Genesisy 10:5 - Baiboly Katolika

⁵ Avy tamin’ireo no iavian’ny vahoaka miely amin’ny nosim-pirenena any amin’ny taniny avy, samy araka ny fiteniny sy araka ny fianakaviany, araka ny fireneny avy.

Baiboly Protestanta Malagasy 2011

⁵ Avy tamin’ireo ny firenena no niparitaka tany amin’ireo nosy, tany amin’ny taniny avy, samy araka ny fiteniny avy, araka ny mpianakaviny avy, tamin’ny fireneny avy.

DIEM PROTESTANTA

⁵ Ireo no zanakalahin’i Jafeta sady niavian’ny firenen-tsamihafa niparitaka any amin’ny nosy maro; ka samy nanana ny taniny araka ny fiteniny avy sy nanana ny fireneny araka ny fokony avy izy.

Dikateny Iombonana Eto Madagasikara

⁵ Ireo no zanakalahin’i Jafeta sady niavian’ny firenen-tsamihafa niparitaka any amin’ny nosy maro; ka samy nanana ny taniny araka ny fiteniny avy sy nanana ny fireneny araka ny fokony avy izy.

Baiboly Protestanta Malagasy

⁵ Avy tamin’ireo no niavakavahan’ny nosin’ny firenena tany amin’ny taniny, dia samy araka ny fiteniny avy, araka ny mpianakaviny avy, tamin’ny fireneny avy.

Malagasy Bible

⁵ Avy tamin'ireo no niavakavahan'ny nosin'ny firenena tany amin'ny taniny, dia samy araka ny fiteniny avy, araka ny mpianakaviny avy, tamin'ny fireneny avy.

La Bible en Malgache

⁵ Avy tamin’ireo ny firenena no niparitaka tany amin’ireo nosy, tany amin’ny taniny avy, samy araka ny fiteniny avy, araka ny mpianakaviny avy, tamin’ny fireneny avy.

Genesisy 10:5 Rohy Ifampitohizana

Genesisy 10:20

Ireo no taranak’i Kama, araka ny fianakaviany sy araka ny fiteniny avy, any amin’ny taniny sy any amin’ny fireneny avy.

Genesisy 10:25

Roa lahy no zanak’i Ebera, ka Falega no anaran’ny anankiray, fa tamin’ny androny dia voazara ny tany, ary Jektàna no anaran’ny rahalahiny.

Genesisy 10:32

Ireo no fianakavian’ny zanak’i Nôe, araka ny taranany, any amin’ny fireneny avy. Avy amin’ireo ny firenena niely teto ambonin’ny tany, taorian’ny safodrano.

Genesisy 10:4

Zanak’i Javàna: i Elisà sy i Tarsisa ary i Setima sy i Dôdanima.

Genesisy 10:6

Zanak’i Kama: i Kosy, i Mesraima, i Fota, ary i Kanaana.

Genesisy 9:19

Izy telo lahy ireo no monina amin’ny tany rehetra.

Salamo 72:10

Handoa hetra ny mpanjakan’i Tarsisa sy ny nosy; hanolotra fanatitra ny mpanjakan’i Sabà sy Merôe;

Isaia 11:11

Ary izao no hitranga amin’izany andro izany: Ny Tompo haninjitra ny tanany fanindroany, hanavotra ny sisa amin’ny vahoakany, izay sisa mbola ho hita any Asiria sy Ejipta, sy Patrôsy, Etiôpia, Elama, Senaara, Hamata sy ireo nosy amin’ny ranomasina.

Isaia 24:15

«Miderà an’i Iaveh, ianareo, any amin’ny tany atsinanana, dia ny Anaran’i Iaveh, Andriamanitr’i Israely, any amin’ny nosy any andrefana.»

Isaia 40:15

Indro ny firenena fa hoatra ny rano indray mitete miraikitra amin’ny siny, heverina hoatra ny vovoka eo amin’ny mizana; indro ny nosy fa hoatra ny vovoka madinika.

Isaia 41:5

Mahita izany ireo nosy, ka raiki-tahotra; mangovitra ny vazantany; manatona izy ireo ka tonga.

Isaia 42:10

Mihirà fihiram-baovao ho an’i Iaveh; sy fiderana Azy, hatramin’ny faran’ny tany, ianareo miantsambo amin’ny ranomasina sy monina ao aminy, ianareo, nosy, mbamin’ireo mponina aminareo!

Isaia 42:4

tsy ho ketraka izy na ho kivy akory, mandra-panoriny ny rariny amin’ny tany; ary ny nosy hiandry ny lalàny.

Isaia 49:1

Mihainoa ahy, ry Nosy; mitandrema ianareo, ry firenena lavitra! I Iaveh efa niantso ahy hatrany am-bohoka, efa nilaza ampahibemaso ny anarako, hatrany an-kibon’i neny.

Isaia 51:5

Akaiky ny fahamarinako; efa hiseho ny famonjeko: ary hitsara ny firenena ny sandriko; manantena Ahy ny nosy, ary matoky ny sandriko izy.

Isaia 59:18

Hifandanja amin’ny asa natao ny valy, dia hatezerana ho an’ny mpandrafy Azy, valim-bonoana ho an’ny fahavalony, hanao valim-bonoana amin’ireo nosy Izy.

Isaia 60:9

Fa Izaho no antenain’ny nosy; ary ny sambon’i Tarsisa no ho lohalalana; hamerina hankatỳ ny zanakao avy lavitra, mbamin’ny volafotsiny sy ny volamenany, ho an’ny Anaran’i Iaveh Andriamanitrao, sy ilay Masin’i Israely, satria efa nomeny voninahitra ianao.

Jeremia 2:10

Fa mità àry eny amin’ireo nosin’i Setima ka mijere; maniraha ho any Sedara, ka mandiniha tsara; dia jereo raha mba misy izay toy izao any.

Jeremia 25:22

ny mpanjaka rehetra any Tira, ny mpanjaka rehetra any Sidona, mbamin’ny mpanjakan’ny nosy any an-dafin’ny ranomasina;

Ezekiela 26:15

Izao no lazain’ny Tompo Iaveh amin’i Tira: Ny fikotrokotroky ny fianjeranao, rehefa hidridridridry ny maratra eo aminao, rehefa handripaka, ny vonoana eo afovoanao, moa va tsy hihorohoroan’ny nosy izany?

Ezekiela 26:18

Kanjo, ankehitriny, hangovitra ny nosy, amin’ny andro hianjeranao, ary ny nosy eo amin’ny ranomasina, dia ho raiki-tahotra amin’ny iafaranao.

Zefania 2:11

Ho fampatahorana mafy ho azy i Iaveh, fa hofoanany ireo andriamanitra rehetra ambonin’ny tany; ary hiankohoka eo anatrehany samy any amin’izay misy azy avy, ny mponina amin’ny nosim-pirenena rehetra.

Deoteronomia 32:8

Nony nomen’ny Avo indrindra zaratany ny firenena, nony natokotokony ny zanak’olombelona, dia nametra ny faritanin’ny vahoaka Izy; araka ny isan’ny zanak’i Israely.