Ezra 4:1 - Baiboly Katolika

¹ Nony ren’ny fahavalon’i Jodà sy i Benjamina fa hoe manao tempoly ho an’i Iaveh Andriamanitr’i Israely, ny zanaky ny fahababoana,

Baiboly Protestanta Malagasy 2011

¹ Nony ren’ny fahavalon’ny Joda sy ny Benjamina fa ireo nody avy tamin’ny fahababoana dia efa manangana tempoly ho an’NY TOMPO Andriamanitry ny Israely

DIEM PROTESTANTA

¹ Ren’ny valovotaka, fahavalon’ny Jiosy tao Joda sy tao Benjamîna, fa manorina tempoly ho an’ny TOMPO Andriamanitr’i Israely ny Jiosy nody avy any an-tsesitany.

Dikateny Iombonana Eto Madagasikara

¹ Ren’ny valovotaka, fahavalon’ny Jiosy tao Joda sy tao Benjamîna, fa manorina tempoly ho an’ny TOMPO Andriamanitr’i Israely ny Jiosy nody avy any an-tsesitany.

Baiboly Protestanta Malagasy

¹ ARY nony ren’ny fahavalon’ny Joda sy ny Benjamina fa ireo efa nody avy tamin’ny fahababoana dia efa manao tempoly ho an’i Jehovah, Andriamanitry ny Isiraely,

Malagasy Bible

¹ Ary nony ren'ny fahavalon'ny Joda sy ny Benjamina fa ireo efa nody avy tamin'ny fahababoana dia efa manao tempoly ho an'i Jehovah, Andriamanitry ny Isiraely,

La Bible en Malgache

¹ Nony ren’ny fahavalon’ny Joda sy ny Benjamina fa ireo nody avy tamin’ny fahababoana dia efa manangana tempoly* ho an’NY TOMPO Andriamanitry ny Israely

Ezra 4:1 Rohy Ifampitohizana

Ezra 1:11

5.400 no totalin’ny fanaka volamena sy volafotsy. Dia nentin’i Sasabasara avokoa ireo, nony niverina avy any Babilôna ho any Jerosalema ireo voasesitany.

Ezra 10:16

Fa ny zanaky ny fahababoana dia samy nanaraka izany avokoa. I Esdrasa mpisorona mbamin’ny lehilahy sasany loham-pianakaviana, araka ny firazanany avy, samy voatonona anarana avokoa, dia nitokana ary nipetraka handinika ny raharaha; andro voalohan’ny volana fahafolo tamin’izay.

Ezra 10:7

Koa natao an-kabary eran’i Jodà sy i Jerosalema ny fiantsoana ny zanaky ny fahababoana hivory eo Jerosalema,

Ezra 3:13

hany ka tsy hain’ny vahoaka navahana izay hobin-kafaliana sy izay feo fitomanian’ny vahoaka, fa samy niantsoantso tamin’ny feo mafy dia mafy ny vahoaka, ka re lavitra ny horakoraka.

Ezra 6:16

Ary ny zanak’i Israely, ary ny olona sisa tamin’ny zanaky ny fahababoana, dia samy nitokana ny tranon’Andriamanitra tamin-kafaliana.

Ezra 7:9

Tamin’ny andro voalohan’ny volana voalohany izy no niainga hiakatra niala tany Babilôna ary tamin’ny andro voalohan’ny volana fahadimy no nahatongavany tao Jerosalema, nomban’ny tanan’ny Andriamaniny manisy soa.

1Korintiana 16:9

satria varavarana lehibe no mivoha ho ahy hahazoako miasa tsara, nefa maro ny mpanohitra.