Amosa 4:3 - Baiboly Katolika

³ Hivoaka eo amin’ny banga samy amin’izay hitsiny avy ianareo, dia horoahina ho any Armôna, - teny marin’i Iaveh. -

Baiboly Protestanta Malagasy 2011

³ avy eo amin’ny banga no hivoahanareo samy amin’izay hitsiny avy ary hatsipy any Hermona ianareo, hoy NY TOMPO.

DIEM PROTESTANTA

³ Ary eo amin’izay banga tandrify anareo avy no hivoahanareo ny tanàna, dia horoahina ho any Hermôna ianareo. Teny hentitra avy amiko TOMPO izany.

Dikateny Iombonana Eto Madagasikara

³ Ary eo amin’izay banga tandrify anareo avy no hivoahanareo ny tanàna, dia horoahina ho any Hermôna ianareo. Teny hentitra avy amiko TOMPO izany.

Baiboly Protestanta Malagasy

³ Ary avy eo amin’ny banga no hivoahanareo, Samy amin’izay hitsiny avy; Ary horoahina ho any Harmona hianareo, hoy Jehovah.

Malagasy Bible

³ Ary avy eo amin'ny banga no hivoahanareo, samy amin'izay hitsiny avy; Ary horoahina ho any Harmona ianareo, hoy Jehovah.

La Bible en Malgache

³ avy eo amin’ny banga no hivoahanareo samy amin’izay hitsiny avy ary hatsipy any Hermona ianareo, hoy NY TOMPO.

Amosa 4:3 Rohy Ifampitohizana

2Mpanjaka 25:4

dia nobangaina ny tanàna, dia lasa nandositra avokoa ny lehilahy mpiady, nihazo ny lalan’ny vavahady anelanelan’ny manda roa, akaikin’ny zaridainan’ny mpanjaka; ny Kaldeanina amin’izany manodidina ny tanàna eo. Ny lalana mankamin’ny Arabah no nalehan’ny mpanjaka.

2Mpanjaka 7:15

Koa nandeha nanaraka azy hatrany Jordany ireo; ary indro ny lalam-be rehetra dia rakotry ny fitafiana amam-panaka narian’ny Sirianina, tamin’ny fikoropahany nandositra. Nony niverina ny iraka dia nilaza izany tamin’ny mpanjaka.

Isaia 2:20

Amin’izany andro izany, dia harian’ny olona ny sampiny volafotsy sy volamena, izay nataony hivavahany, ho an’ny voalavo sy ny ramanavy;

Isaia 31:7

Fa amin’izany andro izany ny olona, samy hanary ny sampy volafotsy aman-tsampy volamena avy izay nataon’ny tananareo hanotàna.

Jeremia 52:7

dia nobangaina ny tanàna, ka vaky nandositra avokoa ny lehilahy mpiady; alina no nivoahany tao an-tanàna, tamin’ny vavahady anelanelan’ny manda roa, akaikin’ny sahan’ny mpanjaka; raha ilay voahodidin’ny Kaldeanina iny ny tanàna, dia nihazo ny lalan’ny tany lemaka izy.

Ezekiela 12:12

Ny andriana eo aminy, hanao an-tsoroka ny entany, rehefa ilay maizimaizina iny, dia hiainga; hogorobahan’ny olona ny manda, hamoahana azy; hosaronany ny tavany, ka tsy hahita maso ny tany izy.

Ezekiela 12:5

Gorobahy eo imasony ny manda, dia avoahy eo ny entanao;

Amosa 6:7

Koa ho lasa izy ireo hatao sesitany ho lohan’ny lasan-ko babo; ary tsy hisy intsony ny hobim-pifalian’ireo mpanaram-batana ireo.

Zefania 1:18

Tsy hisy hahavonjy azy na ny volafotsiny na ny volamenany, amin’ny andron’ny fisafoahan’i Iaveh; holevonin’ny fahasaro-piarony avokoa ny tany; fa hataony rava tsy misy miangana, ataony fongotra tampoka, ny mponina rehetra amin’ny tany.

Matio 16:26

Inona no soa ho azon’ny olona raha mahazo izao tontolo izao izy, nefa very ny fanahiny? Ary inona no homen’ny olona ho takalon’ny fanahiny?

Mpitsara 5:17

I Galaada tsy nandao ny fonenany tany an-dafin’i Jordany; ary i Dana, nahoana no nitoetra tao an-tsambony? I Asera nijanona tsy nihetsika akory teo amoron-dranomasina; teo am-pitodian-tsambony no nijanonany.