2Tantara 33:2 - Baiboly Katolika

² Nanao izay ratsy eo imason’i Iaveh izy, nanaraka ny fahavetavetan’ny firenena noroahin’i Iaveh teo anoloan’ny zanak’i Israely.

Baiboly Protestanta Malagasy 2011

² Nanao izay ratsy teo imason’NY TOMPO izy, tahaka ny fahavetavetan’ny firenena izay noroahin’NY TOMPO tsy ho eo anoloan’ny Zanak’Israely.

DIEM PROTESTANTA

² Nanao izay ratsy eo imason’ny TOMPO izy ka naka tahaka ny fanompoan-tsampy maharikoriko fanaon’ireo firenena izay noroahin’ny TOMPO teo anoloan’ny Israelita.

Dikateny Iombonana Eto Madagasikara

² Nanao izay ratsy eo imason’ny TOMPO izy ka naka tahaka ny fanompoan-tsampy maharikoriko fanaon’ireo firenena izay noroahin’ny TOMPO teo anoloan’ny Israelita.

Baiboly Protestanta Malagasy

² Ary nanao izay ratsy eo imason’i Jehovah izy tahaka ny fahavetavetan’ny firenena izay noroahin’i Jehovah tsy ho eo anoloan’ny Zanak’Isiraely.

Malagasy Bible

² Ary nanao izay ratsy eo mason'i Jehovah izy tahaka ny fahavetavetan'ny firenena izay noroahin'i Jehovah tsy ho eo anoloan'ny Zanak'isiraely.

La Bible en Malgache

² Nanao izay ratsy teo imason’NY TOMPO izy, tahaka ny fahavetavetan’ny firenena izay noroahin’NY TOMPO tsy ho eo anoloan’ny Zanak’Israely.

2Tantara 33:2 Rohy Ifampitohizana

2Mpanjaka 17:11

dia teny izy no nandoro zava-manitra amin’ny fitoerana avo rehetra, toy ny firenena izay nataon’i Iaveh babo teo anoloan’izy ireo, ary nanao zava-dratsy nampahatezitra an’i Iaveh.

2Mpanjaka 17:15

Nolaviny ny lalàny amam-panekempihavanana nataony tamin’ireo razany mbamin’ny teny vavolombelona niampangany azy ireo. Nandeha nanaraka zavatra tsinontsinona izy, ka niraiki-po tamin’ny zava-poana, tahaka ireo firenena manodidina azy, izay noraran’i Iaveh tsy halainy tahaka.

2Mpanjaka 21:2

Nanao izay ratsy eo imason’i Iaveh izy, nanaraka ny fahavetavetan’ireo firenena noroahin’i Iaveh teo anoloan’ny zanak’i Israely.

2Mpanjaka 21:9

Kanjo tsy nety izy ireo, ary nampivily azy i Manase ka nanao ratsy mihoatra noho ireo firenena rehetra naringan’i Iaveh teo anoloan’i zanak’i Israely.

2Tantara 28:3

Nandoro zava-manitra teo an-dohasahan’i Beny-Hinôma izy, ary nampamakiny ny afo ny zanany, araka ny fahavetavetana fanaon’ireo firenena noroahin’i Iaveh teo anoloan’ny zanak’i Israely.

2Tantara 33:22

Nanao izay ratsy eo imason’i Iaveh, tahaka ny nataon’i Manase rainy izy, nanao sorona tamin’ny sarin-javatra rehetra nataon-drainy, i Amôna, ary nanompo an’ireny.

2Tantara 36:14

Ny lehiben’ny mpisorona rehetra mbamin’ny vahoaka koa nandroso nanao fahadisoana manaraka ny fahavetavetan’ny firenena, sy nandoto ny tranon’i Iaveh, izay efa nohamasininy, tao Jerosalema.

Ezra 9:14

moa dia mbola mety handika ny didinao izahay, ka hiharo amin’ireo vahoaka vetaveta loatra ireo? Moa tsy ho tezitra mafy aminay va Ianao ka handringana anay sy tsy hamela anay hisy sisa na ho afaka akory?

Jeremia 15:4

Hataoko zavatra maharikoriko halan’ny fanjakana rehetra amin’ny tany izy ireo noho ny amin’i Manase, zanak’i Ezekiasa, mpanjakan’i Jodà, dia noho ny nataony tany Jerosalema.

Ezekiela 11:12

Ka ho fantatrareo fa Izaho no Iaveh izay tsy narahinareo fitsipika, na notandremanareo lalàna, fa nanaraka ny lalàm-pirenena manodidina anareo no nataonareo.»

Deoteronomia 12:29

Rehefa ho voaringan’i Iaveh Andriamanitrao ny firenena amin’izay tany halehanao mba handroaka azy eo anoloanao, ka efa voatosikao izy, ka ianao no honina amin’ny taniny:

Deoteronomia 12:31

Aza manao toy izany amin’i Iaveh Andriamanitrao; fa ny fahavetavetana rehetra halan’i Iaveh no nataon’izy ireo tamin’ny andriamaniny, ary afoiny ho dorona aza ny zanany lahy sy ny zanany vavy ho fanajana ny andriamaniny.

Deoteronomia 18:14

Fa ireo firenena horoahinao no mihaino ny mpanandro sy ny mpisikidy, fa ianao kosa tsy avelan’i Iaveh Andriamanitrao hanao izany.

Deoteronomia 18:9

Rehefa tafiditra any amin’ny tany omen’i Iaveh Andriamanitrao anao ianao, dia aza mianatra maka tahaka ny fahavetavetan’ireo firenena ireo.