Apokalipsy 8:13 - Baiboly Katolika

¹³ Nanaraka izany dia nijery aho, ary nandre feom-boromahery anankiray nanidina teny afovoan’ny lanitra, niantso tamin’ny feo mahery hoe: «Loza, loza, loza ho an’izay monina eny ambonin’ny tany, noho ny feon’ny trômpetra telo sisa izay efa hotsofin’ny Anjely.»

Baiboly Protestanta Malagasy 2011

¹³ Dia hitako sy reko, nisy voromahery iray nanidina teny afovoan’ny lanitra, izay niteny tamin’ny feo mahery hoe: Loza, loza, loza no hanjo an’izay monina eny ambonin’ny tany noho ny feon’ny trompetra izay mbola hotsofin’ny anjely telo!

DIEM PROTESTANTA

¹³ Dia nahita voromahery anankiray nanidina teny afovoan’ny habakabaka aho ary nahare azy niantso tamin’ny feo mahery hoe: «Loza! Loza! Loza ho an’ireo monina eny ambonin’ny tany noho ny feon’ny trompetra sisa efa hotsofin’ireo anjely telo!»

Dikateny Iombonana Eto Madagasikara

¹³ Dia nahita voromahery anankiray nanidina teny afovoan’ny habakabaka aho ary nahare azy niantso tamin’ny feo mahery hoe: «Loza! Loza! Loza ho an’ireo monina eny ambonin’ny tany noho ny feon’ny trompetra sisa efa hotsofin’ireo anjely telo!»

Baiboly Protestanta Malagasy

¹³ Dia nahita sy nahare voromahery anankiray nanidina teny afovoan’ny lanitra aho, izay nanao tamin’ny feo mahery hoe: Loza, loza, loza ho an’izay monina eny ambonin’ny tany noho ny feo sisa an’ny trompetry ny anjely telo izay efa hitsoka!

Malagasy Bible

¹³ Dia nahita ny nahare voromahery anankiray nanidina teny afovoan'ny lanitra aho, izay nanao tamin'ny feo mahery hoe: Loza, loza, loza ho an'izay monina eny ambonin'ny tany noho ny feo sisa an'ny trompetry ny anjely telo izay efa hitsoka!

La Bible en Malgache

¹³ Dia hitako sy reko, nisy voromahery iray nanidina teny afovoan’ny lanitra, izay niteny tamin’ny feo mahery hoe: Loza, loza, loza no hanjo an’izay monina eny ambonin’ny tany noho ny feon’ny trompetra izay mbola hotsofin’ny anjely telo!

Apokalipsy 8:13 Rohy Ifampitohizana

Salamo 103:20

Misaora an’i Iaveh ianareo Anjeliny, izay mahefa sy mahery sy mankatò ny didiny, amin’ny fanekena ny feon’ny teniny.

Ezekiela 2:10

Novelariny teo anoloako io, ka voasoratra ny tao anatiny sy ny teo ivelany; ary hira fisaonana amam-pitomaniana sy fitarainana no voasoratra teo.

Hebreo 1:14

Moa tsy fanahy manompo va izy rehetra, nirahina hanao fanompoana ho an’izay handova ny famonjena?

Apokalipsy 11:14

Lasa ny loza faharoa; indro hisosoka faingana ny loza fahatelo.

Apokalipsy 12:12

Koa mifalia, ry lanitra, mbaminareo monina ao aminy. Fa hahita loza kosa ianareo, ry tany aman-dranomasina, fa navarina any aminareo ny devoly, misafoaky ny hatezerana lehibe, satria fantany fa kely sisa ny androny.»

Apokalipsy 14:3

Nihira toa hira vaovao izy ireo, teo anoloan’ny seza fiandrianana sy ny Zava-manana aina efatra ary teo anatrehan’ireo Anti-dahy; ka tsy nisy nahazo nanao izany hira izany, afa-tsy izy 144.000 ireo, izay navotana ho afaka amin’ny tany.

Apokalipsy 14:6

Dia nahita Anjely anankiray hafa koa aho, nanidina teo afovoan’ny lanitra, nitondra ny Evanjely mandrakizay, hotorîny amin’ny mponina eto an-tany, dia amin’ny firenena rehetra, sy amin’ny foko aman-tsamihafa fiteny, mbamin’ny fanjakana rehetra.

Apokalipsy 19:17

Ary indro hitako nisy Anjely anankiray nitsangana teo amin’ny masoandro, niantso ny voromanidina rehetra teo amin’ny habakabaky ny lanitra, ka nanao tamin’ny feo mahery hoe: «Avia, mivoria ianareo ho amin’ny fihinanam-ben’Andriamanitra,

Apokalipsy 3:10

Ary noho ianao nitandrina ny teniko ny amin’ny fandeferana, Izaho kosa hitandrina anao amin’ny andron’ny fakam-panahy, izay ho tonga amin’izao tontolo izao ho fitsapan-toetra ny mponina eto an-tany.

Apokalipsy 8:2

Nony afaka izay, dia nahita ireo Anjely fito mitsangana eo anatrehan’Andriamanitra aho, ary nomena trômpetra fito izy ireo.

Apokalipsy 9:1

Dia nitsoka ny trômpetra ny Anjely fahadimy, ka hitako kintana anankiray avy any an-danitra, nilatsaka tetỳ an-tany; nomena azy io ny fanalahidin’ny lavaka tsy hita noanoa.

Apokalipsy 9:12

Lasa izay ny loza voalohany; fa indro hisosoka koa ny loza roa sisa.