2Samoela 23:4 - Baiboly Katolika

⁴ dia toy ny fahazavan’ny maraina raha miposaka ny masoandro, toy ny andro maraina tsy misy rahona! Ny tsirim-pahazavany manarakaraka ny ranonorana no itsimohan’ny ahitra amin’ny tany.

Baiboly Protestanta Malagasy 2011

⁴ izy dia toy ny fahazavan’ny maraina, raha miposaka ny masoandro, dia ilay maraina tsy misy rahona iny; ny ahitra dia mandrobona amin’ny tany noho ny hainandro manarakaraka ny ranonorana.

DIEM PROTESTANTA

⁴ dia toy ny fahazavan’ny maraina raha miposaka ny masoandro amin’iny maraina tsy misy rahona iny. Ny tarany mafana mandimby ny orana no mampaniry ny ahitra amin’ny tany.»

Dikateny Iombonana Eto Madagasikara

⁴ dia toy ny fahazavan’ny maraina raha miposaka ny masoandro amin’iny maraina tsy misy rahona iny. Ny tarany mafana mandimby ny orana no mampaniry ny ahitra amin’ny tany.»

Baiboly Protestanta Malagasy

⁴ Ary izany dia toy ny fahazavan’ny maraina, raha mpisoaka ny masoandro, Dia ilay maraina tsy misy rahona iny; Ary ny ahitra manorobona amin’ny tany noho ny hain’andro manarakaraka ny ranonorana.

Malagasy Bible

⁴ Ary izany dia toy ny fahazavan'ny maraina, raha miposaka ny masoandro, dia ilay maraina tsy misy rahona iny; Ary ny ahitra manorobona amin'ny tany noho ny hain'andro manarakaraka ny ranonorana.

La Bible en Malgache

⁴ izy dia toy ny fahazavan’ny maraina, raha miposaka ny masoandro, dia ilay maraina tsy misy rahona iny; ny ahitra dia mandrobona amin’ny tany noho ny hainandro manarakaraka ny ranonorana.

2Samoela 23:4 Rohy Ifampitohizana

Salamo 110:3

Midodododo aminao ny vahoakanao amin’ny andro hamorianao ny tafikao, mitondra ny fanamiana masina: avy ao ampofoan’ny mazava atsinanana, dia mankao aminao ny ranonandon’ny mpiadinao tanora.

Salamo 72:6

Aoka izy hidina, toy ny ranonorana amin’ny ahi-maitso, toy ny tandrifin-drahona manondraka ny tany.

Salamo 89:36

Efa nianianako indray mandeha tamin’ny fahamasinako, ka tsy handainga amin’i Davida Aho.

Ohabolana 4:18

Toy ny fihiratry ny andro maraina ny lalan’ny marina, ka mitombo hazavana hatramin’ny fiposahan’ny andro.

Isaia 18:4

Fa izao no nolazain’i Iaveh tamiko: Hisonanina ato amin’ny fonenako Aho, dia hijery, toy ny hafanana malefaka raha mamirapiratra ny masoandro, toy ny ranonando amin’ny hafanam-pararano.

Isaia 4:2

«Amin’izany andro izany, ny solofon’i Iaveh ho haingo amam-boninahitra, ary ny vokatry ny tany ho rehareha amam-piravaka, ho an’ireo sisan’i Israely afaka.

Isaia 60:1

Mitsangàna, ka mamirapiràta! fa miposaka ny fahazavanao; ary miposaka eo aminao, ny fahazavan’i Iaveh.

Isaia 60:3

Mandroso ho amin’ny fahazavanao ny firenena, ary ho eo amin’ny famirapiratan’ny fiposahanao ny mpanjaka.

Hosea 6:3

Rehefa afaka indroa andro dia hataony velona indray isika; amin’ny andro fahatelo dia hatsangany isika, ka ho velona eo anatrehany. Mahalalà isika, mikeleza aina hahalala an’i Iaveh isika. Mahatoky, toy ny an’ny maraina, ny fiposahany; ary ho avy amintsika toy ny tandrifin-drahona toy ny fara orana manamando ny tany.

Hosea 6:5

Noho izany nataoko potika, tamin’ny tenin’ny mpaminany, novonoiko tamin’ny tenin’ny vavako izy ireo; toy ny mazava miposaka no ho fitsarana anao.

Mika 5:7

Ary ny sisa amin’i Jakôba, any amin’ny firenena, eo afovoan’ny vahoaka maro, dia ho toy ny liona eo amin’ny biby any an’ala, ho toy ny liona tanora eo amin’ny andian’ondry; ka raha mandalo sy manosihosy ary mamiravira izy, tsy misy mahavonjy.

Jaona 1:7

tonga ho vavolombelona hanambara ny Fahazavana izy mba hinoan’ny olon-drehetra noho ny teniny.

Deoteronomia 32:2

Aoka hirotsaka toa ranonorana ny fampianarako; ary hilatsaka tahaka ny ando ny teniko, dia tahaka ny tandrifin-drahona amin’ny zava-maitso, toy ny rano mitete amin’ny ahi-maitso.

Mpitsara 5:31

Ny fahavalonao rehetra anie ho levona toy izany, Iaveh ô, ary izay tia Anao kosa, hanahaka ny masoandro raha ilay miposaka amin’ny heriny izy!»