2Tantara 33:19 - Baiboly Katolika

¹⁹ Ny vavaka nataony, ny nihainoan’Andriamanitra an’izany, ny fahotany amam-pahadisoany, ny toerana nanorenany fitoerana avo, sy nananganany aserah aman-tsarin-javatra, talohan’ny nanetreny tena, dia indro fa efa voasoratra ao amin’ny Tenin’i Hôzaia.

Baiboly Protestanta Malagasy 2011

¹⁹ Ary ny vavaka nataony sy ny naneken’Andriamanitra izany ary ny fahotany sy ny fahadisoany rehetra mbamin’ny toerana izay nanorenany toerana fanaovana sorona sy nananganany tsangankazon-tsampy ho an’ny Aseraha sy sarin-javatra voasokitra, fony izy tsy mbola nanetry tena, indro, efa voasoratra ao amin’ny tenin’i Hozay izany.

DIEM PROTESTANTA

¹⁹ Ny vavaka nataon’i Manase sy ny nileferan’Andriamanitra taminy ary ny antsipirian’ny fahotana amam-pahadisoana rehetra vitany mbamin’ny faritra nanorenany toeram-panasinana sy nasiany tsatokazo fanajana an’i Aserà ary nananganany sarivongan-tsampy fony izy tsy mbola niaiky heloka, dia voasoratra ao amin’ny Asan’i Hôzay.

Dikateny Iombonana Eto Madagasikara

¹⁹ Ny vavaka nataon’i Manase sy ny nileferan’Andriamanitra taminy ary ny antsipirian’ny fahotana amam-pahadisoana rehetra vitany mbamin’ny faritra nanorenany toeram-panasinana sy nasiany tsatokazo fanajana an’i Aserà ary nananganany sarivongan-tsampy fony izy tsy mbola niaiky heloka, dia voasoratra ao amin’ny Asan’i Hôzay.

Baiboly Protestanta Malagasy

¹⁹ Ary koa, ny vavaka nataony sy ny naneken’Andriamanitra izany ary ny fahotany sy ny fahadisoany rehetra mbamin’ny fitoerana izay nanorenany fitoerana avo sy nananganany Aseraha sy sarin-javatra voasokitra, fony izy tsy mbola nanetry tena, indro, efa voasoratra ao amin’ny tenin’i Hozay izany.

Malagasy Bible

¹⁹ Ary koa, ny vavaka nataony sy ny naneken'Andriamanitra izany ary ny fahotany sy ny fahadisoany rehetra mbamin'ny fitoerana izay nanorenany fitoerana avo sy nananganany Aseraha sy sarin-javatra voasokitra, fony izy tsy mbola nanetry tena, indro, efa voasoratra ao amin'ny tenin'i Hozay izany.

La Bible en Malgache

¹⁹ Ary ny vavaka nataony sy ny naneken’Andriamanitra izany ary ny fahotany sy ny fahadisoany rehetra mbamin’ny toerana izay nanorenany toerana fanaovana sorona sy nananganany tsangankazon-tsampy ho an’ny Aseraha sy sarin-javatra voasokitra, fony izy tsy mbola nanetry tena, indro, efa voasoratra ao amin’ny tenin’i Hozay izany.

2Tantara 33:19 Rohy Ifampitohizana

2Tantara 30:11

Ny olona sasany tamin’ny Asera sy i Manase ary i Zabolôna no hany nanetry tena ka tonga tany Jerosalema.

2Tantara 33:20

Ary nody mandry any amin’ny razany i Manase ka nalevina tao an-tranony. I Amôna zanany no nanjaka nandimby azy.

2Tantara 33:23

Tsy mba nanetry tena teo anatrehan’i Iaveh tahaka ny nataon-drainy anefa izy, fa vao mainka nanota bebe kokoa aza i Amôna.

2Tantara 36:12

Nanao izay ratsy eo imason’i Iaveh Andriamaniny izy, ary tsy nanetry tena teo anatrehan’i Jeremia mpaminany, izay niteny taminy, tamin’ny anaran’i Iaveh.

Salamo 119:67

Naniasia aho, fony mbola tsy naetry, fa mitandrina ny teninao aho ankehitriny.

Salamo 119:71

Soa ho ahy ny naetry mba hianarako ny didinao.

Salamo 119:75

Fantatro, ry Iaveh, fa marina ny fitsarànao; tamin’ny fahamarinanao no nanetrenao ahy.

Eksodosy 34:13

Fa horavanareo ny ôteliny; hazeranareo ny tsangam-batony; hokapainareo ny aserîmany.

Ohabolana 15:8

Ny soron’ny ratsy fanahy dia ankahalain’i Iaveh; fa ny vavaky ny olo-mahitsy kosa, ankasitrahiny.

Jeremia 13:18

Lazao amin’ny mpanjaka lahy sy ny mpanjaka vavy hoe: Mipetraha ianareo amin’ny tany, fa nianjera avy eny an-dohanareo ny satroboninahitrareo.

Jeremia 44:10

Mandrak’androany izy ireo tsy mbola nanenina, tsy mbola nanan-tahotra, tsy mbola nandeha araka ny lalàko na ny didy nataoko teo anoloanareo sy teo anoloan’ny razanareo.

Fitomaniana 3:56

Renao ny feoko: «Aza manentsin-tadìny, amin’ny fisentoako, amin’ny fitarainako!»

Asan’ny Apostoly 9:11

Ary hoy ny Tompo taminy: «Mitsangàna, ka mandehana any amin’ny lalana atao hoe Mahitsy; tadiavo ao an-tranon’i Jodà, fa misy lehilahy atao hoe Saoly avy any Tarsa efa mivavaka izy izao.»

Romana 5:16

Ary tsy mba tahaka izay tonga noho ny anankiray nanota ny fanomezana; satria noho ny ota anankiray no nisian’ny fitsarana ho fanamelohana; fa noho ny fahadisoana maro kosa no nisian’ny fahasoavana ho fanamarinana.

1Jaona 1:9

Fa raha miaiky ny fahotantsika isika, dia mahatoky sy marina Andriamanitra, ka hamela ny fahotantsika sy hanadio antsika amin’ny tsy fahamarinana rehetra.