Eksodosy 22:3 - Baiboly Katolika

³ fa raha efa niposaka kosa ny masoandro dia hisy valin-dra ihany. Hanonitra ny mpangalatra; raha tsy manana na inona na inona izy dia ny tenany no amidy ho onitr’izay nangalariny;

Baiboly Protestanta Malagasy 2011

³ Raha hita marina ao aminy ny halatra, ary mbola velona, na omby, na boriky, na ondry, na osy izany, dia hanonitra avo roa heny izy.

DIEM PROTESTANTA

³ «Raha misy omby na boriky na ondry na osy nangalarina ka tratra mbola velona eo amin’ilay mpangalatra, dia haveriny amin’ny tompony avo roa heny iny.

Dikateny Iombonana Eto Madagasikara

³ «Raha misy omby na boriky na ondry na osy nangalarina ka tratra mbola velona eo amin’ilay mpangalatra, dia haveriny amin’ny tompony avo roa heny iny.

Baiboly Protestanta Malagasy

³ Raha hita marina velona eo aminy ny halatra – na omby, na boriky, na ondry, na osy, – dia hanonitra roa heny izy.

Malagasy Bible

³ Raha hita marina velona eo aminy ny halatra na omby, na boriky, na ondry, na osy, dia hanonitra roa heny izy.

La Bible en Malgache

³ Raha hita marina ao aminy ny halatra, ary mbola velona, na omby, na boriky, na ondry, na osy izany, dia hanonitra avo roa heny izy.

Eksodosy 22:3 Rohy Ifampitohizana

Genesisy 44:10

Ka hoy izy: «Aoka àry ho araka ny teninareo. Izay hahitana ny kôpy ho andevoko, fa ianareo sisa kosa dia afaka.»

Eksodosy 21:2

Rehefa hividy mpanompo hebrio ianao, enin-taona no hanompoany, fa amin’ny taona fahafito dia hiala izy ka afaka tsy mandoa na inona na inona.

Eksodosy 21:34

dia hanonitra ny tompon-davaka, haloany volafotsy izay vidin’ny biby maty, ho azy».

Eksodosy 22:2

«Raha misy mpangalatra azo manami-trano alina, ka voavela izy ka maty, dia tsy misy valin-dra amin’izany;

Isaia 40:2

Mitenena amin’ny fon’i Jerosalema, ary ataovy antso avo aminy, fa tapitra ny fanompoany, voaonitra ny helony, voarainy tamin’ny tanan’i Iaveh, ny indroa heny valin’ny fahotany.

Isaia 50:1

Izao no lazain’i Iaveh: Aiza izay taratasy fisaorana an-dreninao, nisaorako azy? Iza no manan-trosa amiko, nivarotako anareo? Tsia, noho ny tsy fahamarinanareo ihany, no nivarotana anareo; noho ny fahotanareo ihany, no nisaorana an-dreninareo.

Matio 18:25

Ary noho izy tsy nanan-kaloa, dia nasain’ny tompony namidy izy sy ny vadiny aman-janany mbamin’ny fananany rehetra, mba hanefana ny trosa.

Mpitsara 10:7

Dia nirehitra tamin’i Israely ny fahatezeran’i Iaveh ka namidiny ho eo an-tanan’ny Filistinina izy, sy ho eo an-tanan’ny taranak’i Amôna.

Mpitsara 2:14

Dia nirehitra tamin’i Israely ny fahatezeran’i Iaveh ka natolony ho eo an-tanan’ny fahavalony manodidina azy izy, ary tsy nahatanty ny fahavalony intsony.