Efesiana 1:8 - Baiboly Katolika

⁸ izay nomen’Andriamanitra be dia be ho antsika tamin’ny fahendrena amam-pahalalana rehetra,

Baiboly Protestanta Malagasy 2011

⁸ izay nataony be dia be ho antsika tamin’ny fahendrena sy ny fisainana rehetra:

DIEM PROTESTANTA

⁸ izay natosany be dia be tamintsika ka nahazoantsika fahendrena amam-pahalalana feno.

Dikateny Iombonana Eto Madagasikara

⁸ izay natosany be dia be tamintsika ka nahazoantsika fahendrena amam-pahalalana feno.

Baiboly Protestanta Malagasy

⁸ izay nataony be ho antsika tamin’ny fahendrena sy ny fisainana rehetra,

Malagasy Bible

⁸ izay nataony be ho antsika tamin'ny fahendrena sy ny fisainana rehetra,

La Bible en Malgache

⁸ izay nataony be dia be ho antsika tamin’ny fahendrena sy ny fisainana rehetra:

Efesiana 1:8 Rohy Ifampitohizana

Salamo 104:24

Akory ity hamaroan’ny asanao, ry Iaveh; nataonao tamim-pahendrena izy rehetra. Henika ny harenao ny tany.

Ohabolana 8:12

«Izaho Fahendrena, dia miara-monina amin’ny fahamalinana, ary manana ny fahaizana sy ny fandinihana.

Isaia 52:13

Indro fa hambinina ny Mpanompoko, hitombo, hankalazaina, ary ho tafasandratra indrindra.

Matio 11:19

Tonga indray ny Zanak’olona, mihinana sy misotro, lazain’ny olona hoe: Lehilahy lian-kanina io, sady mpisotro divay sy sakaizan’ny Poblikanina mbamin’ny olon-dratsy fiaina rehetra. Fa efa nohamarinin’ny zanany ny Fahendrena.

Romana 11:33

Endrey, lalina tsy manam-paharitana ny fahendrena amam-pahaizan’Andriamanitra, tsy azo fantarina ny fitsaràny, ary tsy takatry ny saina ny lalany!

Romana 5:15

Ary tsy mba tahaka ny fahadisoana ny fanomezam-pahasoavana; fa raha ny fahadisoan’ny anankiray aza nahafatesan’ny olona rehetra, mainka fa ny fahasoavan’ny olona iray, dia i Jesoa Kristy, no nandraisan’ny olona rehetra ankabetsahana ny fahasoavan’Andriamanitra sy ny fanomezana.

1Korintiana 2:7

fa fahendren’Andriamanitra no torinay, dia fahendrena lalina tsy hita polopolorina, izay voatendrin’Andriamanitra talohan’izao tontolo izao hampahazo voninahitra antsika;

Efesiana 1:11

Tao aminy ihany koa no nandraisantsika ny lovantsika, rehefa voatendry rahateo isika, araka ny fikasàn’Ilay manao ny zavatra rehetra manaraka ny hevitry ny Fony,

Efesiana 1:7

Izy no ahazoantsika ny fanavotana amin’ny Rany, sy ny famelana ny fahotantsika, araka ny haben’ny fahasoavany,

Efesiana 1:9

fa nampahafantariny antsika ny lahatra lalin’ny safidim-pony, izay nofidin’ny hatsaram-pony hotanterahiny,

Efesiana 3:10

Dia izany no naseho ankehitriny izao tamin’ny alalan’ny Eglizy, ka tonga fantatr’ireo fanapahana sy fahefana any an-danitra ny fahaizan’Andriamanitra mamoron-kevitra,

Kolosiana 2:3

Izay iafenan’ny rakitry ny fahendrena amam-pahalalana rehetra.

Joda 1:25

dia ho an’Andriamanitra tokana Mpamonjy antsika, amin’ny alalan’i Jesoa Kristy Tompontsika, ny voninahitra sy ny fiamboniana, ary ny hery sy ny fanjakana, hatrizay hatrizay, sy ankehitriny ary mandrakizay doria. Amen.

Apokalipsy 5:12

nanao tamim-peo mahery hoe: «Ny Zanak’ondry izay voavono no mendrika handray ny fahefana, ny harena, ny fahendrena, ny hery, ny haja, ny voninahitra, ary ny saotra.»