2Tantara 26:5 - Baiboly Katolika

⁵ Nanaja an’Andriamanitra izy, tamin’ny andro niainan’i Zakaria, izay nampianatra azy ny fahatahorana an’Andriamanitra ary nambinin’Andriamanitra izy, tamin’ny andro nanajany an’i Iaveh.

Baiboly Protestanta Malagasy 2011

⁵ Nitady an’Andriamanitra izy tamin’ny andron’i Zakaria, izay nahafantatra ny fahatahorana an’Andriamanitra; ary tamin’ny andro nitadiavany NY TOMPO dia nambinin’Andriamanitra izy.

DIEM PROTESTANTA

⁵ I Hozià tamin’ny andro niainan’i Zakarià izay nampianatra azy hanaja an’Andriamanitra, dia nivavaka tokoa tamin’ny TOMPO Andriamanitra sady nomeny fanambinana.

Dikateny Iombonana Eto Madagasikara

⁵ I Hozià tamin’ny andro niainan’i Zakarià izay nampianatra azy hanaja an’Andriamanitra, dia nivavaka tokoa tamin’ny TOMPO Andriamanitra sady nomeny fanambinana.

Baiboly Protestanta Malagasy

⁵ Ary nitady an’Andriamanitra izy tamin’ny andron’i Zakaria, izay nahafantatra ny fahitana an’Andriamanitra; ary tamin’ny andro nitadiavany an’i Jehovah dia nambinin’Andriamanitra izy.

Malagasy Bible

⁵ Ary nitady an'Andriamanitra izy tamin'ny andron'i Zakaria, izay nahafantatra ny fahitana an'Andriamanitra; ary tamin'ny andro nitadiavany an'i Jehovah dia nambinin'Andriamanitra izy.

La Bible en Malgache

⁵ Nitady an’Andriamanitra izy tamin’ny andron’i Zakaria, izay nahafantatra ny fahatahorana an’Andriamanitra; ary tamin’ny andro nitadiavany NY TOMPO dia nambinin’Andriamanitra izy.

2Tantara 26:5 Rohy Ifampitohizana

Genesisy 41:15

Ary hoy i Faraôna tamin’i Josefa: «Nanonofy aho, ka tsy nisy nahalaza ny heviny, ary nandre fa hoe mahalaza ny hevitry ny nofy ambara aminao ianao.»

Genesisy 41:38

Ka hoy i Faraôna tamin’ny mpanompony: «Hahita lehilahy tahaka an’ity indray va isika, izay manana ny fanahin’Andriamanitra ao aminy?»

2Mpanjaka 15:34

Nanao izay mahitsy teo imason’i Iaveh izy, sahala tsara ny nataon’izy sy i Oziasa rainy.

1Tantara 22:11

Koa ankehitriny, anaka, homba anao anie i Iaveh, mba hiadana ianao, ary hanao ny tranon’i Iaveh Andriamanitrao, araka ny efa nilazany anao.

1Tantara 22:13

Hoambinina ianao amin’izay, raha manampò tokoa ny hanaraka ny lalàna amam-pitsipika nandidian’i Iaveh an’i Môizy ho an’i Israely. Mahereza ary matokia fa aza matahotra na manam-badi-po.

2Tantara 14:6

Izao no nolazainy tamin’i Jodà: «Andeha haorintsika ireo tanàna ireo, hasiantsika manda manodidina, tilikambo, vavahady ary hidiny, fa mbola tsy voahidy ny tany anatrehantsika, fa efa nitady an’i Iaveh Andriamanitsika isika; nitady Azy isika, ka nomeny fiadanana isika amin’ny manodidina rehetra.» Dia nanorina izy ireo ka nahefa.

2Tantara 15:2

ka nandeha nitsena an’i Asà izy, sy nilaza taminy hoe: «Mihainoa ahy, ry Asà, mbaminareo Jodà sy Benjamina rehetra. Momba anareo i Iaveh raha momba azy ianareo; raha mitady Azy ianareo, dia hety ho hitanareo Izy, fa raha mahafoy Azy kosa ianareo, dia mba hahafoy anareo koa Izy.

2Tantara 24:2

Nanao izay mahitsy eo imason’i Iaveh i Jôasy tamin’ny andro rehetra niainan’i Jôiadà mpisorona.

2Tantara 25:8

Ka ianao ihany mandeha, dia mikatroha, mahereza amin’ny ady, fa tsy havelan’Andriamanitra ho resy eo anoloan’ny fahavalo ianao, satria mahay mamonjy sy mandavo Andriamanitra.»

2Tantara 26:4

Nanao izay mahitsy eo imason’i Iaveh araka izay rehetra nataon’i Amasiasa rainy izy.

2Tantara 27:6

Nitombo hery i Joatama, satria nizotra mafy tamin’ny lalany, teo anatrehan’i Iaveh Andriamaniny.

2Tantara 29:1

25 taona i Ezekiasa fony vao nanjaka, ary 29 taona no nanjakany tao Jerosalema. Ny anaran-dreniny dia i Abià zanak’i Zakariasa.

2Tantara 32:30

I Ezekiasa io ihany koa, no nanarona ny fivoahan’ny rano any ambony tamin’ny ranon’i Gihôna, ka nampandeha azy hidina mankany andrefan’ny tanànan’i Davida. Nahomby i Ezekiasa tamin’izay rehetra nataony.

Salamo 1:3

Tahaka ny hazo nambolena eo amoron’ny ranovelona izy, ka ny voany tonga amin’ny fotoany; ny raviny tsy mba malazo; ny ataony rehetra vanona avokoa.

Hosea 6:4

Inona no hataoko aminao, ry Efraima? Inona no hataoko aminao, ry Jodà? Fa ny fitiavam-bavakareo dia tahaka ny rahona maraina, tahaka ny ando amin’ny maraina ka levona vetivety.

Asan’ny Apostoly 20:30

Ary ny sasany avy aminareo aza dia hitsangana hampianatra hevi-diso, ka hitaona ny mpianatra hanaraka azy.

Josoa 1:7

Fa matanjaha kosa ary mahereza fo tokoa, sady mitandrema tsara mba hanao araka ny lalàna rehetra nandidian’i Môizy mpanompoko anao. Aza mivily amin’izay na ho amin’ny ankavanana na ho amin’ny ankavia, mba hahomby ianao amin’izay rehetra hataonao.

Josoa 1:8

Aoka tsy ho afaka am-bavanao ny bokin’ity lalàna ity, fa hosaintsaininao andro aman’alina sady hotandremanao ny hanao araka izay rehetra voasoratra ao, fa amin’izany dia hiadana amin’ny lalanao rehetra sy hahomby tsara ianao.

Mpitsara 2:7

Nanompo an’i Iaveh ny vahoaka, tamin’ny andro rehetra niainan’i Jôsoe, sy tamin’ny andro rehetra niainan’ireo loholona velona taoriany, izay nahita ny asa lehibe rehetra nataon’i Iaveh ho an’i Israely.