Eksodosy 34:22 - Baiboly Katolika

²² «Hankalazainao ny fetin’ny Herinandro, ny voaloham-bokatra amin’ny fijinjam-bary, ary ny fetin’ny fampakaram-bokatra amin’ny faran’ny taona.»

Baiboly Protestanta Malagasy 2011

²² Tandremo ny andro firavoravoana amin’ireo Herinandro, amin’ny fanaterana ny voaloham-bokatra rehefa mijinja ny varimbazaha sy ny andro firavoravoana amin’ny fanangonam-bokatra amin’ny fitsingerenan’ny taona.

DIEM PROTESTANTA

²² «Ankalazao ny fetin’ny Pentekôsta amin’ny fotoana hijinjanareo ny santa-bary, ary ny fetim-bokatra amin’ny fararano.

Dikateny Iombonana Eto Madagasikara

²² «Ankalazao ny fetin’ny Pentekôsta amin’ny fotoana hijinjanareo ny santa-bary, ary ny fetim-bokatra amin’ny fararano.

Baiboly Protestanta Malagasy

²² Ary tandremo ny andro firavoravoana manarakaraka ireo herinandro amin’ny fanaterana ny voalohambokatra, raha mijinja ny vary tritika, sy ny andro firavoravoana amin’ny fanangonana amin’ny fitsingerenan’ny taona.

Malagasy Bible

²² Ary tandremo ny andro firavoravoana manarakaraka ireo herinandro amin'ny fanaterana ny voaloham-bokatra, raha mijinja ny vary tritika, sy ny andro firavoravoana amin'ny fanangonana amin'ny fitsingerenan'ny taona.

La Bible en Malgache

²² Tandremo ny andro firavoravoana amin’ireo Herinandro, amin’ny fanaterana ny voaloham-bokatra rehefa mijinja ny varimbazaha sy ny andro firavoravoana amin’ny fanangonam-bokatra amin’ny fitsingerenan’ny taona.

Eksodosy 34:22 Rohy Ifampitohizana

2Tantara 8:13

Ka izay voadidin’ny lalàn’i Môizy dia nateriny isan’andro sy isan-tsabata; ary amin’ny voalohan’ny volana, sy amin’ny fety intelo isan-taona: dia ny fetin’ny azima, ny fetin’ny herinandro, ary ny fetin’ny tabernakla.

Eksodosy 23:14

«Intelo isan-taona no hanaovanao fety fankalazana Ahy.

Eksodosy 23:16

Hotandremanao ny fetin’ny fijinjana, fetin’ny voaloham-bokatry ny asanao izay nafafinao tany an-tsaha; ary ny fetin’ny fanangonam-bokatra amin’ny faran’ny taona, izay hanangonanao ny vokatry ny asanao tany an-tsaha;

Levitikosy 2:12

Fa azonareo atolotra an’i Iaveh ho fanatitra voaloham-bokatra izany; nefa tsy hisy apetraka eo ambonin’ny ôtely ho fanatitra misy hanitra ankasitrahina.

Levitikosy 23:15

Ary miantomboka amin’ny ampitson’ny sabata amin’ny andro nitondranareo ny amboara hahevaheva dia hanisa herinandro fito mipaka ianareo.

Levitikosy 23:34

«Mitenena amin’ny zanak’i Israely ka lazao hoe: Amin’ny andro fahadimy ambin’ny folon’io volana fahafito io, no fetin’ny tabernakla, mandritra ny hafitoana, ho fankalazana an’i Iaveh.

Nomery 29:1

«Amin’ny volana fahafito, amin’ny andro voalohan’ny volana, dia hisy fivoriana masina ho anareo; tsy hanao asa fanaon’ny mpiasa na inona na inona ianareo. Andron’ny feo mikarantsana ho anareo izany.

Jaona 7:2

Nony efa akaiky ny fetin’ny Jody atao hoe fetin’ny Tranolay,

Asan’ny Apostoly 2:1

Nony tonga ny andro Pantekôty, dia tafavory tao amin’ny trano anankiray izy rehetra,

Deoteronomia 16:9

Hanisa herinandro fito ianao, ka raha vao santarina amin’ny antsim-bary ny vary dia hatombokao ny fanisana herinandro fito;