Genesisy 14:15 - Baiboly Katolika

¹⁵ Natokotokony ny olona nentiny mba hanao sovokalina izy sy ireto mpanompony, ka nandresy sy nanenjika an-dry zareo hatrany Hôba, ao ankavian’i Damasy.

Baiboly Protestanta Malagasy 2011

¹⁵ Dia nifampizara ho antokotokony izy sy ireo mpanompony nony alina ka namely azy ireo ary nanenjika azy hatrany Hoba, izay any avaratr’i Damaskosy.

DIEM PROTESTANTA

¹⁵ Natsitokotokon’i Abrama ireo mpanompony mba hanafihana azy amin’ny alina. Dia resiny ireo mpanjaka, ka nenjehiny hatrany Hôbà, any avaratr’i Damasy.

Dikateny Iombonana Eto Madagasikara

¹⁵ Natsitokotokon’i Abrama ireo mpanompony mba hanafihana azy amin’ny alina. Dia resiny ireo mpanjaka, ka nenjehiny hatrany Hôbà, any avaratr’i Damasy.

Baiboly Protestanta Malagasy

¹⁵ Dia nitokotoko hamely azy nony alina izy sy ny andevolahiny; dia namely azy izy ka nanenjika azy hatrany Hoba, izay ao avaratr’i Damaskosy.

Malagasy Bible

¹⁵ Dia nitokotoko hamely azy nony alina izy sy ny andevolahiny; dia namely azy izy ka nanenjika azy hatrany Hoba, izay ao avaratr'i Damaskosy.

La Bible en Malgache

¹⁵ Dia nifampizara ho antokotokony izy sy ireo mpanompony nony alina ka namely azy ireo ary nanenjika azy hatrany Hoba, izay any avaratr’i Damaskosy.

Genesisy 14:15 Rohy Ifampitohizana

Genesisy 15:2

Fa hoy ny navalin’i Abrama: «Iaveh Tompo ô, inona no homenao ahy? Fa izaho dia lasa tsy hiteraka ka ny mpandova ny tranoko dia i Eliezera avy any Damasa.»

1Mpanjaka 15:18

Nalain’i Asà kosa ny volafotsy sy volamena sisa rehetra tao amin’ny rakitry ny tranon’i Iaveh sy ny rakitry ny tranon’ny mpanjaka, ka nataony teo an-tanan’ny mpanompony; dia nalefan’ny mpanjaka Asà ireo, ho any amin’i Ben-Hadada zanak’i Tabremôna, zanak’i Heziôna, mpanjakan’i Siria nonina tao Damasa, hanao hoe:

Salamo 112:5

Sambatra ny olona manao famindram-po sy mampisambotra; hahery an’ady izy, eo amin’ny fitsarana.

Isaia 17:1

Faminaniana ny amin’i Damasa. Indro fa i Damasa voaesotra tsy ho isan-tanàna intsony; dia ho korontan-javatra foana izy!

Isaia 7:8

Satria fa i Damasa no lohan’i Siria, ary i Rasìna no lohan’i Damasy; ka 65 taona sisa, dia hitsahatra tsy ho vahoaka intsony i Efraima.

Jeremia 49:23

Teny mamely an’i Damasa. Very hevitra i Hamata sy i Arfada, fa nandre filazàn-doza izy, ka nivarahontsaky ny tahotra, mova tsy ny ranomasina misamboaravoara tsy mety mitony.

Ezekiela 27:18

I Damasa nifampivarotra taminao, ny amin’ny habetsahan’ny vokatrao, sy ny habetsahan’ny fanananao, izay notakalozany ny divain’i Helbôna sy ny volon’sondrin’i Tsakara.

Ezekiela 47:16

Ny tany Hamata, Berôtà, ary Sabarima, anelanelan’ny faritanin’i Damasa sy ny faritanin’i Hamata; Hatzera-Tikôna, eo amin’ny faritanin’ny Haoràna.

Asan’ny Apostoly 9:10

Tao Damasy fahizay dia nisy mpianatra anankiray atao hoe Anania; nilazan’ny Tompo tamin’ny tsindrimandry hoe: «Ry Anania.» Dia hoy izy: «Inty aho, Tompoko.»

Asan’ny Apostoly 9:2

nangataka taratasy taminy ho an’ny sinagogan’i Damasy mba hitondrany am-patorana ho any Jerosalema izay rehetra hitany manaraka izany lalana izany, na lahy na vavy.

Asan’ny Apostoly 9:8

Nony niarina avy hatreo i Saoly, dia nanokatra ny masony, fa tsy nahita na inona na inona; ka olona no nitantana azy hankao Damasy.

Deoteronomia 15:2

Ka toy izao no hanaovana ny fanafahana: ny tompon-trosa rehetra izay nampanàna vola dia hanao famelana ny amin’izay nampisamboriny ny namany. Tsy hanery namana aman-drahalahiny izy rehefa voaantso ny fanafahan’i Iaveh.

Mpitsara 7:16

Nozarainy telo izy telon-jato lahy, ka samy nomeny trômpetra sy siny foana avokoa; ary fanilo tao anaty siny,