Eksodosy 22:4 - Baiboly Katolika

⁴ ary raha mbola tratra velona eo an-tanany izay nangalariny, na omby na ampondra na ondry, dia honerany avo sasaka».

Baiboly Protestanta Malagasy 2011

⁴ Raha misy olona mampitondraka amin’ny voly na amin’ny tanim-boaloboka, satria nalefany nandeha ny bibiny dia nihinana ny volin’olona, dia amin’izay tsara indrindra ao amin’ny sahany, ary amin’izay tsara indrindra ao amin’ny tanim-boalobony no hanonerany.

DIEM PROTESTANTA

⁴ «Raha misy olona mampitondraka ny bibiny amin’ny voly na ny tanimboaloboky ny hafa ka manimba izany, dia izay tsara indrindra amin’ny vokatry ny sahany sy ny tanimboalobony no homeny ho onitra.

Dikateny Iombonana Eto Madagasikara

⁴ «Raha misy olona mampitondraka ny bibiny amin’ny voly na ny tanimboaloboky ny hafa ka manimba izany, dia izay tsara indrindra amin’ny vokatry ny sahany sy ny tanimboalobony no homeny ho onitra.

Baiboly Protestanta Malagasy

⁴ Raha misy olona mampitondraka amin’ny voly na tanimboaloboka, fa alefany handeha ny bibiny, ka homana ny volin’olona izany biby izany, dia amin’ny tsara indrindra ao amin’ny sahany, ary amin’ny tsara indrindra ao amin’ny tanimboalobony, no hanonerany.

Malagasy Bible

⁴ Raha misy olona mampitondraka amin'ny voly na tanim-boaloboka, fa alefany handeha ny bibiny, ka homana ny volin'olona izany biby izany, dia amin'ny tsara indrindra ao amin'ny sahany, ary amin'ny tsara indrindra ao amin'ny tanim-boalobony, no hanonerany.

La Bible en Malgache

⁴ Raha misy olona mampitondraka amin’ny voly na amin’ny tanim-boaloboka, satria nalefany nandeha ny bibiny dia nihinana ny volin’olona, dia amin’izay tsara indrindra ao amin’ny sahany, ary amin’izay tsara indrindra ao amin’ny tanim-boalobony no hanonerany.

Eksodosy 22:4 Rohy Ifampitohizana

Eksodosy 21:16

Izay mangalatra olona, na namidiny izy io, na tratra eo an-tanany, dia tsy maintsy atao maty.

Eksodosy 22:1

«Raha misy olona mangalatra omby na zanak’ondry, ka mamono izany na mivarotra, dia honerany omby dimy ny omby iray ary zanak’ondry efatra ny zanak’ondry iray.»

Eksodosy 22:5

«Raha misy olona manimba voly na tanimboaloboka, fa nampitondraka ny bibiny tamin’ny sahan’olona dia honerany izany amin’izay tsara indrindra amin’ny voliny sy amin’izay tsara indrindra amin’ny tanimboalobony.»

Eksodosy 22:7

«Raha misy nametra-bola na fanaka hotahirizin’ny namany, ka nangalarin’ny sasany tao an-tranon’ity namany izany: raha hita ny nangalatra dia hanonitra avo sasaka,

Eksodosy 22:9

Na inona na inona zavatra hifandirana, na omby na ampondra na fitafiana, na zavatra inona na zavatra inona very, ka lazain’ny olona hoe: Izy indrindra ity, dia hoentina eo anatrehan’Andriamanitra ny tenin’izy roa tonta, ka izay hoheloin’Andriamanitra dia hanonitra avo sasaka ho an’ny namany.»

Ohabolana 6:31

raha azo, dia hanonitra avo fito heny izy, ka hanome ny fananany rehetra ao an-tranony.

Isaia 40:2

Mitenena amin’ny fon’i Jerosalema, ary ataovy antso avo aminy, fa tapitra ny fanompoany, voaonitra ny helony, voarainy tamin’ny tanan’i Iaveh, ny indroa heny valin’ny fahotany.

Jeremia 16:18

Ary voalohany aloha, dia hovaliako avo sasaka ny heloka amam-pahotany; satria izy ireo nandoto ny taniko, ny fatin-tsampiny sy ny fahavetavetany no namenoany ny lovako.»

Levitikosy 6:5

Hovelomina tsy havela ho faty ny afo eo ambonin’ny ôtely. Isa-maraina ny mpisorona no hampirehitra ny kitay hazo eo, dia handahatra ny sorona dorana eo amboniny, sy handoro ny saboran’ny sorom-pihavanana hanetona eo.

Apokalipsy 18:6

Valio araka ny asany izy, ary ataovy avo sasaka noho izay nataony; ampisotroy amin’ny kapoaka nanomezany izy, ka omeo indroa hoatra izay nampisotroiny anareo;

1Samoela 12:5

Ary hoy izy taminy: «I Iaveh no vavolombelona anio, fa tsy nahita na inona na inona teo an-tanako ianareo». Hoy ny vahoaka namaly azy: «Vavolombelona Izy».