pahadalana izy.

Ohabolana 27:3

Madonda ihany ny vato, mavesatra koa ny fasika, fa mavesatra noho ireo indray ny hasosoran’ny adala.

Mpitoriteny 10:13

Ny fiandohan’ny teny avy amin’ny vavany, fahadalana; ary fiafaran’ny lahateniny koa, fahaverezan-tsaina misafoaka.

Mpitoriteny 9:3

Zavatra ratsy anankiray amin’izay rehetra atao atỳ ambany masoandro dia ny itovian’ny olombelona rehetra anjara; ka noho izany dia feno hasomparana ny fon’ny zanak’olombelona. ary ao am-pony mandritra ny andro iainana, ny hadalana. Nony afaka izany, mankany amin’ny maty izy.

Isaia 65:5

manao hoe: «Mihataha ianao! Aza manakaiky ahy, fa masina ho anao aho!» Ireny dia setroka eo am-bavoroko, afo mirehitra mandrakariva.

Jeremia 3:3

ka voasakana ny oram-pararano tsy nisy ny oran-dohataona. Nefa handrim-behivavy janga ny anao, ka tsy nety nahalala menatra ianao.

Jeremia 6:15

Homenàriny izy, fa nanao fahavetavetana; nefa tsy mba mahalala menatra intsony izy, ary tsy mba valahara! Koa dia hiara-davo amin’izay lavo izy ireo; ary hiteraka amin’ny andro hamangiako azy izy, hoy i Iaveh.

Jeremia 8:12

Homenàrina izy, fa nanao fahavetavetana, nefa tsy mba mahalala menatra intsony izy, ary tsy mba valahara! koa dia hiara-davo amin’izay lavo izy ireo; ary hiteraka amin’ny andro hamangiako azy izy», hoy i Iaveh.

Ezekiela 16:49

Fa izao no helok’i Sôdôma rahavavinao: avonavona, fananam-be ary fianinana tsy miraikan’izy sy ny zanany vavy, sady tsy mba nitantana ny ory sy ny mahantra izy.

Matio 7:6

Aza omena ny alika ny zava-masina, ary aza atsipy amin’ny kisoa ny voahanginareo, sao hitsahiny ireny, dia hifotitra hamiravira anareo izy.

1Samoela 17:44

Ary hoy ilay Filistinina tamin’i Davida hoe: «Mankanesa etỳ amiko ange ialahy, raha tsy omeko ny voromanidina sy ny biby any an-tsaha ny nofon’ialahy e!»

1Samoela 2:16

Ary raha miteny aminy ny olona manao hoe: «Aoka aloha hodorana hanetona ny sabora, vao izay vao maka izay tianao ianao» dia valian’ity mpanompo manao hoe: «Tsia, omeo ankehitriny izao ihany, fa raha tsy izany dia halaiko ankehitriny.»

1Samoela 25:17

Koa ankehitriny, fantaro sy zahao izay tokony hataonao, fa efa voafofo hasiana ratsy ny tompontsika sy ny ankohonany rehetra; raha izy tokoa dia zana-Beliala ka tsy azo iresahana».