Eksodosy 18:9 - Baiboly Katolika

⁹ Ka faly i Jetrô noho ny soa rehetra nataon’i Iaveh tamin’i Israely sy ny nanafahany azy tamin’ny tanan’ny Ejiptianina.

Baiboly Protestanta Malagasy 2011

⁹ Dia faly i Jetro noho ny soa rehetra izay nataon’NY TOMPO tamin’ny Israelita izay novonjeny ho afaka tamin’ny tanan’ny Ejiptiana.

DIEM PROTESTANTA

⁹ Nahafaly an’i Jetrao ny soa rehetra nataon’ny TOMPO tamin’ny Israelita izay nafahany tamin’ny famoretan’ny Ejiptianina,

Dikateny Iombonana Eto Madagasikara

⁹ Nahafaly an’i Jetrao ny soa rehetra nataon’ny TOMPO tamin’ny Israelita izay nafahany tamin’ny famoretan’ny Ejiptianina,

Baiboly Protestanta Malagasy

⁹ Dia faly Jetro noho ny soa rehetra izay efa nataon’i Jehovah tamin’ny Isiraely, izay novonjeny ho afaka tamin’ny tànan’ny Egyptiana.

Malagasy Bible

⁹ Dia faly Jetro noho ny soa rehetra izay efa nataon'i Jehovah tamin'ny Isiraely, izay novonjeny ho afaka tamin'ny tanan'ny Egyptiana.

La Bible en Malgache

⁹ Dia faly i Jetro noho ny soa rehetra izay nataon’NY TOMPO tamin’ny Israelita izay novonjeny ho afaka tamin’ny tanan’ny Ejiptiana.

Eksodosy 18:9 Rohy Ifampitohizana

Isaia 44:22

Efa nolevoniko toy ny zavona ny fahadisoanao; ary toy ny rahona ny fahotanao; ka miverena amiko, fa efa nanavotra anao Aho.

Isaia 44:23

Mihobia an-kafaliana, ry lanitra, fa efa vitan’i Iaveh izany. Mirohondrohòna, ry fanambanin’ny tany! Ataovy maresaka ny fifaliana, ry tendrombohitra, mbamin’ireo ala sy hazo rehetra eo aminareo: fa I Iaveh efa nanavotra an’i Jakôba, sy naneho ny voninahiny eo amin’i Israely!

Isaia 63:7

Hankalazaiko ny famindram-pon’i Iaveh, ny fiderana an’i Iaveh, noho izay rehetra efa nataon’i Iaveh ho antsika, noho ny hatsaram-pony lehibe amin’ny taranak’i Israely, izay nasehony azy araka ny fiantràny sy araka ny famindram-pony tsy misy fetra.

Isaia 66:10

Miaraha mifaly amin’i Jerosalema ianareo, ary miravoravoa noho ny aminy, ianareo rehetra tia azy. Ary aoka hiara-mientan-kafaliana aminy avokoa, ianareo nitomany azy;

Romana 12:10

Mifankatiava toy ny ifankatiavan’ny mpiray tam-po, mifaninàna hifanaja.

Romana 12:15

Miaraha mifaly amin’izay mifaly, ary miaraha mitomany amin’izay mitomany.

1Korintiana 12:26

Koa raha mijaly ny rantsam-batana iray, dia miara-mijaly avokoa ny rantsam-batana rehetra; fa raha mahazo voninahitra kosa ny rantsam-batana iray, dia miara-mifaly ny rantsam-batana rehetra.

1Samoela 15:6

Hoy i Saola tamin’ny Kineanina: «Mandehana mihataka ianareo, midìna avy eo afovoan’i Amaleka, fandrao voasaroko miaraka aminy koa ianareo, fa soa no nataonareo tamin’ny zanak’i Israely rehetra fony izy nivoaka avy tany Ejipta». Dia nihataka niala teo afovoan’i Amaleka ny Kineanina.