Eksodosy 4:13 - Baiboly Katolika

¹³ Hoy anefa i Môizy: «Indrisy! ry Tompo, ampitondray izay tianao hampitondraina azy re ny teninao.»

Baiboly Protestanta Malagasy 2011

¹³ Nefa hoy izy: Tompo ô, mifona aminao aho, iraho izay hafa tianao hirahina.

DIEM PROTESTANTA

¹³ Fa hoy i Mosesy hoe: –Mifona aho, Tompo ô, mba olon-kafa re irahina!

Dikateny Iombonana Eto Madagasikara

¹³ Fa hoy i Mosesy hoe: –Mifona aho, Tompo ô, mba olon-kafa re irahina!

Baiboly Protestanta Malagasy

¹³ Fa hoy izy: Tompo ô, mifona aminao aho, iraho izay tianao hirahina.

Malagasy Bible

¹³ Fa hoy izy: Tompo ô! mifona aminao aho, iraho izay tianao hirahina.

La Bible en Malgache

¹³ Nefa hoy izy: Tompo ô, mifona aminao aho, iraho izay hafa tianao hirahina.

Eksodosy 4:13 Rohy Ifampitohizana

Genesisy 24:7

I Iaveh Andriamanitry ny lanitra Izay naka ahy tao an-tranon’ny raiko, sy tany amin’ny tany nahaterahako, Izay niteny tamiko sy nianiana tamiko hoe: ‹Homeko ny taranakao ity tany ity› dia izy ihany koa no haniraka ny Anjeliny eo alohanao, ka haka vady avy any ho an’ny zanako ianao.

Genesisy 41:35

Aoka hovorin’ireo ny vokatra rehetra azony amin’ireo taona tsara ho avy; aoka hangoniny be dia be ny vary hapetraka eo am-pelatanan’i Faraôna ary hatao fitaovana amin’ny tanàna ka hotahirizina.

Genesisy 48:16

ary ilay anjely namonjy ahy ho afaka tamin’ny loza rehetra, hitso-drano an’ireto zaza ireto. Aoka hantsoina amin’ny anarako, sy amin’ny anaran’i Abrahama sy i Isaaka razako izy; ary hitombo ho maro dia maro, eo amin’ny tany.»

1Mpanjaka 19:4

fa izy kosa nandroso lalana indray andro tany an’efitra; ary nony mby tany izy, nipetraka teo ambanin’ny kofafambohitra anankiray, dia nangataka ny ho faty, nanao hoe: «Aoka izay! alao amin’izao ny aiko, ry Iaveh ô, fa tsy tsara noho ny razako aho.»

Eksodosy 23:20

«Indro Aho maniraka Anjely eo alohanao, hiaro anao eny an-dalana sy hahatonga anao any amin’ny toerana nomaniko.

Eksodosy 4:1

Fa namaly i Môizy ka nanao hoe: «Tsy hino ahy izy ireo na hihaino ny feoko akory, fa hanao hoe: Tsy niseho taminao i Iaveh.»

Eksodosy 4:12

Koa andeha, fa homba ny vavanao Aho ary hanoro izay holazainao.»

Eksodosy 4:14

Dia nirehitra tamin’i Môizy ny fahatezeran’i Iaveh, ka hoy izy: «Tsy eo va i Aarôna rahalahinao, ilay levita? Fantatro fa tsy hananosarotra izy raha hiteny. Ary indro tamy hitsena anao aza izy, ka ho faly ny fony rehefa mahita anao.

Jeremia 1:6

Dia hoy izy: «Indrisy, Iaveh Tompo ô, tsy mahay miteny aho fa zaza.»

Jeremia 20:9

Hoy aho: Tsy hilaza ny aminy intsony aho, tsy hiteny amin’ny Anarany intsony aho!... dia nisy toy ny afo nirehitra ato am-poko, voahidy ao anatin’ny taolako; nanao izay hihazonana azy aho nefa tsy nahatana azy.

Jona 1:3

Dia nitsangana i Jônasy handositra ho any Tarsisa, lavitra ny tavan’i Iaveh. Nidina tany Jôpe izy, dia nahita sambo ho any Tarsisa, ka naloany ny saran-tsambo, dia niditra tao izy, hiaraka amin’izy ireo ho any Tarsisa, lavitra ny tavan’i Iaveh.

Jona 1:6

Avy nanatona azy ny kapitenin-tsambo, ka nanao taminy hoe: «Inona ity ataonao no matory foana? Mitsangàna antsoy ny Andriamanitrao, ndrao mba mihevitra antsika Andriamanitra, ka tsy ho faty isika».

Matio 13:41

Haniraka ny Anjeliny ny Zanak’olona, ary ireo dia hanangona sy hamoaka ny mpanafintohina sy ny mpanao ratsy rehetra hiala amin’ny fanjakany.

Jaona 6:29

Namaly i Jesoa ka nanao tamin’izy ireo hoe: «Izao no asan’Andriamanitra, dia ny hinoanareo Ilay nirahiny.»

Mpitsara 2:1

Ary niakatra avy any Galgalà ny Anjelin’i Iaveh nankany Bokima, ka nanao hoe: «Nitondra anareo niakatra avy tany Ejipta Aho; dia nampiditra anareo amin’ny tany izay nianianako tamin’ny razanareo homena anareo. Hoy Aho hoe: Tsy hanatsoaka ny fanekeko aminareo mandrakizay Aho,