1Mpanjaka 1:5 - Baiboly Katolika

⁵ Ary i Adoniasa nanandra-tena, ka nanao anakampo hoe: «Izaho no ho mpanjaka.» Ary nanomana kalesy aman-tsoavaly ho azy izy, ary olona 50 lahy ho mpihazakazaka eo alohany.

Baiboly Protestanta Malagasy 2011

⁵ Ary nanandratra ny tenany i Adonia, zanakalahin’i Hagita, ka nilaza hoe: Izaho no hanjaka. Dia nanomana kalesy fitondra miady sy mpitaingin-tsoavaly ary dimampolo lahy ho mpihazakazaka eo alohany izy.

DIEM PROTESTANTA

⁵ Fa i Adônià zanakalahin’i Hagita kosa tamin’izay no nanandra-tena ho mpanjaka. Dia nanomana kalesy sy mpitaingin-tsoavaly ary lehilahy dimampolo ho mpihazakazaka eo anoloany izy.

Dikateny Iombonana Eto Madagasikara

⁵ Fa i Adônià zanakalahin’i Hagita kosa tamin’izay no nanandra-tena ho mpanjaka. Dia nanomana kalesy sy mpitaingin-tsoavaly ary lehilahy dimampolo ho mpihazakazaka eo anoloany izy.

Baiboly Protestanta Malagasy

⁵ Ary Adonia, zanakalahin’i Hagita, nanandratra ny tenany ka nanao hoe: Izaho no hanjaka; dia nanomana kalesy sy mpitaingin-tsoavaly ary dimam-polo lahy ho mpihazakazaka eo alohany izy.

Malagasy Bible

⁵ Ary Adonia, zanakalahin'i Hagita, nanandratra ny tenany ka nanao hoe: Izaho no hanjaka; dia nanomana kalesy sy mpitaingin-tsoavaly ary dimam-polo lahy ho mpihazakazaka eo alohany izy.

La Bible en Malgache

⁵ Ary nanandratra ny tenany i Adonia, zanakalahin’i Hagita, ka nilaza hoe: Izaho no hanjaka. Dia nanomana kalesy fitondra miady sy mpitaingin-tsoavaly ary dimampolo lahy ho mpihazakazaka eo alohany izy.

1Mpanjaka 1:5 Rohy Ifampitohizana

2Samoela 15:1

Tatỳ aorian’izany nanomana kalesy iray sy soavaly ary olona dimampolo lahy izay nihazakazaka teo alohany i Absalôma.

2Samoela 3:4

i Adoniasy zanak’i Hagita, no fahefatra; i Safatià zanak’i Abitala, no fahadimy.

1Mpanjaka 1:11

Ka hoy i Natàna tamin’i Betsabea renin’i Salômôna: «Tsy renao va fa efa tonga mpanjaka i Adoniasa zanak’i Hagita, nefa tsy mahalala izany akory i Davida tompontsika?

1Mpanjaka 1:4

Tsara tarehy tokoa razazavavy, sady nitaiza sy nanompo ny mpanjaka, nefa ny mpanjaka tsy nahalala azy.

1Mpanjaka 2:13

Ary i Adoniasa zanak’i Hagita nankao amin’i Betsabea renin’i Salômôna. Ary hoy ravehivavy: «Hevi-pihavanana va no ahatongavanao?» Dia hoy ny navaliny: «Eny, hevi-pihavanana,»

1Mpanjaka 2:15

Dia hoy izy: «Fantatrao fa efa tato amiko ny fanjakana; izaho no efa nandrandrain’i Israely rehetra mba hanjakako. Kanjo nafindra ny fanjakana ka lasan’ny rahalahiko, fa efa natokan’i Iaveh ho azy.

1Mpanjaka 2:24

Koa ankehitriny, velona i Iaveh ilay nampiorina sy nampipetraka ahy eo amin’ny seza fiandrianan’i Davida raiko, sady nanorina trano ho ahy, araka ny voalazany rahateo, dia hovonoin-ko faty ihany i Adoniasa.»

1Tantara 28:5

Tamin’ny zanako rehetra kosa, - fa nomen’i Iaveh zanaka maro aho, - i Salômôna zanako no nofidiny, mba hampipetraka azy amin’ny seza fiandrianan’ny fanjakan’i Iaveh amin’i Israely.

1Tantara 29:1

Ary hoy i Davida mpanjaka tamin’ny fiangonana rehetra: «I Salômôna zanako, ilay hany nofidin’Andriamanitra, dia mbola tanora sy osa, ary ny asa hatao dia lehibe, fa tsy lapa ho an’olombelona ity, fa ho an’i Iaveh Andriamanitra.

1Tantara 3:2

i Absalôma zanak’i Maakà, zanaka vavin’i Tolmaia mpanjakan’i Gesora, fahatelo; i Adoniasa zanak’i Hagita, fahefatra;

Eksodosy 9:17

Ka indro ianao mbola mitsivalan-kisakana ny vahoakako fa tsy mandefa azy.

Ohabolana 16:18

Ny fireharehana dia mialoha ny faharavana, ary ny fiavonavonana dia mialoha ny fahalavoana.

Ohabolana 18:12

Misandratra ny fon’ny olona alohan’ny faharavàny, fa ny fanetren-tena kosa, mialoha ny voninahitra.

Isaia 2:7

Feno volafotsy sy volamena ny taniny, ary ny rakitra ao aminy tsy misy fetra;

Lioka 14:11

Fa izay rehetra manandra-tena no haetry, ary izay manetry tena no hasandratra.»

Lioka 18:14

Lazaiko aminareo fa ity no nidina efa nohamarinina, tany an-tranony, fa tsy ilay anankiray; fa izay rehetra manandra-tena no haetry, ary izay manetry tena no hasandratra.»

Mpitsara 9:2

«Raha sitrakareo mba lazao kely ho ren’ny mponina rehetra ao Sikema izao: Inona no tsara ho anareo ny hanjakan’izy fitopolo lahy, samy zanak’i Jerobaala, aminareo va, sa ny hanjakan’ny lehilahy iray aminareo? Ary tsarovy fa taolana sy fonareo ihany aho».