2Samoela 4:4 - Baiboly Katolika

⁴ I Jônatasy zanak’i Saola, dia nanan-janaka malemy tongo-droa. Dimy taona io zaza io, no tonga avy any Jezraela, ny filazana ny amin’i Saola sy i Jônatasy hoe maty, ka nentin’ny mpitaiza azy nandositra izy; noho ny firotorotoan’izy io loatra teny am-pandosirana anefa dia potraka ny zaza ka nalemy tongotra. Mifibôseta no anarany

Baiboly Protestanta Malagasy 2011

⁴ Nanan-janakalahy malemy tongotra i Jonatana, zanak’i Saoly. Dimy taona izy fony tonga avy tany Jezirela ny filazana ny nahafatesan’i Saoly sy i Jonatana; ary noentin’ny mpitaiza azy nandositra izy; ary raha noentiny nandositra tamin’ny fahatairana izy dia nianjera ka tonga malemy tongotra; i Mefiboseta no anarany.

DIEM PROTESTANTA

⁴ I Jônatàna zanakalahin’i Saoly koa dia nanan-janakalahy izay nalemy ny tongony roa. Dimy taona izy raha tonga tany Jizrehela ny vaovao momba ny nahafatesan’i Saoly sy i Jônatàna. Nentin’ny mpitaiza azy nitsoaka izy; kanjo noho ny fahamaikana dia nianjera teny am-pandosirana ilay zaza, ka tonga nalemy ny tongony. Mefibôseta no anarany.

Dikateny Iombonana Eto Madagasikara

⁴ I Jônatàna zanakalahin’i Saoly koa dia nanan-janakalahy izay nalemy ny tongony roa. Dimy taona izy raha tonga tany Jizrehela ny vaovao momba ny nahafatesan’i Saoly sy i Jônatàna. Nentin’ny mpitaiza azy nitsoaka izy; kanjo noho ny fahamaikana dia nianjera teny am-pandosirana ilay zaza, ka tonga nalemy ny tongony. Mefibôseta no anarany.

Baiboly Protestanta Malagasy

⁴ Ary Jonatana, zanak’i Saoly, nanan-janakalahy malemy tongotra. Dimy taona izy, fony tonga avy tany Jezirela ny filazana ny amin’i Saoly sy Jonatana; ary nentin’ny mpitaiza azy nandositra izy; ary raha nentiny nandositra tamin’ny fahatairana izy, dia nianjera ka tonga malemy tongotra, Mefiboseta no anarany.

Malagasy Bible

⁴ Ary Jonatana, zanak'i Saoly, nanan-janakalahy malemy tongotra. Dimy taona izy, fony tonga avy tany Jezirela ny filazana ny amin'i Saoly sy Jonatana; ary nentin'ny mpitaiza azy nandositra izy; ary raha nentiny nandositra tamin'ny fahatairana izy, dia nianjera ka tonga malemy tongotra, Mefiboseta no anarany.

La Bible en Malgache

⁴ Nanan-janakalahy malemy tongotra i Jonatana, zanak’i Saoly. Dimy taona izy fony tonga avy tany Jezirela ny filazana ny nahafatesan’i Saoly sy i Jonatana; ary noentin’ny mpitaiza azy nandositra izy; ary raha noentiny nandositra tamin’ny fahatairana izy dia nianjera ka tonga malemy tongotra; i Mefiboseta no anarany.

2Samoela 4:4 Rohy Ifampitohizana

2Samoela 21:7

I Mifibôseta zanak’i Jônatasy, zanak’i Saola, no notsimbinin’ny mpanjaka, noho ny fianianana tamin’i Iaveh teo anelanelan’izy roa lahy, dia i Davida sy i Jônatasy zanak’i Saola.

2Samoela 9:13

Nonina tany Jerosalema i Mifibôseta, fa nihinana teo amin’ny latabatry ny mpanjaka mandrakariva izy; ary nikolepaka ny tongony roa.

2Samoela 9:3

Ka hoy ny mpanjaka: «Tsy misy olona amin’ny fianakavian’i Saola intsony va, ka hanisy soa azy aho tahaka an’Andriamanitra?» Ary hoy ny navalin’i Sibà tamin’ny mpanjaka: «Mbola misy zanaka lahin’i Jônatasy anankiray ao; fa malemy ny tongony roa.»

2Samoela 9:6

Nony tonga teo amin’i Davida i Mifibôseta zanak’i Jônatasy zanak’i Saola, dia niondrika tamin’ny tany sy niankohoka. Ka hoy i Davida: «Mifibôseta!» Ary hoy ny navaliny: «Inty ny mpanomponao.»

1Mpanjaka 11:17

Tamin’izany i Adada niara-nandositra tamin’ny Edômita sasany, izay isan’ny mpanompon-drainy, mba ho any Ejipta. Mbola zazalahy tanora i Adada fahizay.

1Tantara 8:34

Zanaka lahin’i Jonatàna: i Meribaala. I Meribaala niteraka an’i Mikà.

1Tantara 9:40

Zanaka lahin’i Jonatàna: i Meribaala niteraka an’i Mikà,

1Samoela 29:1

Ary namory ny miaramilany rehetra tao Afeka ny Filistinina, fa nitoby teo anilan’ny loharano ao Jezraela kosa i Israely.

1Samoela 29:11

Nifoha maraina koa i Davida sy ny olony mba hiainga maraina hiverina any amin’ny tanin’ny Filistinina, ary ny Filistinina kosa niakatra nankany Jezraela.