Amosa 4:7 - Baiboly Katolika

⁷ Koa ny orana nahantoko tsy ho aminareo, raha mbola telo volana sisa vao ho fararano; tamin’ny tanàna iray nataoko avy ny orana; fa tamin’ny tanàna iray hafa kosa, tsy nalatsako ny orana; ny faritany iray tondrahan’ny orana; fa ny faritany iray hafa kosa, izay tsy nilatsahan’ny orana, dia nihamaina.

Baiboly Protestanta Malagasy 2011

⁷ Izaho anefa no nampihantona ny ranonorana tsy ho aminareo raha telo volana sisa tsy ho fararano, koa tamin’ny tanàna iray no nampilatsahako ranonorana ary tamin’ny tanàna iray hafa kosa tsy mba nampilatsahako; ny saha iray dia nilatsahan’ny ranonorana, ary ny saha iray hafa kosa tsy mba nilatsahany dia maina.

DIEM PROTESTANTA

⁷ Izaho mihitsy no efa nampihantona ny orana tsy ho eo aminareo, raha mbola telo volana mialoha ny fararano. Ka tamin’ny tanàna anankiray nandatsahako orana, fa tamin’ny tanàna iray kosa tsy nandatsahako; ny saha anankiray nilatsahan’ny orana, fa ny saha iray kosa tsy mba nilatsahany ka maina.

Dikateny Iombonana Eto Madagasikara

⁷ Izaho mihitsy no efa nampihantona ny orana tsy ho eo aminareo, raha mbola telo volana mialoha ny fararano. Ka tamin’ny tanàna anankiray nandatsahako orana, fa tamin’ny tanàna iray kosa tsy nandatsahako; ny saha anankiray nilatsahan’ny orana, fa ny saha iray kosa tsy mba nilatsahany ka maina.

Baiboly Protestanta Malagasy

⁷ Ary Izaho koa efa nampihantona ny orana tsy ho aminareo, Raha mbola telo volana sisa tsy ho fararano, Ka tamin’ny tanàna iny no nampilatsahako orana, Ary tamin’ny tanàna iray kosa tsy mba nampilatsahako azy; Ny saha iray nilatsahan’ny orana, Ary ny saha iray kosa tsy mba nilatsahany ka maina.

Malagasy Bible

⁷ Ary Izaho koa efa nampihantona ny orana tsy ho aminareo, raha mbola telo volana sisa tsy ho fararano, ka tamin'ny tanàna iray no nampilatsahako orana, ary tamin'ny tanàna iray kosa tsy mba nampilatsahako azy; Ny saha iray nilatsahan'ny orana. Ary ny saha iray kosa tsy mba nilatsahany ka maina.

La Bible en Malgache

⁷ Izaho anefa no nampihantona ny ranonorana tsy ho aminareo raha telo volana sisa tsy ho fararano, koa tamin’ny tanàna iray no nampilatsahako ranonorana ary tamin’ny tanàna iray hafa kosa tsy mba nampilatsahako; ny saha iray dia nilatsahan’ny ranonorana, ary ny saha iray hafa kosa tsy mba nilatsahany dia maina.

Amosa 4:7 Rohy Ifampitohizana

Eksodosy 10:22

Dia nahinjitr’i Môizy nanandrify ny lanitra ny tanany, ka nisy haizim-pito ny tany Ejipta tontolo, nandritra ny hateloana.

Eksodosy 10:23

Tsy nifankahita izy ireo ary tsy nisy niainga niala tamin’ny toerana nisy azy nandritra ny hateloana; fa ny zanak’i Israely kosa nahazo mazava teo amin’izay toerana nonenany.

Eksodosy 8:22

Ka hoy i Môizy: «Tsy mety ny manao izany, fa zava-padin’ny Ejiptianina ny sorona atolotra an’i Iaveh Andriamanitray; ka raha eo imason’ny Ejiptianina izahay no hanao sorona ny zava-pady, tsy sakoa ataony tora-bato?

Eksodosy 9:26

Tsy nisy afa-tsy ny tany Genesa, izay nisy ny zanak’i Israely ihany, no tsy nilatsahan’ny havandra.

Eksodosy 9:4

Hasian’i Iaveh fiavahana ny bibin’i Israely sy ny bibin’ny Ejiptianina: fa ny an’ny zanak’i Israely rehetra tsy hisy maty, na dia iray aza.

Isaia 5:6

Hataoko tany foana izy; ka tsy hohetezana na hasaina intsony; fa hanirian’ny hery aman-tsilo; ary handidy ny rahona aho, tsy handatsaka orana aminy intsony.

Jeremia 14:22

Mba misy mahalatsaka orana va ny sampy foanan’ny firenena? sa ny lanitra no manome ny ranonorana? Fa tsy Ianao ihany, ry Iaveh Andriamanitray? Koa Ianao no antenainay, satria Ianao no manao izany rehetra izany.»

Jeremia 14:3

Irahin’ny lehibe haka rano ny madinika, dia mankany amin’ny lavaka famorian-drano ireo, fa tsy mahita rano; ka miverina mitondra siny foana; menatra sy mangaihay, ary misaron-doha foana.

Jeremia 14:4

Noho ny tany vaky hentana, azon’ny tsy fisian’ny orana amin’ny tany, dia mangaihay ny mpiasa, ka misaron-doha.

Jeremia 3:3

ka voasakana ny oram-pararano tsy nisy ny oran-dohataona. Nefa handrim-behivavy janga ny anao, ka tsy nety nahalala menatra ianao.

Joela 2:23

Ary ianareo, ry zanak’i Siôna, aoka hientan-kafaliana sy ho ravoravo ao amin’i Iaveh Andriamanitrareo; fa ny mpampianatra efa nomeny anareo hanoro ny marina, ny andro alatsany ho anareo, dia ny fara orana sy ny loha orana, toy ny taloha indray.

Zakaria 14:17

Izay fianakaviana tsy mba hiakatra any Jerosalema hiankohoka eo anatrehan’ny Mpanjaka, Iavehn’ny tafika, dia tsy mba hilatsahan’ny orana.

Jaona 4:35

Moa tsy lazainareo fa mbola efa-bolana vao taom-pijinjana? Kanefa lazaiko aminareo: Atopazo ny masonareo, ka tazano ny eny an-tsaha, fa efa manopy mena sahady ny vary ka efa ho fijinja.

1Korintiana 4:7

Fa zovy moa no manambony anao noho ny hafa? Ary inona no anananao ka tsy noraisinao? Ary raha nandray ianao, nahoana no dia mirehareha toy ny tsy nandray iny?

Deoteronomia 11:17

dia hirehitra aminareo ny fahatezeran’i Iaveh, ka ny lanitra hohidiany ary tsy hisy ranonorana; ny tany tsy hahavanona ny vokany, ary ianareo ho lany ringana faingana any amin’ny tany soa omen’i Iaveh anareo.

Jakoba 5:17

I Elia dia olona nety tra-pahoriana tahaka antsika ihany koa. Nivavaka fatratra anefa izy mba tsy hilatsahan’ny ranonorana amin’ny tany, ka tsy nilatsaka teto an-tany ny ranonorana mandritra ny telo taona sy enim-bolana;

Apokalipsy 11:6

Manam-pahefana hanidy ny lanitra izy ireo, mba tsy hilatsahan’ny ranonorana amin’ny andro haminaniany; sady manam-pahefana amin’ny rano koa izy, ka mahova azy ho ra, sy hamely ny tany amin’ny loza rehetra isaky ny te-hanao izany izy.