Amosa 6:6 - Baiboly Katolika

⁶ Kôpy lehibe no isotroany divay; diloilo manitra faran’izay tsara no ihosorany; ary tsy mankararirary azy akory ny loza manjò an’i Josefa.

Baiboly Protestanta Malagasy 2011

⁶ Misotro divay amin’ny kapoaka tsara tarehy izy ireo sady mihosotra diloilo tsara indrindra, nefa tsy mba onena ny faharavan’i Josefa!

DIEM PROTESTANTA

⁶ Misotro divay amin’ny kaopy lehibe ianareo sady manosotra ilomanitra ny lohanareo, fa tsy mba malahelo amin’ny fahavoazan’ny fokon’i Jôsefa.

Dikateny Iombonana Eto Madagasikara

⁶ Misotro divay amin’ny kaopy lehibe ianareo sady manosotra ilomanitra ny lohanareo, fa tsy mba malahelo amin’ny fahavoazan’ny fokon’i Jôsefa.

Baiboly Protestanta Malagasy

⁶ Dia ireo izay misotro divay amin’ny lovia famafazana Sady mihosotra diloilo tsara indrindra, Nefa tsy onena ny fahasimban’i Josefa–

Malagasy Bible

⁶ Dia ireo izay misotro divay amin'ny lovia famafazana sady mihosotra diloilo tsara Indrindra, nefa tsy onena ny fahasimban'i Josefa.

La Bible en Malgache

⁶ Misotro divay amin’ny kapoaka tsara tarehy izy ireo sady mihosotra diloilo tsara indrindra, nefa tsy mba onena ny faharavan’i Josefa!

Amosa 6:6 Rohy Ifampitohizana

Genesisy 49:22

I Josefa no solofon-kazo mahavokatra, solofon-kazo mahavokatra amoron-doharano izy; Misandratra tafahoatra ny tamboho ny rantsany.

2Mpanjaka 15:29

Tamin’ny andron’i Faseà mpanjakan’i Israely no nahatongavan’i Teglaty-Falasara mpanjakan’i Asiria sy nahazoan’io an’i Ajôna, i Abela-Bety-Maakà, i Janôe, i Kedesa, Asôra, i Galaada ary i Galilea, dia ny tanin’i Neftalì rehetra, sady nentiny ho babo tany Asiria koa ny mponina.

Isaia 28:1

Loza ho an’ny diadema be avonavon’ny mpimamo ao Efraima, sy ny voninkazo mora malazo famirapiratan’ny fihaingoany, eny an-tampon’ny lohasaha lonaka misy an’ireo lehilahy mamon’ny divay.

Isaia 5:12

Harpa amam-baliha sy langoroany, ary sodina aman-divay, dia izay no fanasan’izy ireo; fa ny asan’i Iaveh tsy asiany fiheverana, ary ny ataon’ny tanany tsy jereny akory.

Jeremia 30:7

Loza! fa lehibe izany andro izany, ka tsy misy toa azy! Andro fahoriana ho an’i Jakôba izany, kanefa hoafahana amin’izany izy.

Ezekiela 9:4

ka hoy i Iaveh taminy hoe: «Mandehana mamaky ny tanàna, mamaky an’i Jerosalema, ka asio marika Tao ny handrin’ny olona misento sy mitaraina, noho ny fahavetavetana rehetra atao ao.»

Hosea 3:1

Ary hoy i Iaveh tamiko: «Mandehana indray, mitiava vehivavy izay tian’ny lehilahiny anankiray ka manitsakitsa-bady: tahaka ny itiavan’i Iaveh ny zanak’i Israely, nefa izy ireo kosa mivadika mankany amin’andriamani-kafa, sady tia ny ampempam-boaloboka.»

Amosa 2:8

satria lamba azony tamin’ny tsatòka no iamparany eny anilan’ny ôtely rehetra eny; ary ny divay avy amin’izay nosaziny lamandy no sotroiny ao an-tranon’ny andriamaniny.

Amosa 4:1

Henoinareo izao teny izao, ry omby vavin’i Basàna, izay eny an-tendrombohitr’i Samaria, dia ianareo izay mampahory ny osa, sy manosihosy ny tsy manana, ianareo izay milaza amin’ny vadinareo hoe: Mitondrà hosotrointsika!

Jaona 12:3

Ary i Maria kosa naka diloilo manitra sarobidy lanjana iray livatra natao tamin’ny salohin’ny narda, dia nanosotra ny tongotr’i Jesoa sy namaoka ny tongony tamin’ny volon-dohany, ka nandraraka eran’ny trano ny hanitry ny diloilo.

Romana 12:15

Miaraha mifaly amin’izay mifaly, ary miaraha mitomany amin’izay mitomany.

1Korintiana 12:26

Koa raha mijaly ny rantsam-batana iray, dia miara-mijaly avokoa ny rantsam-batana rehetra; fa raha mahazo voninahitra kosa ny rantsam-batana iray, dia miara-mifaly ny rantsam-batana rehetra.

1Timoty 5:23

Aza dia tsy misotro afa-tsy rano, fa mba misotroa divay kely koa, noho ny ambavafonao sy ny fahosaosanao matetika.