2Tantara 25:12 - Baiboly Katolika

¹² Nahazo sambo-belona 10.000 ny taranak’i Jodà, ka nentiny nankany an-tampon’ny vatolampy anankiray, navariny teo, dia montsamontsana avokoa.

Baiboly Protestanta Malagasy 2011

¹² Nahazo sambo-belona iray alina koa ny taranak’i Joda, dia noentiny teo an-tampon’ny harambato ary navariny teo ka montsamontsana izy rehetra.

DIEM PROTESTANTA

¹² Ary ny antokony folo sisa kosa dia nataon’ny Jodeanina sambo-belona, dia nentiny teo antampon’ny hantsam-bato ary navariny teo, ka montsamontsana izy rehetra.

Dikateny Iombonana Eto Madagasikara

¹² Ary ny antokony folo sisa kosa dia nataon’ny Jodeanina sambo-belona, dia nentiny teo antampon’ny hantsam-bato ary navariny teo, ka montsamontsana izy rehetra.

Baiboly Protestanta Malagasy

¹² Ary ny iray alina sisa nataon’ny taranak’i Joda sambo-belona, dia nentiny teo an-tampon’ny hantsam-bato ary navariny teo, ka montsamontsana izy rehetra.

Malagasy Bible

¹² Ary ny iray alina sisa nataon'ny taranak'i Joda sambo-belona, dia nentiny teo an-tampon'ny hantsam-bato ary navariny teo, ka montsamontsana izy rehetra.

La Bible en Malgache

¹² Nahazo sambo-belona iray alina koa ny taranak’i Joda, dia noentiny teo an-tampon’ny harambato ary navariny teo ka montsamontsana izy rehetra.

2Tantara 25:12 Rohy Ifampitohizana

2Samoela 12:31

Ary ny vahoaka hita tao dia navoakany ka napetrany hiasa amin’ny tsofa, sy ny pika vy, mbamin’ny famaky vy, ary nafindrany tamin’ny fanefem-biriky. Nataony toy izany avokoa ny tanànan’ny taranak’i Amôna. Dia niverina nankany Jerosalema i Davida sy ny vahoaka rehetra.

1Tantara 20:3

Babo be dia be no nentiny avy ao an-tanàna. Ary ny vahoaka hita tao dia navoakany, ka noriatiny tamin’ny tsofa aman-dapìka vy sy famaky. Sady nataon’i Davida toy izany avokoa ny tanànan’ny taranak’i Amôna rehetra. Dia niverina nankany Jerosalema i Davida mbamin’ny vahoakany rehetra.

2Tantara 20:10

Ankehitriny, indreo ny taranak’i Amôna sy i Moaba mbamin-dry zareo avy any an-tendrombohitra Seira, izay tsy navelanao hidiran’i Israely fony izy avy any amin’ny tany Ejipta, ka nivily izy, fa tsy nandrava azy.

2Tantara 25:11

Feno herim-po i Amasiasa ka nitarika ny vahoakany dia nankany amin’ny Lohasahan-tSira, ary nandresy 10.000 tamin’ny taranak’i Seira.

2Tantara 25:13

Tamin’izay kosa ireo miaramila nalefan’i Amasiasa tsy hiara-manafika aminy, dia niantoraka tamin’ireo tanànan’i Jodà, hatrany Samaria ka hatrany Betôrôna, ka nahafaty olona 3.000 ary namabo zavatra betsaka.

2Tantara 25:15

Nirehitra tamin’i Amasiasa ny fahatezeran’i Iaveh, ka naniraka mpaminany tao aminy izy, nilaza taminy hoe: «Ahoana no dia ivavahanao amin’ny andriamanitr’io vahoaka io, nefa ny vahoakany aza tsy azony narovana tamin’ny tananao akory?»

Salamo 141:6

Nefa tsy ho ela dia havarina, manaraka ny vatolampy, ny lehiben’ireny; ary handre ny teniko ny olona, fa mahafinaritra izany.