Ezra 1:3 - Baiboly Katolika

³ Ka iza aminareo no vahoakany? Homba azy anie ny Andriamaniny, ary aoka hiakatra any Jerosalema any Jodà izy, ka hanao ny tranon’i Iaveh Andriamanitr’i Israely, dia ilay Andriamanitra izay ao Jerosalema.

Baiboly Protestanta Malagasy 2011

³ Koa iza avy aminareo rehetra moa no olony? Andriamaniny anie homba azy! Aoka hiakatra any Jerosalema izay any Joda izy ka hanao ny tranon’NY TOMPO, Andriamanitry ny Israely. Izy no Andriamanitra izay any Jerosalema.

DIEM PROTESTANTA

³ Koa aoka ianareo rehetra anisan’ny vahoakan’ny Tompo mba hiakatra any Jerosalema, ao amin’ny tanin’i Joda, ka hanorina indray ny tranon’ny TOMPO Andriamanitr’i Israely, dia ilay Andriamanitra Izay ivavahana ao Jerosalema. Homba anareo anie ilay Andriamanitrareo!

Dikateny Iombonana Eto Madagasikara

³ Koa aoka ianareo rehetra anisan’ny vahoakan’ny Tompo mba hiakatra any Jerosalema, ao amin’ny tanin’i Joda, ka hanorina indray ny tranon’ny TOMPO Andriamanitr’i Israely, dia ilay Andriamanitra Izay ivavahana ao Jerosalema. Homba anareo anie ilay Andriamanitrareo!

Baiboly Protestanta Malagasy

³ Koa iza avy moa aminareo rehetra no olony? Andriamaniny anie homba azy, fa aoka hiakatra any Jerosalema izay any Joda izy ka hanao ny tranon’i Jehovah, Andriamanitry ny Isiraely,– Izy no Andriamanitra Izay any Jerosalema.

Malagasy Bible

³ Koa iza avy moa aminareo rehetra no olony? Andriamaniny anie homba azy, fa aoka hiakatra any Jerosalema izay any Joda izy ka hanao ny tranon'i Jehovah, Andriamanitry ny Isiraely, Izy no Andriamanitra Izay any Jerosalema.

La Bible en Malgache

³ Koa iza avy aminareo rehetra moa no olony? Andriamaniny anie homba azy! Aoka hiakatra any Jerosalema izay any Joda izy ka hanao ny tranon’NY TOMPO, Andriamanitry ny Israely. Izy no Andriamanitra izay any Jerosalema.

Ezra 1:3 Rohy Ifampitohizana

1Mpanjaka 18:39

Nony nahita izany ny vahoaka rehetra, dia niankohoka tamin’ny tany nanao hoe: «I Iaveh ihany no Andriamanitra, i Iaveh ihany no Andriamanitra!»

1Mpanjaka 8:23

Ry Iaveh Andriamanitr’i Israely ô, tsy misy Andriamanitra tahaka Anao, na amin’ny lanitra ambony na amin’ny tany ambany, fa Ianao mitandrina ny fanekenao amam-pamindram-ponao, amin’ny mpanomponao, izay mandeha eo anatrehanao amin’ny fony tokoa,

1Tantara 28:20

Ary hoy i Davida tamin’i Salômôna zanany: «Matanjaha! Mahereza! Miasà! Ary aza matahotra na manam-badi-po, fa i Iaveh Andriamanitra, Andriamanitro homba anao; tsy handao anao Izy, na hahafoy anao, mandra-pahavitan’ny asa rehetra momba ny fanompoana ao an-tranon’i Iaveh.

Ezra 1:4

Aoka ny olona rehetra sisan’i Jodà ao amin’ny fonenana itoerany, na iza na iza, dia hoampian’ny olona ao amin’io fonenana io, amin’ny volafotsy, volamena, fanaka, biby fiompy, mbamin’ny fanomezana an-tsitrapo hanaovana ny tranon’Andriamanitra any Jerosalema.»

Ezra 4:3

Fa namaly azy kosa i Zôrôbabela sy i Jôsoe mbamin’ireo namany loham-pianakavian’i Israely nanao hoe: «Tsy mety raha izahay sy ianareo no miara-manao ny tranon’Andriamanitray, fa izahay ihany no hanao azy, ho an’i Iaveh Andriamanitr’i Israely, araka ny voadidin’ny mpanjaka, dia i Sirosa mpanjakan’i Persa.»

Ezra 5:13

Tamin’ny taona voalohany nanjakan’i Sirosa, mpanjakan’i Babilôna kosa anefa, namoaka didy manome lalana ny hanaovana io tranon’Andriamanitra io indray i Sirosa mpanjaka.

Ezra 5:3

Tamin’io fotoana io ihany dia tonga tao amin’izy ireo i Tatanaì, governoran’ny any an-dafin’ny ony, mbamin’i Starbôzanay sy ny namany, ka nanao tamin’izy ireo hoe: «Iza no nanome alalana anareo hanao ity trano ity sy hanangana ireo manda ireo?»

Ezra 6:7

ka avelao hotohizana ny asa amin’ny tranon’Andriamanitra; aoka ny governoran’ny Jody sy ny loholon’ny Jody hanorina izany tranon’Andriamanitra izany indray amin’izay fitoerany teo.

Salamo 132:13

Fa i Iaveh efa nifidy an’i Siôna, sy naniry ho fonenany.

Salamo 83:18

Aoka izy ho menatra sy ho raiki-tahotra mandrakizay, sy hangaihay ary ho azon’ny fandringanana.

Isaia 37:16

«Ry Iavehn’ny tafika, Andriamanitr’i Israely ô, izay mipetraka amin’ny Kerobima, Ianao irery no Andriamanitry ny fanjakana rehetra ambonin’ny tany, Ianao no namorona ny lanitra sy ny tany.

Isaia 44:28

Ny amin’i Sirosy dia milaza Aho manao hoe: «Mpiandry ondriko izy; hanatanteraka ny sitrapoko manontolo izy, hilaza amin’i Jerosalema hoe: ‹Haorina indray anie ianao!› Sy amin’ny tempoly hoe: ‹Hatsangana indray anie ianao!› »

Isaia 45:5

Izaho no Iaveh, ary tsy misy hafa koa; tsy misy Andriamanitra afa-tsy Izaho! Nampisikina anao Aho, fony ianao mbola tsy nahalala Ahy;

Jeremia 10:10

Fa i Iaveh kosa dia tena Andriamanitra tokoa; Izy dia Andriamanitra velona, sy Mpanjaka mandrakizay; ny tany mihorohoro amin’ny fahatezerany; ary ny firenena tsy mahatanty ny fahavinirany.

Matio 28:20

ampianaro izy hitandrina ny zavatra rehetra nandidiako anareo. Ary indro Aho eo aminareo mandrakariva ambara-pahatongan’ny faran’izao tontolo izao.»

Asan’ny Apostoly 10:36

Nampitondra teny tamin’ny zanak’i Israely Izy, mba hanambara fiadanana amin’ny alalan’i Jesoa Kristy, izay Tompon’izao rehetra izao.

Deoteronomia 32:31

Fa tsy mitovy amin’ny Vatolampintsika ny vatolampin’izy ireo: vavolombelon’izany ny fahavalontsika.

Josoa 1:9

Tsy efa nodidiako ianao va amin’ny hoe: matanjaha ary mahereza fo; aza matahotra na manam-badi-po, fa i Iaveh Andriamanitrao no momba anao na aiza na aiza halehanao.»