Amosa 5:16 - Baiboly Katolika

¹⁶ Koa izao no lazain’i Iaveh, ny Andriamanitry ny tafika, ny Tompo: Hisy hidradradradra eny amin’ny kianja rehetra eny: hisy hanao hoe: Indrisy! Indrisy! eny an-dalambe rehetra eny; hisy hiantso ny mpiasa hisaona, sy higogogogo, miaraka amin’izay mahay midridridridry.

Baiboly Protestanta Malagasy 2011

¹⁶ Koa izao no lazain’NY TOMPO, Andriamanitra Tompon’izao rehetra izao: Eny an-kianja rehetra eny dia hisy fisaonana; ary eny an-dalambe rehetra eny dia hisy hilaza hoe: Indrisy! Indrisy! Hiantso ny mpamboly hitomany izy ary izay mahay hira fisaonana dia hantsoiny hanao izany.

DIEM PROTESTANTA

¹⁶ Koa izao no lazain’ny TOMPO, ilay Andriamanitr’izao rehetra izao sady Tompoko: «Eny an-kalamanjana rehetra dia hisy tomanim-pisaonana; ary eny amin’ny arabe rehetra dia hisy hanao hoe: ‹Indrisy! Indrisy!› Ny mpamboly koa hantsoina hiaraka ory; ary ireo mpiantsa fahoriana hanao hiram-pisaonana.

Dikateny Iombonana Eto Madagasikara

¹⁶ Koa izao no lazain’ny TOMPO, ilay Andriamanitr’izao rehetra izao sady Tompoko: «Eny an-kalamanjana rehetra dia hisy tomanim-pisaonana; ary eny amin’ny arabe rehetra dia hisy hanao hoe: ‹Indrisy! Indrisy!› Ny mpamboly koa hantsoina hiaraka ory; ary ireo mpiantsa fahoriana hanao hiram-pisaonana.

Baiboly Protestanta Malagasy

¹⁶ Koa izao no lazain’i Jehovah Tompo, Andriamanitry ny maro: Eny an-kalalahana rehetra dia hisy fisaonana, Ary eny an-dàlambe rehetra dia hisy hanao hoe: Indrisy! Indrisy! Ary hiantso ny mpiasa tany hitomany izy, Ary izay mahay hira fisaonana dia hantsoiny hanao.

Malagasy Bible

¹⁶ Koa izao no lazain'i Jehovah Tompo, Andriamanitry ny maro: Eny an-kalalahana rehetra dia hisy fisaonana, ary eny an-dalambe rehetra dia hisy hanao hoe: Indrisy! Indrisy! Ary hiantso ny mpiasa tany hitomany izy, ary izay mahay hira fisaonana dia hantsoiny hanao.

La Bible en Malgache

¹⁶ Koa izao no lazain’NY TOMPO, Andriamanitra Tompon’izao rehetra izao: Eny an-kianja rehetra eny dia hisy fisaonana; ary eny an-dalambe rehetra eny dia hisy hilaza hoe: Indrisy! Indrisy! Hiantso ny mpamboly hitomany izy ary izay mahay hira fisaonana dia hantsoiny hanao izany.

Amosa 5:16 Rohy Ifampitohizana

2Tantara 35:25

Namoron-kira fisaonana an’i Josiasa i Jeremia, ary nilaza an’i Josiasa ny mpihira rehetra na lahy na vavy amin’ny hira fisaonana nataony mandrak’androany, ka tonga fanao eo imason’i Israely izany; ka indro fa voasoratra ao amin’ny Fihirana fisaonana izany hira izany.

Isaia 15:8

Fa efa re eran’ny faritanin’i Moaba ny fitarainana. manako hatrany Eglaima ny finanananany, tonga hatrany Beera-Elima ny finanananany.

Isaia 22:12

Ny Tompo Iavehn’ny tafika, niantso anareo, tamin’izany andro izany, hitomany sy higogogogo, hibory loha sy hisikina lasàka.

Jeremia 30:5

Izao no lazain’i Iaveh: Feo mahatsiravina no efa renay; fahatahorana izao, fa ny fiadanana tsy mba nisy!

Jeremia 4:31

Fa izaho nandre feo, toy ny an’ny vehivavy mihetsi-jaza, tahaka ny fidrìdridrìdrin’ny vehivavy vao miteraka voalohany, dia ny feon’ny zanaka vavin’i Siôna; fa sady velon-taraina izy, no mitsotra tanana manao hoe: «Loza no manjò ahy, maty ny aiko, azon’ireo mpamono olona!»

Jeremia 9:10

Ary i Jerosalema hataoko korontam-bato, sy fieren’amboadia; ny tanànan’i Jodà koa hataoko lao, tsy misy mponina.

Jeremia 9:16

Izao no lazain’i Iavehn’ny tafika: «Mihevera ny hiantsoana izay hiati-dranomaso ka aoka ho tonga izy ireo! maniraha ho any amin’ireo mahay indrindra, ka aoka ho tonga ireny!

Hosea 4:3

Noho izany, misaona ny tany, ary tsy manan-kery ny mponina rehetra ao aminy, hatramin’ny biby any an-tsaha sy ny voromanidina; ringana mbamin’ny hazandrano any anaty ranomasina aza.

Joela 1:11

Mangaihaiza, ry mpiasa tany, midradradradrà ry mpamboly voaloboka, noho ny amin’ny vary sy ny orja; satria majifa ny vary hojinjaina any an-tsaha.

Joela 1:14

Miantsoa fifadian-kanina; mamoria ny fiangonana; vorio ny loholona, izay rehetra monina amin’ny tany, ao an-tranon’i Iaveh Andriamanitrareo,

Joela 1:15

ka mitaraina amin’i Iaveh hoe: «Indrisy, ity andro ity! Fa efa antomotra ny andron’i Iaveh! Tamy toy ny fandravana avy amin’ny Tsitoha!»

Joela 1:8

Midradradradrà ianao toy ny virjiny mitafy lasàka hitomany ny vadin’ny fahatanorany.

Amosa 3:13

Mihainoa ianareo ka lazao marina eny amin’ny taranak’i Jakôba, - teny marin’ny Tompo Iaveh, Andriamanitry ny tafika: -

Amosa 5:27

koa hoentiko hatao sesitany ambadik’i Damasy ianareo, hoy i Iaveh: Andriamanitry ny tafika no Anarany.

Amosa 8:10

Ny fetinareo hampodiko ho fisaonana; ny hira fifalianareo, ho fitomaniana; ny andilana rehetra hosikinako lasàka, ny loha rehetra hataoko sola; ny tany hataoko hoatra ny misaona zanaka lahy tokana; ary ny farany, ho tahaka ny andro mangidy.

Amosa 8:3

Amin’izany andro izany, ny hira ao an-dapa ho zary finaonaonana - teny marin’ny Tompo Iaveh. - Ny faty ho betsaka, ary hazera hatraiza hatraiza amim-panginana ireny.»

Mika 1:8

Noho izany aho dia hitomany sy hidradradradra, handeha tsy mitafy sy miboridana; handefa finaonaonana toy ny amboadia, ary fitarainana toy ny ostritsa.

Mika 2:4

Amin’izany andro izany, dia hanononan’ny olona ohabolana ianareo sy hihirany hira fitomaniana, hataony hoe: «Tanteraka tokoa izao, dia fongana mihitsy isika; amidiny ho anjaran’ny vahoakako! Ahoana no angalany izany amiko? Zarainy ho an’ny mpiodina ny sahantsika?»

Apokalipsy 18:10

Hijanona eny lavitra eny izy ireo, fa tsiravina noho ny fijaliany, ka hanao hoe: «Loza ity! loza ity! ry Babilôna lehibe, ry tanàna mafy, fa ora iray monja, dia tonga ny fanamelohana anao!»

Apokalipsy 18:19

Sady nanisy vovoka ny lohany izy ireo no nitomany sy nigogogogo, nanao hoe: «Loza ity! loza ity! fa ilay tanàna lehibe, nampanan-karena ny nanan-tsambo rehetra teny amin’ny ranomasina noho ny zava-tsarobidy tao aminy lahy, ka levona ora iray monja!»