Eksodosy 28:41 - Baiboly Katolika

⁴¹ «Hampiakanjoinao i Aarôna rahalahinao, sy ny zanany koa, hosoranao izy, hatokanao izy, ho hamasininao izy, mba ho mpisorona hanao fanompoana Ahy.

Baiboly Protestanta Malagasy 2011

⁴¹ Dia ampiakanjoy an’i Arona rahalahinao sy ireo zanany ireo; ary hosory izy ireo dia atokàny sy hamasino mba hanao fisoronana ho Ahy.

DIEM PROTESTANTA

⁴¹ «Ry Mosesy, hampiakanjoinao ireo fanamiana ireo i Aharôna zokinao sy ny zanany lahy ary hohosoranao diloilo ny lohany, dia hapetrakao amin’ny toerany izy; toy izany no hanokananao azy hanompo Ahy amin’ny maha mpisorona azy.

Dikateny Iombonana Eto Madagasikara

⁴¹ «Ry Mosesy, hampiakanjoinao ireo fanamiana ireo i Aharôna zokinao sy ny zanany lahy ary hohosoranao diloilo ny lohany, dia hapetrakao amin’ny toerany izy; toy izany no hanokananao azy hanompo Ahy amin’ny maha mpisorona azy.

Baiboly Protestanta Malagasy

⁴¹ Ary ataovy amin’i Arona rahalahinao sy ny zanany koa ireo; dia manosora azy sy manokàna azy ary manamasìna azy, mba ho mpisorona ho ahy izy.

Malagasy Bible

⁴¹ Ary ataovy amin'i Arona rahalahinao sy ny zanany koa ireo; dia manosora azy sy manokana azy ary manamasina azy, mba ho mpisorona ho Ahy izy.

La Bible en Malgache

⁴¹ Dia ampiakanjoy an’i Arona rahalahinao sy ireo zanany ireo; ary hosory izy ireo dia atokàny sy hamasino mba hanao fisoronana ho Ahy.

Eksodosy 28:41 Rohy Ifampitohizana

Eksodosy 28:1

«Asaovy manatona anao i Aarôna rahalahinao, mbamin’ny zanany, ao amin’ny zanak’i Israely, mba ho mpisorona amin’ny fanompoana Ahy, dia i Aarôna, i Nadaba, i Abiò, i Eleazara, ary i Amôra, zanak’i Aarôna.

Eksodosy 28:4

Ka izao no fanamiana hataon’izy ireo: saron-tratra iray, efôda iray, akanjo lava iray, akanjo anaty misy amborodao iray, satroka hamama iray ary fehin-kibo iray. Ireo no fanamiana masina hataony ho an’i Aarôna rahalahinao, sy ny zanany, mba ho mpisorona hanao fanompoana ahy izy ireo.

Eksodosy 29:24

Dia hapetrakao eo amin’ny felatanan’i Aarôna sy amin’ny felatanan’ny zanany avokoa ireo zavatra ireo, ka hahevahevanao ho fanatitra ahevaheva eo anatrehan’i Iaveh.

Eksodosy 29:35

«Izany no hataonao amin’i Aarôna sy ny zanany, araka ny didy rehetra nomeko anao. Hafitoana no hanokananao azy.»

Eksodosy 29:7

Dia alaovy ny diloilo fanosorana, ka aidino eo amin’ny lohany hanosoranao azy.

Eksodosy 29:9

I Aarôna sy ireo zanany samy etrao amin’ny fehikibo; ary ireo zanak’i Aarôna ampisatrohy mitra. Dia ho azy ireo, amin’ny lalàna mandrakizay ny fisoronana; ary hanokana an’i Aarôna sy ireo zanany ianao.»

Eksodosy 30:35

Dia ireo no hanamboaranao zava-manitra hanaovana ny fanembohana, voaharoharo araka ny asan’ny mpahay zava-manitra; asio sira izy, ary aoka ho madio sy masina.

Eksodosy 40:13

Raha efa izany dia hatafinao an’i Aarôna ny fanamiana masina ka hohosoranao sy hohamasininao izy dia ho mpisorona hanao ny fanompoana Ahy.

Eksodosy 40:15

dia hohosoranao toy ny nanosoranao an-drainy izy, dia ho mpisorona hanao ny fanompoana Ahy. Izany fanosorana izany no hampahazo azy ny fahefam-pisoronana mandrakizay amin’ny taranany mandimby azy.»

Isaia 10:27

Ka izao no hiseho amin’izany andro izany: Ny entan’i Asora hoesorina eo an-tsorokao; ary ny jiogany eo amin’ny vozonao, ka ny tanjakao no hahavaky ny jioga.

Isaia 61:1

Ato amiko ny fanahin’i Iaveh, Tompo, satria voahosotr’i Iaveh aho; nirahiny hitondra teny soa mahafaly amin’ny mahantra, hamehy ny ferin’ireo torotoro fo; hampandre ny babo fa afaka sy ny ao an-tranomaizina fa alefa;

Ezekiela 43:26

Hafitoana no hanaovam-panavotana ho an’ny ôtely dia hanadiovana azy sy hanamasinana azy.

Levitikosy 10:7

Fa ianareo kosa aza mivoaka ny varavaran’ny trano lay fihaonana akory, fandrao dia maty ianareo, satria efa mby ao aminareo ny diloilo fanosoran’i Iaveh.» Dia nataon’izy ireo izay nolazain’i Môizy.

Levitikosy 16:24

dia handro amin’ny rano izy, vao hiakanjo ny fanamiana indray.

Nomery 16:5

ka niteny tamin’i Kôre sy ny tariny rehetra nanao hoe: «Rahampitso dia hasehon’i Iaveh izay Azy sy izay masina, ka hampanakekeziny Azy: dia izay nofidiny no hampanakekeziny Azy.

Nomery 3:3

Ireo no anaran’ny zanak’i Aarôna, dia ireo mpisorona nandray ny fanosorana, voatokana hanao ny fisoronana.

Jaona 3:34

Satria izay nirahin’Andriamanitra dia milaza ny tenin’Andriamanitra fa tsy misy fetrany no fanomen’Andriamanitra ny Fanahy.

Hebreo 5:4

Ary tsy misy mahazo maka izany voninahitra izany ho an’ny tenany, afa-tsy izay antsoin’Andriamanitra tahaka an-dry i Aarôna ihany.

Hebreo 7:28

Satria olona zoim-pahalemena no atsangan’ny Lalàna ho mpisorom-be: fa ny tenin’ny fianianana taorian’ny Lalàna kosa dia manendry ny Zanaka, izay tonga amin’ny fara fanaperana mandrakizay.

1Jaona 2:20

Fa ianareo kosa dia voahosotr’ilay Masina, ka mahalala ny zavatra rehetra.

1Jaona 2:27

Ary ianareo, ilay fanosorana noraisinareo taminy no mitoetra ao aminareo, ka tsy mila hampianarin’olona ianareo, fa izany fanosorana izany no mampianatra anareo ny zavatra rehetra, ary marina fa tsy lainga ny fampianarany, ka tomoera ao aminy araka ny fampianarany anareo.