Genesisy 12:9 - Baiboly Katolika

⁹ Dia nandroso ihany i Abrama nifindrafindra lasy nianatsimo.

Baiboly Protestanta Malagasy 2011

⁹ Dia niainga indray i Abrama ka nandroso niandalana ho any Negeva.

DIEM PROTESTANTA

⁹ Dia nandeha i Abrama ka nifindrafindra toby nihazo ny faritra atsimo.

Dikateny Iombonana Eto Madagasikara

⁹ Dia nandeha i Abrama ka nifindrafindra toby nihazo ny faritra atsimo.

Baiboly Protestanta Malagasy

⁹ Ary nifindra Abrama ka nandroso niandalana ho any amin’ny tany atsimo.

Malagasy Bible

⁹ Ary nifindra Abrama ka nandroso niandalana ho any amin'ny tany atsimo.

La Bible en Malgache

⁹ Dia niainga indray i Abrama ka nandroso niandalana ho any Negeva.

Genesisy 12:9 Rohy Ifampitohizana

Genesisy 13:1

Ary niakatra avy any Ejipta nihazo tany atsimo i Abrama, dia izy sy ny vadiny, mbamin’ny fananany rehetra, ary i Lôta koa niaraka taminy.

Genesisy 13:3

Dia nandeha izy ka nifindrafindra lasy avy any atsimo ka hatreo Betela amin’ilay niorenany lay tamin’ny voalohany, anelanelan’i Betela sy i Hay;

Genesisy 20:1

Nifindra niala teo i Abrahama, dia nankany amin’ny faritany atsimo, ka nonina teo anelanelan’i Kadesa sy i Sora, ary nitoetra kelikely tao Jerara izy.

Genesisy 20:13

Nony nampivezivezen’Andriamanitra lavitra ny tranon’ikaky aho, dia hoy aho tamin’i Sarà: Izao no fitia angatahiko hataonao amiko: Any amin’izay tany rehetra hahatongavantsika any aho lazao hoe: Anadahiko io.»

Genesisy 24:62

Tamin’izany i Isaaka tonga avy any amin’ny fantsakan’i Kai-Rôy ka nonina teo amin’ny tany Atsimo.

Salamo 105:13

ka nifindrafindra tany tamin’ny firenena; niala tamin’ny fanjakana iray ho amin’ny firenen-kafa.

Isaia 30:6

Faminaniana ny amin’ireo bibin’i Negeba: Izy ireo mamakivaky ny tany mampahory sy mampitebiteby, izay ivoahan’ny liona aman-diona vavy, ny menarana sy ny dragona manidina, mitondra ny hareny eny an-damosin’ny ampondra, sy ny rakiny eo amin’ny trafon’ny rameva, ho an’ny firenena tsy mahefa na inona na inona.

Nomery 13:17

Nirahin’i Môizy hisafo ny tany Kanaana izy ireo, nataony hoe: «Miakara ianareo, mihazoa ny Negeba, dia miakara amin’ny tendrombohitra.

Deoteronomia 1:7

ka mihodìna dia miaingà; mandehana mankany amin’ny tendrombohitry ny Amôreana sy any amin’ny manodidina azy rehetra, any amin’i Arabaha, any amin’ny Tendrombohitra, any amin’i Sefelà, any amin’ny Negeba, any amoron’ny ranomasina, any amin’ny tanin’ny Kananeanina ary any Libàna, hatrany amin’ny ony lehibe dia ny ony Eofrata.