1Mpanjaka 2:28 - Baiboly Katolika

²⁸ Tonga tao amin’i Jôaba izany vaovao izany satria niandany tamin’i Adoniasa i Jôaba, na dia tsy niandany tamin’i Absalôma aza. Ary nandositra tao amin’ny tabernaklan’i Iaveh i Jôaba, ka namikitra ny tandroky ny ôtely

Baiboly Protestanta Malagasy 2011

²⁸ Ary ren’i Joaba izany. I Joaba anefa dia niandany tamin’i Adonia na dia tsy niandany tamin’i Absaloma aza. Dia nandositra nankao amin’ny tranolain’NY TOMPO izy ka nihazona ny tandroky ny alitara.

DIEM PROTESTANTA

²⁸ Vao ren’i Jôaba ny nanjo an’i Adônià sy i Abiatara, dia nandositra nankao amin’ny Tranolain’ny TOMPO izy ka namikitra tamin’ny tandroky ny alitara fanaovan-tsorona. I Jôaba manko niandany tamin’i Adônià, kanefa tsy nanaraka an’i Absalôma.

Dikateny Iombonana Eto Madagasikara

²⁸ Vao ren’i Jôaba ny nanjo an’i Adônià sy i Abiatara, dia nandositra nankao amin’ny Tranolain’ny TOMPO izy ka namikitra tamin’ny tandroky ny alitara fanaovan-tsorona. I Jôaba manko niandany tamin’i Adônià, kanefa tsy nanaraka an’i Absalôma.

Baiboly Protestanta Malagasy

²⁸ Ary ren’i Joaba izany (fa Joaba efa niodina nanaraka an’i Adonia, kanefa tsy niodina nanaraka an’i Absaloma izy), dia nandositra nankao amin’ny trano-lain’i Jehovah izy ka nangia ny tandroky ny alitara.

Malagasy Bible

²⁸ Ary ren'i Joaba izany (fa Joaba efa niodina nanaraka an'i Adonia, kanefa tsy niodina nanaraka an'i Absaloma izy), dia nandositra nankao amin'ny trano-lain'i Jehovah izy ka nangia ny tandroky ny alitara.

La Bible en Malgache

²⁸ Ary ren’i Joaba izany. I Joaba anefa dia niandany tamin’i Adonia na dia tsy niandany tamin’i Absaloma aza. Dia nandositra nankao amin’ny tranolain’NY TOMPO izy ka nihazona ny tandroky ny alitara.

1Mpanjaka 2:28 Rohy Ifampitohizana

2Samoela 17:25

I Amasà no notendren’i Absalôma ho filohan’ny tafika solon’i Jôaba. I Amasà dia zanaky ny lehilahy anankiray atao hoe Jetrà, Ismaelita, izay nandeha tamin’i Abigaila, zanaka vavin’i Naasa, rahavavin’i Sarvià, renin’i Jôaba.

2Samoela 18:2

Dia nalamin’i Davida ny vahoaka, ka ny ampahatelony, nataony fehin’i Jôaba, ny ampahatelony fehin’i Abiasia, zanak’i Sarvià, rahalahin’i Jôaba, ny ampahatelony fehin’i Etaia, Geteanina. Ary hoy ny mpanjaka tamin’ny vahoaka: «Izaho koa mba handeha hiaraka aminareo.»

1Mpanjaka 1:50

I Adoniasa natahotra an’i Salômôna ka nitsangana, dia nandeha namikitra tamin’ny tandroky ny ôtely.

1Mpanjaka 1:7

Nisy resadresaka natao tamin’i Jôaba, zanak’i Sarvià sy tamin’i Abiatara mpisorona, fa rafitra niandany tamin’i Adoniasa izy ireo.

Eksodosy 21:14

Fa raha misy kosa lehilahy nanao an-kasomparana amin’ny namany hamonoany azy an-kafetsena, na mby eo amin’ny ôtely aza, tsoahy eo ka vonoy ho faty.

Eksodosy 27:2

Amin’ny zorony efatra hasianao tandrony mivoaka avy ao amin’ny ôtely, ary petahanao takela-barahina izy.

Deoteronomia 32:35

Ahy ny fampanodiavana sy ny famaliana amin’ny fotoana hahatafintohina ny tongony, fa antomotra ny andro hahitany loza, ary ho avy faingana izay anjara ho azy.