Genesisy 19:22 - Baiboly Katolika

²² Fa mandehana faingana àry mandositra ao fa tsy afa-manao na inona na inona aho, raha tsy efa tonga ao ianao.» Izany no nanaovana ny anaran’io tanàna io hoe Segôra.

Baiboly Protestanta Malagasy 2011

²² Mandehana haingana, mandosira ho ao, fa tsy mahazo manao na inona na inona Aho mandra-pahatonganao ao. Izany no nanaovana ny anaran’io tanàna io hoe: Zoara.

DIEM PROTESTANTA

²² Mandehana faingana miery ao, satria tsy afaka hanao na inona na inona aho ambara-pahatonganao ao. Izany no antony niantsoana io tanàna io hoe Tsôhara.

Dikateny Iombonana Eto Madagasikara

²² Mandehana faingana miery ao, satria tsy afaka hanao na inona na inona aho ambara-pahatonganao ao. Izany no antony niantsoana io tanàna io hoe Tsôhara.

Baiboly Protestanta Malagasy

²² Mandehana faingana, mandosira ho ao; fa tsy mahazo manao na inona na inona aho mandra-pahatonganao ao. Izany no nanaovana ny anaran’ny tanàna hoe Zoara.

Malagasy Bible

²² Mandehana faingana, mandosira ho ao; fa tsy mahazo manao na inona na inona aho mandra-pahatonganao ao. Izany no nanaovana ny anaran'ny tanàna hoe Zoara.

La Bible en Malgache

²² Mandehana haingana, mandosira ho ao, fa tsy mahazo manao na inona na inona Aho mandra-pahatonganao ao. Izany no nanaovana ny anaran’io tanàna io hoe: Zoara.

Genesisy 19:22 Rohy Ifampitohizana

Genesisy 13:10

Dia nanopy ny masony i Lôta ka nahita ny tany lemak’i Jordany rehetra, izay azon-drano hatrany hatrany; io tany io, talohan’ny nandravan’i Iaveh an’i Sôdôma sy i Gômôra, dia tahaka ny sahan’i Iaveh, tahaka ny tany Ejipta akaikin’i Tsôara.

Genesisy 14:2

dia sendra rafitra ady izy ireo tamin’i Barà, mpanjakan’i Sôdôma sy i Bersà, mpanjakan’i Gômôra, sy i Senaaba, mpanjakan’i Adamà, sy i Seneber, mpanjakan’i Sebôima, ary ny mpanjakan’i Balà, dia i Segôra izany.

Genesisy 19:21

Dia hoy izy taminy: «Eny àry, ekeko ihany koa ny fangatahanao tsy handrava io tanàna lazainao io.

Genesisy 19:23

Niposaka tamin’ny tany ny masoandro, dia tonga tao Segôra i Lôta.

Eksodosy 32:10

Koa ankehitriny avelao Aho, aoka hirehetan’ny fahatezerako izy ireo, ka horinganiko; fa ianao kosa hataoko firenena lehibe.»

Isaia 15:5

Ory an’i Moaba ny foko; efa mby ao Segôra sahady ny mpiaro azy, efa ao Eglata-Selisiah. eny, mitomany izy no miakatra ny fiakarana Lohita; eny amin’ny lalan’i Hôrônaima, manao antsom-pahoriana ny olona.

Isaia 65:8

Izao no lazain’i Iaveh: Raha misy ranom-boaloboka eo amin’ny sampahony, dia hoy ny olona mahita azy: «Aza simbàna, fa misy fitahiana ao;» toy izany koa no hataoko, noho ny amin’ny mpanompoko, mba tsy handrava azy rehetra.

Jeremia 48:34

Noho ny antsoantson’i Hesebona re hatrany Eleale; hatrany Jasà, dia mandefa ny antsoantsony izy ireo; hatrany Segôra ka hatrany Hôrônaima, hatrany Eglata-Selisia, fa mbamin’ny ranon’i Nemrima aza no ho tankina.

Marka 6:5

Ary tsy nahazo nanao fahagagana akory Izy teo fa marary vitsivitsy monja no nositraniny tamin’ny fametrahan-tanana,

Deoteronomia 34:3

Ny Negeba, ny faritanin’i Jordany, ny lohasahan’i Jerikao; dia ny tanànan’ny rofia, hatrany Segôra.

Deoteronomia 9:14

Avelao haringako izy, hofoanako tsy ho atỳ ambanin’ny lanitra ny anarany, fa ianao kosa no hataoko firenena mahery sy maro isa noho ity vahoaka ity.

2Timoty 2:13

raha mivadika isika, Izy tsy mivadika na oviana na oviana, fa tsy mahazo mandà ny Tenany.

Titosy 1:2

noho ny fanantenana ny fiainana mandrakizay izay nampanantenain’Andriamanitra tsy mahay mandainga, talohan’ny taona rehetra,