2Samoela 14:2 - Baiboly Katolika

² Dia naniraka ho any Tekoa hitady vehivavy fetsy anankiray i Jôaba ka nilaza taminy hoe: «Modia misaona ianao, manaova akanjo fisaonana, aza mihosotra diloilo, ary manahafa vehivavy mandala olo-maty efa ela be ihany.

Baiboly Protestanta Malagasy 2011

² Dia nandefa iraka tany Tekoa nampaka vehivavy hendry iray tany i Joaba ka nilaza taminy hoe: Miangavy anao aho, modia misaona ka miakanjoa akanjo fisaonana, ary aza mihoso-menaka ianao fa manaova tahaka ny vehivavy efa nisaona ela ny maty.

DIEM PROTESTANTA

² Nampiantso vehivavy fetsy iray avy any Tekôa i Jôaba ka nilazany hoe: –Manaova sari-misaona ianao ka mitafia akanjo fisaonana; aza mihosotra ilomanitra, fa manaova toy ny vehivavy efa ela nisaonana olona maty iray.

Dikateny Iombonana Eto Madagasikara

² Nampiantso vehivavy fetsy iray avy any Tekôa i Jôaba ka nilazany hoe: –Manaova sari-misaona ianao ka mitafia akanjo fisaonana; aza mihosotra ilomanitra, fa manaova toy ny vehivavy efa ela nisaonana olona maty iray.

Baiboly Protestanta Malagasy

² Koa naniraka tany Tekoa nampaka vehivavy hendry tany Joaba ka nanao taminy hoe: Masìna hianao, modia misaona, ka miakanjoa akanjo fisaonana, ary aza mihoso-diloilo hianao, fa manaova tahaka ny vehivavy efa nisaona ela ny maty;

Malagasy Bible

² Koa naniraka tany Tekoa nampaka vehivavy hendry tany Joaba ka nanao taminy hoe: Masìna ianao, modia misaona, ka miakanjoa akanjo fisaonana, ary aza mihoso-diloilo ianao, fa manaova tahaka ny vehivavy efa nisaona ela ny maty;

La Bible en Malgache

² Dia nandefa iraka tany Tekoa nampaka vehivavy hendry iray tany i Joaba ka nilaza taminy hoe: Miangavy anao aho, modia misaona ka miakanjoa akanjo fisaonana, ary aza mihoso-menaka ianao fa manaova tahaka ny vehivavy efa nisaona ela ny maty.

2Samoela 14:2 Rohy Ifampitohizana

Genesisy 38:19

Vao niainga teo ravehivavy dia lasa, nesoriny ny voaliny, ary niakanjoany indray ny akanjony fitondran’ny mpitondratena.

2Samoela 11:26

Nony ren’ny vadin’i Oria fa maty ny lahy, dia nitomany izy.

2Samoela 12:20

Dia niarina tamin’ny tany i Davida ka nandro, nihosotra diloilo sy nanova fitafiana, dia nankao an-tranon’i Iaveh izy ary niankohoka. Nony nody tao an-tranony izy nangataka horosoana sakafo dia nihinana.

2Samoela 20:16

Tamin’izay nisy vehivavy hendry anankiray niantso avy ao an-tanàna hoe: «Mihainoa, mba mihainoa kely é! Ilazao kely i Jôaba ataovy hoe: Manatòna eto, fa te hiresaka aminao aho!»

2Samoela 23:26

i Helesa, avy any Falitỳ, i Hirà zanak’i Aksesa, avy any Tekoe;

1Mpanjaka 14:2

ka hoy i Jerôbôama tamin’ny vavy: «Raha sitrakao, mitsangàna ka manovà endrika, mba tsy ho fantatra ho vadin’i Jerôbôama ianao, dia mankanesa any Silao. Indro fa ao i Ahiasa mpaminany, ilay nilaza tamiko ny hanjakako amin’ity firenena ity.

1Mpanjaka 14:5

Efa nilazan’i Iaveh anefa i Ahiasa, nataony hoe: «Indro tamy ny vadin’i Jerôbôama mba hahazo teny indraimbava aminao ny amin’ny zanany, fa marary izy, ka izao sy izao no holazainao azy. Hody ho hafa izy rehefa tonga.»

2Tantara 11:6

Izao no naoriny: i Betlehema, i Etama, i Tekôe,

2Tantara 20:20

Nony ampitso, nifoha maraina koa izy ireo, dia niainga nankany an’efitr’i Tekôe. Ilay lasa iny izy, dia nitsangana teo i Jôsafata, ka nanao hoe: «Mihainoa ahy, ry Jodà, sy ianareo mponina ao Jerosalema! Matokia an’i Iaveh Andriamanitrareo, dia tsy ho voahozongozona ianareo, ary matokia ny mpaminaniny, dia hoambinina ianareo.»

Nehemia 3:27

Manarakaraka azy, ny Tekôita namboatra ny laniny iray, tandrifin’ny tilikambo lehibe mibohitra, ka hatreo amin’ny mandan’i Ofela.

Nehemia 3:5

teo anilany dia ny Tekôita no nanamboatra, saingy tsy nilatsaka hanampy tamin’ny fanompoana ny tompony, ny lehibe tamin’izy ireo.

Salamo 104:15

mbamin’ny divay izay mampifaly ny fon’ny olona, omeny diloilo izy hahamandina ny tavany, ary mofo hankahery ny fony.

Mpitoriteny 9:8

Aoka ho fotsy mandrakariva ny fitafianao; ary tsy ho diso diloilo manitra ny lohanao.

Jeremia 6:1

Mandosira, ry taranak’i Benjamina, hiala ao afovoan’i Jerosalema. Mitsofa anjomara any Tekoà, ary manangàna famantarana any Betakarema! Fa misy loza tamy avy any avaratra ary fandringanana lehibe.

Amosa 1:1

Tenin’i Amôsy, isan’ireo mpiandry ondry tao Tekôe. Izay hitany momba an’i Israely, tamin’ny andron’i Oziasa, mpanjakan’i Jodà, sy tamin’ny andron’i Jerôbôama, zanak’i Jôasa, mpanjakan’i Israely, roa taona talohan’ny horohoron-tany. Hoy izy:

Matio 6:17

Fa ianao kosa raha mifady hanina, dia hosory zava-manitra ny lohanao, ary sasao ny tavanao,

Rota 3:3

Koa mandroa ianao, mihosora diloilo, miakanjoa, ary midìna eny am-pamoloana. Aza atao hitany anefa ianao, raha tsy efa tapi-nihinana sy nisotro izy.