Amosa 6:5 - Baiboly Katolika

⁵ Mandihindihy manaraka ny feon-dokanga izy; namorona zava-maneno, toa an’i Davida.

Baiboly Protestanta Malagasy 2011

⁵ Mihirahira foana manaraka ny feon-dokanga izy ireo ary mamorona zavamaneno toy ny nataon’i Davida.

DIEM PROTESTANTA

⁵ Mihirahira manaraka ny feon-dokanga ianareo sy mamorona zava-maneno tahaka an’i Davida.

Dikateny Iombonana Eto Madagasikara

⁵ Mihirahira manaraka ny feon-dokanga ianareo sy mamorona zava-maneno tahaka an’i Davida.

Baiboly Protestanta Malagasy

⁵ Dia ireo izay mivòvò foana manaraka ny feon-dokanga Ary mamorona zava-maneno toy ny nataon’i Davida,

Malagasy Bible

⁵ Dia ireo izay mivovo foana manaraka ny feon-dokanga ary mamorona zava-maneno toy ny nataon'i Davida,

Amosa 6:5 Rohy Ifampitohizana

Genesisy 31:27

Nahoana no nitsoaka mangina ianao, sady namitaka ahy, fa tsy nampandre ahy akory, dia ho nalefako ianao tamin-kafaliana sy hira, ary tamin’ampongatapaka sy valiha?

1Tantara 15:16

Nasain’i Davida notendren’ny lehiben’ny Levita ny rahalahiny mpihira miaraka amin’ny zava-maneno, dia ny valiha, ny harpa, ny kipantsona, hampaneno azy amin’ny feo mikarantsana sy maneho hafaliana.

1Tantara 23:5

ny 4.000 ho mpiandry varavarana, ary ny 4.000 ho mpidera an’i Iaveh amin’ny zava-maneno nataoko hankalazana Azy.»

2Tantara 29:26

Dia nilahatra ny Levita nitondra ny zava-manenon’i Davida, mbamin’ny nitondra trômpetra koa.

Mpitoriteny 2:8

Nanangona volafotsy amam-bolamena aho, mbamin’ny harenan’ny mpanjaka sy ny faritany; naka mpihira lahy ama-mpihira vavy aho, ary nahazo ny fahafinaretan’ny zanak’olombelona, vehivavy ankamaroany.

Isaia 5:12

Harpa amam-baliha sy langoroany, ary sodina aman-divay, dia izay no fanasan’izy ireo; fa ny asan’i Iaveh tsy asiany fiheverana, ary ny ataon’ny tanany tsy jereny akory.

Ezekiela 26:13

Hataoko mitsahatra ny feon-kiranao, ary tsy ho re intsony ny feon-dokanganao.

Amosa 5:23

Halaviro Ahy ny finaonaonan’ny hiranareo; aoka tsy ho reko akory izay feon-dokanganareo!

Amosa 8:3

Amin’izany andro izany, ny hira ao an-dapa ho zary finaonaonana - teny marin’ny Tompo Iaveh. - Ny faty ho betsaka, ary hazera hatraiza hatraiza amim-panginana ireny.»

1Petera 4:3

Ampy ny nanarahanareo ny fanaon’ny Jentily fahizany, izay nanarananareo fo tamin’ny fitondran-tena ratsy, fanirian-dratsy, fimamoana, fihinanana amam-pisotro tafahoatra, ary ny fanompoan-tsampy mahameloka indrindra.

Apokalipsy 18:22

Dia tsy ho re ao aminao intsony ny feon’ny mpitendry harpa, sy ny mpitsoka mozika, mbamin’ny mpitsoka sodina sy trômpetra. Ny mpanao taozavatra rehetra tsy ho hita eo aminao intsony, ary ny feon’ny vato fikosohan-dafarina tsy ho re ao intsony koa.