Eksodosy 32:26 - Baiboly Katolika

²⁶ Ka dia nijanona teo am-bavahadin’ny toby i Môizy, nanao hoe: «Mbà tonga atỳ amiko izay momba an’i Iaveh.» Ary ny zanak’i Levì rehetra nivory nankeo aminy. Ka hoy izy tamin’ireo:

Baiboly Protestanta Malagasy 2011

²⁶ dia nijanona teo amin’ny vavahadin’ny toby i Mosesy ka niteny hoe: Izay rehetra an’NY TOMPO, mankanesa etỳ amiko. Ary ny taranak’i Levy rehetra dia niangona teo aminy.

DIEM PROTESTANTA

²⁶ Koa nitsangana teo am-bavahadin’ny toby izy, ary niantso hoe: –Izay an’ny TOMPO, mankanesa etỳ amiko! Dia nitangorona teo amin’i Mosesy ny Levita rehetra,

Dikateny Iombonana Eto Madagasikara

²⁶ Koa nitsangana teo am-bavahadin’ny toby izy, ary niantso hoe: –Izay an’ny TOMPO, mankanesa etỳ amiko! Dia nitangorona teo amin’i Mosesy ny Levita rehetra,

Baiboly Protestanta Malagasy

²⁶ dia nijanona teo amin’ny vavahadin’ny toby Mosesy ka nanao hoe: Izay rehetra an’i Jehovah mankanesa etỳ amiko. Ary ny taranak’i Levy rehetra niangona teo aminy.

Malagasy Bible

²⁶ dia nijanona teo amin'ny vavahadin'ny toby Mosesy ka nanao hoe: Izay rehetra an'i Jehovah mankanesa etỳ amiko. Ary ny taranak'i Levy rehetra niangona teo aminy.

La Bible en Malgache

²⁶ dia nijanona teo amin’ny vavahadin’ny toby i Mosesy ka niteny hoe: Izay rehetra an’NY TOMPO, mankanesa etỳ amiko. Ary ny taranak’i Levy rehetra dia niangona teo aminy.

Eksodosy 32:26 Rohy Ifampitohizana

2Samoela 20:11

Fa ny anankiray tamin’ny zatovon’i Jôaba nijanona teo anilan’i Amasà, ka nanao hoe: «Izay mankasitraka an’i Jôaba izay miandany amin’i Davida, dia aoka hanaraka an’i Jôaba!»

2Mpanjaka 9:32

Niandrandra tany am-baravarankely izy, dia nanao hoe: «Iza no momba ahy?» Eonòka roa na telo no nitsirika azy,

Salamo 94:16

Iza no hitsangana ho ahy, hanohitra ny ratsy fanahy? Iza no hanohana ahy, hanohitra ireo manao ratsy?

Eksodosy 32:25

Dia hitan’i Môizy fa nanarana tsy voafehy intsony ny vahoaka satria nampanaranin’i Aarôna tsy voafehiny, ka efa namela azy ho zary fihomehezan’ny fahavalony izy.

Eksodosy 32:27

«Izao no lazain’i Iaveh Andriamanitr’i Israely: Samia ianareo manao ny sabany eo am-balahany avy, ka mandehana mamakivaky ny toby, hatramin’ny vavahadin’ny toby anankiray, ka hatramin’ny anankiray, dia samia mamono ny rahalahiny, ny sakaizany ary ny havany avy.»

Matio 12:30

Izay tsy momba Ahy, manohitra Ahy; ary izay tsy miara-mamory amiko dia manahaka.»

Deoteronomia 33:9

izay nilaza tamin-drainy aman-dreniny hoe: Tsy nahita azy ireo aho, izay tsy nahalala ny rahalahiny na nahafantatra na inona na inona momba ny zanany, fa nankatò ny teninao izy, ary nitana ny fanekenao.

Josoa 5:13

Efa mby akaiky an’i Jerikô i Jôsoe, no nanopy maso nijery, ka indro nisy lehilahy anankiray nitana sabatra voatsoaka nijoro teo anatrehany; dia nanatona azy i Jôsoe, ka nanao taminy hoe: «Momba anay va ianao sa momba ny fahavalo?»