1Mpanjaka 11:1 - Baiboly Katolika

¹ Afa-tsy ny zanaka vavin’i Faraôna, maro koa ny vehivavy hafa firenena tian’i Salômôna, dia ny Moabita, ny Amônita, ny Edômita, ny Sidonianina, ny Heteanina,

Baiboly Protestanta Malagasy 2011

¹ Tia vehivavy maro hafa firenena ankoatra ilay zanakavavin’i Farao anefa i Solomona mpanjaka: Vehivavy moabita, amonita, edomita, sidoniana ary hetita,

DIEM PROTESTANTA

¹ Ankoatra ny zanakavavin’ny Farao, dia nanambady vehivavy maro hafa firenena koa i Salômôna mpanjaka, dia vehivavy môabita sy hamônita sy edômita ary tsidônianina sy hetita.

Dikateny Iombonana Eto Madagasikara

¹ Ankoatra ny zanakavavin’ny Farao, dia nanambady vehivavy maro hafa firenena koa i Salômôna mpanjaka, dia vehivavy môabita sy hamônita sy edômita ary tsidônianina sy hetita.

Baiboly Protestanta Malagasy

¹ FA Solomona mpanjaka tia vehivavy maro hafa firenena, fa tsy ilay zanakavavin’i Farao ihany, dia vehivavy Moabita sy Amonita sy Edomita sy Sidoniana ary Hetita,

Malagasy Bible

¹ Fa Solomona mpanjaka tia vehivavy maro hafa firenena, fa tsy ilay zanakavavin'i Farao ihany, dia vehivavy Moabita sy Amonita sy Edomita sy Sidoniana ary Hetita,

La Bible en Malgache

¹ Tia vehivavy maro hafa firenena ankoatra ilay zanakavavin’i Farao anefa i Solomona mpanjaka: Vehivavy moabita, amonita, edomita, sidoniana ary hetita,

1Mpanjaka 11:1 Rohy Ifampitohizana

1Mpanjaka 11:8

Nanao toy izany koa izy ho an’ny vadiny hafa firenena rehetra, izay nandoro zava-manitra sy nanatitra sorona ho an’ny andriamanitr’izy ireo.

1Mpanjaka 14:21

I Rôbôama zanak’i Salômôna nanjaka tamin’i Jodà. Efa 41 taona izy vao nanjaka tao Jerosalema, tanàna nofidin’i Iaveh tamin’ny fokon’i Israely rehetra, hametrahana ny Anarany; Naamà Amônita no anaran-dreniny.

1Mpanjaka 14:31

Ary nody mandry any amin’ny razany i Rôbôama, ka nalevina tao akaikin’ny razany tao an-tanànan’i Davida. Ny anaran-dreniny dia Naamà Amônita, ary i Abiama zanany lahy no nanjaka nandimby azy.

1Mpanjaka 16:31

Hoatra ny noheveriny fa zavatra kely foana ny mandeha amin’ny fahotan’i Jerôbôama zanak’i Nabata, ka dia nalainy ho vady i Jezabela, zanaka vavin’i Etbaala, mpanjakan’ny Sidonianina, ka lasa izy nanompo an’i Baala sy niankohoka teo anatrehany.

1Mpanjaka 3:1

Nisy fihavanam-panambadiana nampiray an’i Salômôna tamin’i Faraôna mpanjakan’i Ejipta, fa nanambady ny zanaka vavin’i Faraôna izy, dia nitondra azy ho ao an-tanànan’i Davida, mandra-pahatapitra ny fanorenana ny tranony sy ny tranon’i Iaveh ary manda manodidina an’i Jerosalema.

Ezra 10:44

Naka vehivavy hafa firenena ho vady avokoa ireo lehilahy ireo, sady efa niteraka taminy ny maromaro amin’ireo.

Ezra 9:1

Nony vita izany rehetra izany, nanatona ahy ny lehibe, ka nanao hoe: «Tsy tafasaraka tamin’ny vahoakan’ireto tany ireto ny vahoaka Israely mbamin’ny mpisorona sy ny Levita fa manaraka ny fahavetavetany, ny an’ny Kananeanina, ny Heteanina, ny Ferzeanina, ny Jebôseanina, ny Amônita, ny Moabita, ny Ejiptianina, ary ny Amôreana;

Ezra 9:2

satria naka ny zanaka vavin’ireo izy ho vady, sy ho an’ny zanany lahy, ka tafaharo amin’ny vahoakan’ireto tany ireto ny taranaka masina; sady ny lohany sy andriambaventy indrindra no loha lalana amin’izany ota izany.»

Eksodosy 34:16

fandrao koa maka ny zanany vavy ho an’ny zanakao lahy ianao, ka nony mitolo-tena amin’ny andriamaniny ireny zanany vavy ireny, dia ho voatariny mbamin’ny zanakao lahy hitolo-tena amin’ny andriamaniny koa.»

Ohabolana 2:16

hanafaka anao amin’ny vehivavy efa an’ny hafa, amin’ny vehivavy efa an’olon-kafa izay manao teny mandrobo,

Ohabolana 22:14

Lavaka lalina ny vavan’ny vehivavy an’olon-kafa; izay mahatezitra an’i Iaveh ho latsaka ao.

Ohabolana 23:33

Dia ho any amin’ny vehivavy an’olon-kafa ny masonao, ary hanao resaka ratsy ny fonao.

Ohabolana 31:3

Aza atolotra ny vehivavy ny herinao; na ny lalanao an’ireo vehivavy mamery mpanjaka.

Ohabolana 6:24

Hiaro anao amin’ny vehivavy ratsy fanahy izy, dia amin’ny lela mandrobon’ny vehivavy an’olon-kafa.

Ohabolana 7:5

mba hiarovany anao amin’ny vadin’ny namana, sy amin’ny vehivavy an’olon-kafa manao teny mandrobo.

Levitikosy 18:18

Aza maka ny rahavavin’ny vadinao ho rafiny, amin’ny fanokafana ny fitanjahany sy ny an’ny vadinao izay mbola velona.

Deoteronomia 17:17

Aoka tsy hampirafy maro izy, fandrao mivily ny fony, ary aoka tsy hamory volafotsy sy volamena be miavosa izy.