2Tantara 9:31 - Baiboly Katolika

³¹ Dia nody mandry any amin’ny razany i Salômôna, ka nalevina tao an-tanànan’i Davida rainy, ary i Rôbôama zanany no nanjaka nandimby azy.

Baiboly Protestanta Malagasy 2011

³¹ Ary nodimandry any amin’ny razany i Solomona ka nalevina tao an-Tanànan’i Davida rainy izy; ary i Rehoboama zanany no nanjaka nandimby azy.

DIEM PROTESTANTA

³¹ Rehefa lasa nodimandry any amin’ny razany izy, dia nalevina teo anilan-drainy, tao an-Tanànan’i Davida; ary i Rehabohama zanany lahy no nanjaka nandimby azy.

Dikateny Iombonana Eto Madagasikara

³¹ Rehefa lasa nodimandry any amin’ny razany izy, dia nalevina teo anilan-drainy, tao an-Tanànan’i Davida; ary i Rehabohama zanany lahy no nanjaka nandimby azy.

Baiboly Protestanta Malagasy

³¹ Ary Solomona lasa nodimandry any amin’ny razany, dia nalevina tao an-Tanànan’i Davida rainy izy; ary Rehoboama zanany no nanjaka nandimby azy.

Malagasy Bible

³¹ Ary Solomona lasa nodimandry any amin'ny razany, dia nalevina tao an-Tanànan'i Davida rainy izy; ary Rehoboama zanany no nanjaka nandimby azy.

La Bible en Malgache

³¹ Ary nodimandry any amin’ny razany i Solomona ka nalevina tao an-Tanànan’i Davida rainy izy; ary i Rehoboama zanany no nanjaka nandimby azy.

2Tantara 9:31 Rohy Ifampitohizana

2Samoela 7:12

Rehefa tapitra ny andronao, ka mandry amin’ny razanao ianao; dia hatsangako ny taranakao manaraka anao, izay haloaky ny kibonao, ary hamafisiko ny fanjakany.

1Mpanjaka 1:21

Fa raha tsy izany, rehefa mody amin’ny razany ny mpanjaka tompoko, dia hatao olo-meloka izaho sy i Salômôna zanako.»

1Mpanjaka 11:43

Dia nody mandry any amin’ny razany i Salômôna ka nalevina tao an-tanànan’i Davida rainy. Ary i Rôbôama zanany no nanjaka nandimby azy.

1Mpanjaka 2:10

Dia nandry any amin’ny razany i Davida, ka nalevina tao an-tanànan’i Davida.

2Tantara 10:1

Ary nankany Sikema i Rôbôama, fa efa nandeha nankany Sikema i Israely rehetra hampanjaka azy.