2Samoela 14:3 - Baiboly Katolika

³ Ho avy ao amin’ny mpanjaka ianao ka izao no resaka hataonao aminy...» Dia nataon’i Jôaba tao am-bavany ny teny holazainy.

Baiboly Protestanta Malagasy 2011

³ Dia mankanesa ao amin’ny mpanjaka ka lazao aminy araka izao. Dia nomen’i Joaba teny izy.

DIEM PROTESTANTA

³ Mankanesa any amin’ny mpanjaka, ka lazao aminy araka izao. Dia nambaran’i Jôaba taminy izay teny hoteneniny.

Dikateny Iombonana Eto Madagasikara

³ Mankanesa any amin’ny mpanjaka, ka lazao aminy araka izao. Dia nambaran’i Jôaba taminy izay teny hoteneniny.

Baiboly Protestanta Malagasy

³ dia mankanesa ao amin’ny mpanjaka, ka lazao aminy araka izao. Dia nomen’i Joaba teny izy.

Malagasy Bible

³ dia mankanesa ao amin'ny mpanjaka, ka lazao aminy araka izao. Dia nomen'i Joaba teny izy.

La Bible en Malgache

³ Dia mankanesa ao amin’ny mpanjaka ka lazao aminy araka izao. Dia nomen’i Joaba teny izy.

2Samoela 14:3 Rohy Ifampitohizana

2Samoela 14:19

Ary hoy ny mpanjaka: «Moa momba anao va ny tanan’i Jôaba amin’izao rehetra izao?» Hoy ny navalin-dravehivavy: «Marina amin’ny maha-velona ny fanahinao, ry mpanjaka tompoko, tsy misy hiviliana na ho any ankavanana na ho any ankavia izay rehetra lazain’ny mpanjaka tompoko. Eny, i Jôaba mpanomponao no nandidy ahy sy nanao izao teny rehetra izao eo am-bavan’ny ankizy vavinao.

2Samoela 14:4

Tonga ravehivavy avy any Tekoa hiresaka amin’ny mpanjaka. Lavo niankohoka tamin’ny tany izy vao niteny hoe: «Vonjeo aho, ry mpanjaka ô!»

Ezra 8:17

Nirahiko ho any amin’i Edô loholona, ao amin’ny fitoerana atao hoe Kasfià izy ireo; dia nofahanako teny hambara amin’i Edô, mbamin’ireo Natineanina rahalahiny any amin’ny fitoerana atao hoe Kasfià izy, mba hitondrany mankatỳ aminay izay ho mpandraharaha ao amin’ny tranon’ny Andriamanitray.

Eksodosy 4:15

Hiteny aminy ianao sy hanolotra ny teny hambarany; ary Izaho homba ny vavanao sy ny vavany, ary haneho aminareo izay tsy maintsy hataonareo.

Isaia 51:16

Nataoko tao am-bavanao ny teniko, ary noalofako tamin’ny aloky ny tanako ianao, mba hamboly lanitra sy hanorina tany, ary hilaza amin’i Siôna hoe: «Vahoakako ianao!»

Isaia 59:21

Ary Izaho kosa, dia izao no fanekeko amin’izy ireo, hoy i Iaveh: Ny Fanahiko izay ao aminao, sy ny Teniko izay hataoko ao am-bavanao, dia tsy ho tapaka tsy ho eo am-bavanao, sy eo am-bavan’ny zanakao, ary eo am-bavan’ny zanaky ny zanakao, hatramin’izao ka ho mandrakizay, hoy i Iaveh.

Jeremia 1:9

Dia naninjitra ny tanany i Iaveh, ka nanendry ny vavako, ary hoy i Iaveh tamiko: «Indro ataoko eo am-bavanao ny teniko;

Nomery 23:5

Dia nanisy teny tao am-bavan’i Balaama i Iaveh sy nanao taminy hoe: «Miverena any amin’i Balàka, ka izao sy izao lazaina aminy.»

Deoteronomia 18:18

Hananganako mpaminany anankiray tahaka anao, avy eo amin’ny rahalahiny, izy; hapetrako eo am-bavany ny teniko dia holazainy amin’izy ireo ny zavatra rehetra handidiako azy.