2Samoela 23:3 - Baiboly Katolika

³ Ny Andriamanitr’i Israely niteny, ny Vatolampin’i Israely niteny: Olo-marina mpanapaka ny olombelona izay manapaka amim-pahatahorana an’Andriamanitra,

Baiboly Protestanta Malagasy 2011

³ Andriamanitry ny Israely milaza, eny, ny Vatolampin’ny Israely miteny amiko hoe: Indro ny mpanapaka ny olona; marina izy sady manapaka amin’ny fahatahorana an’Andriamanitra;

DIEM PROTESTANTA

³ Ny Andriamanitr’i Israely sady mpiaro azy no efa niteny ka nanao tamiko hoe: «Ny mpanjaka izay mifehy ny olona amim-pahamarinana sy mitondra azy amim-panajana an’Andriamanitra

Dikateny Iombonana Eto Madagasikara

³ Ny Andriamanitr’i Israely sady mpiaro azy no efa niteny ka nanao tamiko hoe: «Ny mpanjaka izay mifehy ny olona amim-pahamarinana sy mitondra azy amim-panajana an’Andriamanitra

Baiboly Protestanta Malagasy

³ Andriamanitry ny Isiraely manao hoe, Eny, ny Vatolampin’ny Isiraely miteny amiko hoe: Indro ny Mpanapaka ny olona; Marina Izy sady manapaka amin’ny fahatahorana an’Andriamanitra;

Malagasy Bible

³ Andriamanitry ny Isiraely manao hoe, eny, ny Vatolampin'ny Isiraely miteny amiko hoe: Indro ny Mpanapaka ny olona; Marina Izy sady manapaka amin'ny fahatahorana an'Andriamanitra;

La Bible en Malgache

³ Andriamanitry ny Israely milaza, eny, ny Vatolampin’ny Israely miteny amiko hoe: Indro ny mpanapaka ny olona; marina izy sady manapaka amin’ny fahatahorana an’Andriamanitra;

2Samoela 23:3 Rohy Ifampitohizana

Genesisy 33:20

Ary nanangana ôtely teo izy, ka nomeny anarana hoe: El-Elohe-Israely.

2Samoela 22:32

Fa iza no Andriamanitra raha tsy i Iaveh ary zovy no vatolampy afa-tsy ny Andriamanitsika?

2Samoela 8:15

Nanjaka tamin’i Israely rehetra i Davida, ary nitondra ny vahoakany rehetra araka ny rariny sy ny fahamarinana.

1Mpanjaka 10:9

Hankalazaina anie i Iaveh Andriamanitrao, izay mankasitraka anao, ka nametraka anao eo amin’ny seza fiandrianan’i Israely. Fa fitiavany mandrakizay an’i Israely no nametrahan’i Iaveh anao ho mpanjaka, mba hanome rariny ny olona sy hitsara azy marina.»

Nehemia 5:14

Hatramin’ny andro nametrahan’ny mpanjaka ahy ho governora teo amin’ny tanin’i Jodà, izany hoe: hatramin’ny taona faha 20, ka hatramin’ny taona faha 32 nanjakan’i Artakserksesa, dia nandritra ny 12 taona, tsy mba nihinana ny mofon’ny governora, na izaho na ireo rahalahiko.

Joba 34:17

fahavalon’ny rariny ve hahazo ny fahefana ambony indrindra? Sahinao hohelohina va ilay Marina, ilay Mahefa?

Salamo 110:2

Hanitatra ny tehina fanapahanao, avy ao Siôna i Iaveh: manjakà amim-pahefan’ny Tompo eo amin’ny fahavalonao ianao!

Salamo 42:9

Nandidy ny fahasoavany hitsidika ahy i Iaveh, ny antoandro; teo amin’ny molotro ny hirany, nony alina;

Salamo 72:1

Nataon’i Salômôna. Ry Andriamanitra ô; tolory ny fitsarànao, ny mpanjaka, ary ny fahamarinanao, ny zanaky ny mpanjaka.

Salamo 72:2

Aoka hitondra ny vahoakanao, araka ny rariny, sy ny mahantranao, araka ny hitsiny!

Eksodosy 18:21

Ary ankehitriny dia ifidiano lehilahy mahay sy matahotra an’Andriamanitra, ao amin’ny vahoaka rehetra, lehilahy marina sy tsy tia kolikoly, ka ireny no atsangano ho tomponarivo sy tompon-jato, ary mpifehy dimampolo ama-mpifehy folo, hitondra azy ireo.

Eksodosy 20:2

«Izaho no Iaveh Andriamanitrao, izay namoaka anao tany amin’ny tany Ejipta, tany amin’ny trano fanandevozana.

Eksodosy 3:15

Dia hoy koa Andriamanitra tamin’i Môizy: «Lazao amin’ny zanak’i Israely hoe: ‹I Iaveh, Andriamanitry ny razanareo, dia ny Andriamanitr’i Abrahama, Andriamanitr’i Isaaka, Andriamanitr’i Jakôba, no maniraka ahy ho atỳ aminareo.› Fa izany no Anarako mandrakizay; izany no hahatsiarovana ahy hatramin’ny taranaka fara mandimby.»

Ohabolana 31:9

Sokafy ny vavanao, mamoaha fitsarana marina, ary omeo rariny ny ory sy ny mahantra.

Isaia 32:1

Indro misy mpanjaka hanjaka araka ny rariny; ary ny mpifehy hitondra araka ny hitsiny.

Jeremia 23:5

Indro avy ny andro, - teny marin’i Iaveh, - hananganako ho an’i Davida solofo marina; hitondra ny hitsiny sy ny rariny amin’ny tany.

Zakaria 9:9

Mifalia amin’ny hafaliana lehibe, ry zanaka vavin’i Siôna! Manaova feo firavoravoana, ry zanaka vavin’i Jerosalema. Fa indro ny Mpanjakanao avy ho atỳ aminao; marina izy sady arovan’Andriamanitra; manetry tena mitaingina ampondra dia ampondra tanora, zanak’ampondravavy.

Deoteronomia 32:4

Ny vatolampy, lavorary ny asany, ara-drariny ny lalany rehetra; fa Andriamanitra mahatoky sy tsy misy ratsy Izy; marina sy mahitsy.

Hebreo 1:8

fa ny Zanaka kosa ataony hoe: Ny seza fiandriananao, Andriamanitra ô, dia mandrakizay doria, ary ny tehim-pahitsiana no tehim-panjakanao.