2Tantara 16:14 - Baiboly Katolika

¹⁴ Nalevina tao amin’ny fasana nolavahany ho an’ny tenany, ao an-tanànan’i Davida izy; ary nampandriana tamin’ny farafara nofenoina zava-manitra sy zava-tsara fofona voavoatra araka ny fahaizan’ny mpahay zava-manitra, ary be dia be no zava-manitra nodorana koa.

Baiboly Protestanta Malagasy 2011

¹⁴ Dia nalevina tao amin’ny fasany ihany izy, izay nolavahany tao an-Tanànan’i Davida ka nampandriana teo amin’ny fandriana efa nofenoina zavamanitra samihafa voaharoharo araka ny fanaon’ny mpanao haro manitra, sady nandoroany zavatra betsaka ho fisaonana azy.

DIEM PROTESTANTA

¹⁴ dia nalevina tao amin’ny fasana izay nolavahany tao an-Tanànan’i Davida. Nampandrina teo amin’ny fandriana efa nofenoina zava-manitra samy hafa araka ny fanaon’ny mpiangaly an’izany izy, ary mbola nandorana zava-manitra betsaka ho fisaonana azy.

Dikateny Iombonana Eto Madagasikara

¹⁴ dia nalevina tao amin’ny fasana izay nolavahany tao an-Tanànan’i Davida. Nampandrina teo amin’ny fandriana efa nofenoina zava-manitra samy hafa araka ny fanaon’ny mpiangaly an’izany izy, ary mbola nandorana zava-manitra betsaka ho fisaonana azy.

Baiboly Protestanta Malagasy

¹⁴ Dia nalevina tao amin’ny fasany ihany izy, izay nolavahany tao an-Tanànan’i Davida, ka nampandrina teo amin’ny fandriana efa nofenoina zava-manitra samy hafa voaharoharo araka ny fanaon’ny mpangaroharo zava-manitra, ary nandoroany zavatra betsaka ho fisaonana azy.

Malagasy Bible

¹⁴ Dia nalevina tao amin'ny fasany ihany izy, izay nolavahany tao an-Tanànan'i Davida, ka nampandrina teo amin'ny fandriana efa nofenoina zava-manitra samy hafa voaharoharo araka ny fanaon'ny mpangaroharo zava-manitra, ary nandoroany zavatra betsaka ho fisaonana azy.

La Bible en Malgache

¹⁴ Dia nalevina tao amin’ny fasany ihany izy, izay nolavahany tao an-Tanànan’i Davida ka nampandriana teo amin’ny fandriana efa nofenoina zavamanitra samihafa voaharoharo araka ny fanaon’ny mpanao haro manitra, sady nandoroany zavatra betsaka ho fisaonana azy.

2Tantara 16:14 Rohy Ifampitohizana

Genesisy 50:2

Ary nomeny teny ny mpanao fanafody manompo azy, hanosotra zava-manitra an-drainy, ka dia nanosotra an’i Israely ny mpanao fanafody.

Genesisy 50:5

Nasain’ikaky nianiana aho, nataony hoe: ‹Indro ho faty aho, ka any amin’ny fasana nohadiko ho ahy any amin’ny tany Kanaana no handevenanao ahy›. Ka mba te hiakatra any aho handevina ny raiko ary mbola hiverina indray.»

2Samoela 2:32

Dia nentin’izy ireo i Asaela ka naleviny tao amin’ny fasan-drainy izay ao Betlehema. Ary nandeha nandritra ny alina manontolo i Jôaba sy ny olony, ka vao nazava ratsy ny andro dia tonga tany Hebrôna izy.

2Tantara 16:13

Dia nody mandry any amin’ny razany i Asà; ary tamin’ny taona faha-41 nanjakany no nahafatesany.

2Tantara 21:19

Nifandimby ny andro ka tamin’ny faran’ny taona faharoa, nivoaka ny tsinain’i Jôrama noho ny hamafin’ny aretina, dia maty tamim-pangirifiriana mafy izy, ary tsy mba nandoroan’ny vahoaka zava-manitra ho fanajana azy, toy ny nandoroany an’izany ho an’ny razany.

2Tantara 32:33

Dia nody mandry any amin’ny razany i Ezekiasa, ka nalevina teo amin’ny fitoerana ambony indrindra, amin’ny fasan’ny taranak’i Davida; ary tamin’ny nahafatesany, dia niara-nanome voninahitra azy i Jodà rehetra sy ny mponina ao Jerosalema. I Manase zanany no nanjaka nandimby azy.

2Tantara 35:24

Dia nafindran’ny mpanompony avy teo amin’ny kalesy izy, ka napetrany teo amin’ny kalesy hafa izay kalesiny, ka nentiny tao Jerosalema. Maty izy, ka nalevina tao am-pasan-drazany. Nisaona an’i Josiasa avokoa i Jodà sy i Jerosalema.

Mpitoriteny 10:1

Fatin-dalitra mahamaimbo sy manimba ny diloilon’ny mpanao zava-manitra; tahaka izany koa ny fahadalana kely mahaleo ny fahendrena amam-boninahitra.

Isaia 22:16

Fa inon’ny atỳ ianao, ary inonao no atỳ, no mihady fasana eto ianao; mihady fasana ho anao eny amin’ny toerana avo ianao; mandoaka fonenana ho anao amin’ny vatolampy ianao?

Jeremia 34:5

fa ho faty amim-piadanana, ary toy ny nandoroan’ny olona zava-manitra ho an’ireo razanao, izay mpanjaka talohanao, no handoroany izany ho anao koa; sady hitomany anao ny olona, hanao: «Indrisy! ry tompo!» satria Izaho efa nilaza izany, - teny marin’i Iaveh. -

Marka 16:1

Ary rehefa afaka ny sabata, dia nividy zava-manitra i Maria Madelenina, sy i Maria renin’i Jakôba, ary i Salôme, mba handeha hanosotra ny vatan’i Jesoa.

1Samoela 31:12

dia niainga ny lehilahy mahery rehetra, ka nandeha mandritra ny alina manontolo dia nanesotra ny fatin’i Saola sy ny fatin-janany teo amin’ny mandan’i Betsàna vao niverina tany Jabesa, dia nodorany tao ireo.