Genesisy 12:6 - Baiboly Katolika

⁶ Dia namaky ny tany i Abrama, hatrany amin’ny fitoerana atao hoe Sikema, hatrany amin’ny terebintan’i Môre.

Baiboly Protestanta Malagasy 2011

⁶ Ary i Abrama dia nitety ny tany hatrany Sekema, hatreo amin’ny hazo terebintan’i More. Ny Kananita no tao amin’ny tany Kanana tamin’izany fotoana izany.

DIEM PROTESTANTA

⁶ Ary i Abrama namakivaky ny tany hatrany amin’ny hazo ôakan’i Môre, any Sekema. Ny Kanahanita no nipetraka tamin’iny faritra iny tamin’izany.

Dikateny Iombonana Eto Madagasikara

⁶ Ary i Abrama namakivaky ny tany hatrany amin’ny hazo ôakan’i Môre, any Sekema. Ny Kanahanita no nipetraka tamin’iny faritra iny tamin’izany.

Baiboly Protestanta Malagasy

⁶ Ary Abrama dia nitety ny tany hatrany Sekema; dia tao an-kazo terebintan’i More. Ary ny Kananita no tompon-tany tany Kanana fahizay.

Malagasy Bible

⁶ Ary Abrama dia nitety ny tany hatrany Sekema, dia tao an-kazo terebintan'i More. Ary ny Kananita no tompon-tany tany Kanana fahizay.

La Bible en Malgache

⁶ Ary i Abrama dia nitety ny tany hatrany Sekema, hatreo amin’ny hazo terebinta*n’i More. Ny Kananita no tao amin’ny tany Kanana tamin’izany fotoana izany.

Genesisy 12:6 Rohy Ifampitohizana

Genesisy 10:15

I Kanaana niteraka an’i Sidona lahimatoany, sy i Heta;

Genesisy 13:7

Nifanditra ny mpiandry ondrin’i Abrama sy ny mpiandry ondrin’i Lôta. Ny Kananeanina sy ny Ferezeanina no nitoetra tamin’ny tany tamin’izay.

Genesisy 33:18

Dia tafaverina avy any Padan-Arama i Jakôba, ka tonga soa aman-tsara tao Sikema, amin’ny tany Kanaana, ary nitoby teo anoloan’ny tanàna.

Genesisy 34:2

ka hitan’i Sikema zanak’i Hemora, Heveanina, andriana tamin’izany tany izany, dia notsoahany, ka niray fandriana ary nanao an-kery taminy izy.

Genesisy 34:30

Fa hoy kosa i Jakôba tamin’i Simeôna sy i Levỳ: «Nampanahirana ahy ianareo, fa nomaimboinareo amin’ny tany ama-monina aho, dia amin’ny Kananeanina sy amin’ny Ferezeanina. Izaho dia olom-bitsy ka hikambana izy hamely ahy, ka hovonoiny aho, dia ho fongotra aho sy ny ankohonako.»

Genesisy 35:4

Dia natolotr’izy ireo an’i Jakôba ny andriamani-kafa rehetra teo an-tanany, sy ny kavina teny an-tsofiny, ka nalevin’i Jakôba teo am-pototry ny terebinta izay ao Sikema.

1Mpanjaka 12:1

Nankany Sikema i Rôbôama, fa tonga tany Sikema i Israely rehetra hampanjaka azy.

1Mpanjaka 12:25

I Sikema any amin’ny tendrombohitr’i Efraima no naorin’i Jerôbôama, dia nonina tao izy. Niala tao indray izy dia nanorina an’i Fanoela.

Salamo 60:6

Kanefa nomenao faneva ireo matahotra Anao, hitsanganan’io noho ny fahamarinanao. - - Selà

Hosea 6:9

Mova tsy ny andian-jiolahy manao otrika, ny andia-mpisorona mamono olona, eo amin’ny lalana mankany Sikema; fa mahavita heloka be vava izy ireo.

Jaona 4:5

ka tonga tany amin’ny tanànan’i Samaria anankiray atao hoe Sikara, akaikin’ny saha nomen’i Jakôba an’i Josefa zanany;

Asan’ny Apostoly 7:16

Ary nentina nankany Sikema izy ireo, ka nalevina tao amin’ny fasana izay novidin’i Abrahama vola tamin’ny zanak’i Hemora tany Sikema.»

Deoteronomia 11:30

Ireo tendrombohitra roa ireo, dia moa tsy any an-dafin’i Jordany ambadiky ny lalana mihazo any andrefana, any amin’ny tanin’ny Kananeanina, monina amin’ny Arabaha, tandrifin’i Galgalà, akaikin’ny terebintan’i Môre?

Hebreo 11:9

Ny finoana no nitoerany tany amin’ny tany nampanantenaina toy ny any an-tany fivahiniana, tranolay no nitoerany; toy izany koa i Isaaka sy i Jakôba izay mpandova izany teny nampanantenaina izany koa;

Josoa 20:7

Ny natokany dia i Kadesy any Galilea amin’ny tendrombohitr’i Neftalì; i Sikema amin’ny tendrombohitr’i Efraima, ary i Kariat-Arbe, dia i Hebrôna izany, amin’ny tendrombohitr’i Jodà.

Josoa 24:32

Ary ny taolan’i Josefa, izay nentin’ny zanak’i Israely avy tany Ejipta, dia nalevina tao Sikema, amin’ilay saha novidin’i Jakôba, nomeny zato kesitasy, tamin’ny taranak’i Hemora, rain’i Sikema, ary tonga fananan’ny taranak’i Josefa ny taolany.

Mpitsara 7:1

Vao maraina koa dia nifoha i Jerobaala, dia i Jedeôna izany, mbamin’ny vahoaka rehetra izay tao aminy ka lasa teo ambonin’ny loharano tao Harada. Ny tobin’i Madiàna kosa, dia teo avaratry ny an’i Jedeôna akaikin’ny havoana Môre amin’ny tany lemaka.

Mpitsara 9:1

Niainga i Abimeleka zanak’i Jerobaala, ka nankany Sikema amin’ireo anadahin-dreniny, ary nilaza izao teny izao tamin’ireo sy tamin’ny fokon’ny rain-dreniny rehetra: