2Samoela 11:4 - Baiboly Katolika

⁴ Dia naniraka olona haka azy i Davida ka tonga tao aminy izy dia nandry taminy izy. Nandio tena ho afaka amin’ny halotoany ravehivavy, dia nody tany an-tranony,

Baiboly Protestanta Malagasy 2011

⁴ Naniraka olona haka azy i Davida. Dia tonga tao aminy izy ka nandriany kanefa vao avy nanamasina ny tenany ho afaka tamin’ny fahalotoany. Nody tany an-tranony Ravehivavy nony avy eo.

DIEM PROTESTANTA

⁴ Nampanalain’i Davida izy, ka tonga tao aminy, dia niraisany, ary nody tany an-tranony indray. Vao avy nanadio ny tenany noho ny fadimbolana ravehivavy tamin’izay.

Dikateny Iombonana Eto Madagasikara

⁴ Nampanalain’i Davida izy, ka tonga tao aminy, dia niraisany, ary nody tany an-tranony indray. Vao avy nanadio ny tenany noho ny fadimbolana ravehivavy tamin’izay.

Baiboly Protestanta Malagasy

⁴ Ary Davida naniraka olona ka nampaka azy; dia tonga tao aminy izy ka nandriany. Ary ravehivavy nanamasina ny tenany ho afaka tamin’ny halotoany, dia nody tany an-tranony.

Malagasy Bible

⁴ Ary Davida naniraka olona ka nampaka azy; dia tonga tao aminy izy ka nandriany. Ary ravehivavy nanamasina ny tenany ho afaka tamin'ny halotoany, dia nody tany an-tranony.

La Bible en Malgache

⁴ Naniraka olona haka azy i Davida. Dia tonga tao aminy izy ka nandriany kanefa vao avy nanamasina ny tenany ho afaka tamin’ny fahalotoany. Nody tany an-tranony Ravehivavy nony avy eo.

2Samoela 11:4 Rohy Ifampitohizana

Genesisy 34:2

ka hitan’i Sikema zanak’i Hemora, Heveanina, andriana tamin’izany tany izany, dia notsoahany, ka niray fandriana ary nanao an-kery taminy izy.

Genesisy 39:7

Ary tatỳ aorian’izany, dia sendra nanopy ny masony tamin’i Josefa ny vadin’ny tompony, ka nanao hoe: «Avia handry amiko.»

2Samoela 12:12

fa ianao dia mangingina no nanaovanao izany, ary Izaho kosa dia eo imason’i Israely rehetra sy anatrehan’izao masoandro izao no hanaovako izany.»

Salamo 50:18

Raha mahita mpangalatra ianao, dia vary lena ianao sy izy, ary miombona amin’ny mpaka vadin’olona ianao.

Ohabolana 30:20

Toy izao no lalan’ny vehivavy mpaka vadin’olona: Mihinana izy, dia mamafa ny vavany, ka manao hoe: «Tsy nanao ratsy aho.»

Levitikosy 15:18

Raha misy vehivavy nandry tamin-dehilahy sy niray taminy, dia handro amin’ny rano izy sy ralehilahy, ary haloto izy ireo mandra-paharivan’ny andro.»

Levitikosy 18:19

Aza manatom-behivavy mandritra ny fahalotoam-padim-bolany mba hanokatra ny fitanjahany.

Deoteronomia 5:18

«Aza mitsiriritra ny vadin’ny namanao. Aza mitsiriritra ny tranon’ny namanao, na ny taniny, na ny ombiny, na ny ampondrany, na izay mety ho an’ny namanao.