1Mpanjaka 10:13 - Baiboly Katolika

¹³ Dia mba nomen’i Salômôna izay rehetra niriny sy nangatahiny kosa ny mpanjaka vavin’i Sabà, afa-tsy ireo fanatitra izay mifanerana amin’ny fahambonian’ny mpanjaka toa an’i Salômôna. Izay vao niverina nody any amin’ny taniny izy sy ny mpanompony.

Baiboly Protestanta Malagasy 2011

¹³ Nomen’i Solomona mpanjaka ho an’ny mpanjakavavin’i Sheba kosa izay rehetra niriny, na inona na inona nangatahiny, ankoatra izay nomeny azy araka ny fahalalahan-tanan’i Solomona mpanjaka. Koa niverina nody any amin’ny taniny izy mbamin’ny mpanompony.

DIEM PROTESTANTA

¹³ Tetsy an-danin’izany kosa dia nomen’i Salômôna mpanjaka ny mpanjakavavin’i Sebà avokoa izay rehetra niriny sy nangatahiny, ankoatra izay natolony azy araka ny fahalalahan-tanan’i Salômôna mpanjaka. Avy eo ilay mpanjakavavy sy ireo mpanompony dia niverina nody tany amin’ny taniny.

Dikateny Iombonana Eto Madagasikara

¹³ Tetsy an-danin’izany kosa dia nomen’i Salômôna mpanjaka ny mpanjakavavin’i Sebà avokoa izay rehetra niriny sy nangatahiny, ankoatra izay natolony azy araka ny fahalalahan-tanan’i Salômôna mpanjaka. Avy eo ilay mpanjakavavy sy ireo mpanompony dia niverina nody tany amin’ny taniny.

Baiboly Protestanta Malagasy

¹³ Ary Solomona mpanjaka nanome ny mpanjakavavin’i Sheba kosa izay rehetra niriny, na inona na inona nangatahiny, afa-tsy izay nomeny azy araka ny fanomen’i Solomona mpanjaka; ka dia niverina izy, ary lasa nody tany amin’ny taniny izy mbamin’ny mpanompony.

Malagasy Bible

¹³ Ary Solomona mpanjaka nanome ny mpanjakavavin'i Sheba kosa izay rehetra niriny, na inona na inona nangatahiny, afa-tsy izay nomeny azy araka ny fanomen'i Solomona mpanjaka; ka dia niverina izy, ary lasa nody tany amin'ny taniny izy mbamin'ny mpanompony.

La Bible en Malgache

¹³ Nomen’i Solomona mpanjaka ho an’ny mpanjakavavin’i Sheba kosa izay rehetra niriny, na inona na inona nangatahiny, ankoatra izay nomeny azy araka ny fahalalahan-tanan’i Solomona mpanjaka. Koa niverina nody any amin’ny taniny izy mbamin’ny mpanompony.

1Mpanjaka 10:13 Rohy Ifampitohizana

1Mpanjaka 10:12

Ka nanaovan’ny mpanjaka arofanina amin’ny tranon’i Iaveh sy amin’ny tranon’ny mpanjaka, ary harpa amam-baliha ho an’ny mpihira, ny hazo santala. Tsy nisy tonga intsony izany hazo santala izany, ary tsy nisy nahita izany intsony mandrak’androany.

1Mpanjaka 10:14

Ny lanjan’ny volamena tonga amin’i Salômôna amin’ny indray taona, dia talenta volamena 666,

1Mpanjaka 10:2

Dia tonga tany Jerosalema izy, narahin’ny kalesy maro be sy rameva nitondra zava-manitra, volamena sesehena, ary vatosoa. Dia nandroso ho any amin’i Salômôna izy, dia nolazainy taminy izay rehetra tao am-pony.

1Mpanjaka 9:1

Nony vitan’i Salômôna ny fanaovana ny tranon’i Iaveh sy ny tranon’ny mpanjaka mbamin’izay rehetra sitrak’i Salômôna sy izay niriny,

2Tantara 9:12

Nomen’i Salômôna an’ny mpanjakavavin’i Sabà avokoa izay niriny sy nangatahiny, mihoatra noho izay nentiny ho an’ny mpanjaka aza. Dia niverina izy, ka lasa nody any amin’ny taniny, izy mbamin’ny mpanompony.

Salamo 20:4

Hahatsiaro ny fanatitrao rehetra anie Izy, ary hankasitraka ny sorona dorana! - Selà

Salamo 37:4

I Iaveh no ataovy firavoravoanao, dia omeny anao izay irin’ny fonao.

Matio 15:28

Dia namaly i Jesoa ka nanao taminy hoe: «Ravehivavy, lehibe ny finoanao, aoka ho tanteraka aminao araka izay irinao.» Dia sitrana tamin’izany ora izany ihany ny zanany vavy.

Efesiana 3:20

Ary ho an’Ilay mahay manao mihoatra lavitra noho izay angatahintsika sy saintsainintsika, araka ny heriny miasa ato amintsika,