1Tantara 6:34 - Baiboly Katolika

³⁴ I Aarôna sy ny zanany anefa no nandoro ny sorona teo ambonin’ny ôtelin’ny sorona dorana, sy ny emboka teo ambonin’ny ôtelin’ny zava-manitra; izy ireo no tsy maintsy nanatanteraka ny raharaha ao amin’ny fitoerana masina indrindra, sy nanao fanonerana ho an’i Israely, araka izay nandidian’i Môizy, mpanompon’Andriamanitra.

Baiboly Protestanta Malagasy 2011

³⁴ Fa i Arona sy ny zanany lahy no nandoro ho fofona ny fanatitra teo ambonin’ny alitara fanolorana ny fanatitra dorana manontolo sy teo ambonin’ny alitara fandoroana ditin-kazo manitra; izy ireo no nisahana ny raharaha rehetra ao amin’ny fitoerana masina indrindra sy hanao fanavotana ho an’ny Israely, araka izay rehetra nandidian’i Mosesy, mpanompon’Andriamanitra.

DIEM PROTESTANTA

³⁴ I Aharôna sy ny taranany no mampanetona ny sorona dorana manontolo eo ambony alitara fisoronana sy mampanetona ny vovo-javamanitra eo ambony alitara fandoroana azy; ka nanatanteraka ny raharaha rehetra tao amin’ny Toeramasina Indrindra izy ireo ary nanao ny fombam-pivavahana famelan-keloka ho an’ny vahoaka Israely, araka izay rehetra nandidian’i Mosesy mpanompon’Andriamanitra.

Dikateny Iombonana Eto Madagasikara

³⁴ I Aharôna sy ny taranany no mampanetona ny sorona dorana manontolo eo ambony alitara fisoronana sy mampanetona ny vovo-javamanitra eo ambony alitara fandoroana azy; ka nanatanteraka ny raharaha rehetra tao amin’ny Toeramasina Indrindra izy ireo ary nanao ny fombam-pivavahana famelan-keloka ho an’ny vahoaka Israely, araka izay rehetra nandidian’i Mosesy mpanompon’Andriamanitra.

Baiboly Protestanta Malagasy

³⁴ Fa Arona sy ny zanani-lahy no nanatitra teo ambonin’ny alitara fandoroana ny fanatitra dorana sy teo ambonin’ny alitara fandoroana ditin-kazo manitra, mba hanao ny raharaha rehetra ao amin’ny fitoerana masina indrindra sy hanao fanavotana ho an’ny Isiraely, araka izay rehetra nandidian’i Mosesy, mpanompon’Andriamanitra.

Malagasy Bible

³⁴ Fa Arona sy ny zananilahy no nanatitra teo ambonin'ny alitara fandoroana ny fanatitra dorana sy teo ambonin'ny alitara fandoroana ditin-kazo manitra, mba hanao ny raharaha rehetra ao amin'ny fitoerana masina indrindra sy hanao fanavotana ho an'ny Isiraely, araka izay rehetra nandidian'i Mosesy, mpanompon'Andriamanitra.

La Bible en Malgache

³⁴ Fa i Arona sy ny zanany lahy no nandoro ho fofona ny fanatitra teo ambonin’ny alitara fanolorana ny fanatitra dorana manontolo sy teo ambonin’ny alitara fandoroana ditin-kazo manitra; izy ireo no nisahana ny raharaha rehetra ao amin’ny fitoerana masina indrindra sy hanao fanavotana ho an’ny Israely, araka izay rehetra nandidian’i Mosesy, mpanompon’Andriamanitra.

1Tantara 6:34 Rohy Ifampitohizana

1Tantara 23:13

Zanaka lahin’i Amrama: i Aarôna sy i Môizy. Ary i Aarôna natokana hohamasinina indrindra, izy mbamin’ny taranany mandrakizay, mba hanolotra zava-manitra hanetona eo anatrehan’i Iaveh, hanao ny fanompoany ary hitso-drano ny olona amin’ny Anarany mandrakizay.

1Tantara 24:1

Ny amin’ny taranak’i Aarôna, dia izao no antokony, zanaka lahin’i Aarôna: i Nadaba, i Abiò, i Eleazara sy i Itamara.

1Tantara 24:19

Toy izany no antokony nizarazarana azy ireo, araka ny fanompoany, mba ho tonga ao an-tranon’i Iaveh, araka ny fandaharana nomena azy, tamin’ny alalan’i Aarôna, rainy, araka ny didy nomen’i Iaveh Andriamanitr’i Israely azy.

1Tantara 6:33

Ny Levita rahalahin’izy ireo, dia niandraikitra ny fanompoana rehetra amin’ny tabernakla ao an-tranon’i Iaveh.

1Tantara 6:35

Ireto ny zanaka lahin’i Aarôna: i Eleazara zanany, i Finea zanany, i Abisoe zanany,

2Tantara 29:11

Koa ankehitriny, anaka, aza manao tsirambina intsony ianareo, fa ianareo no efa voafidin’i Iaveh hanoloana Azy, hanompo Azy, mba ho mpanompony sy hanatitra zava-manitra ho Azy.»

Eksodosy 28:1

«Asaovy manatona anao i Aarôna rahalahinao, mbamin’ny zanany, ao amin’ny zanak’i Israely, mba ho mpisorona amin’ny fanompoana Ahy, dia i Aarôna, i Nadaba, i Abiò, i Eleazara, ary i Amôra, zanak’i Aarôna.

Eksodosy 30:7

Eo no handoroan’i Aarôna ny emboka; isa-maraina no handoroany azy, rehefa mamboatra ny lalampy izy;

Levitikosy 1:7

Ary hanisy afo eo ambony ôtely ny zanak’i Aarôna mpisorona sy hanohoka kitay hazo eo ambonin’ny afo;

Levitikosy 1:9

Sasana amin’ny rano ny tsinainy aman-tongony, dia indray doran’ny mpisorona hanetona eo ambony ôtely avokoa izy rehetra. Sorona dorana izany, dia sorona atao amin’ny afo ho hanitra ankasitrahin’i Iaveh.

Levitikosy 16:17

Aza avela hisy olona ao an-trano lay fihaonana, raha miditra izy hanao ny fanonerana ao amin’ny fitoerana masina, mandra-pivoakany. Hanao ny fanonerana ho an’ny tenany sy ny ankohonany ary ny fiangonan’i Israely rehetra izy.

Levitikosy 16:19

hofafazan’ny rantsan-tanany impito amin’ny ra ny eo ambonin’ny ôtely, ka hodioviny sy hohamasininy ho afaka amin’ny fahalotoan’ny zanak’i Israely.

1Samoela 1:1

Nisy lehilahy anankiray tany Ramataima-Sofima, any amin’ny tendrombohitra Efraima, atao hoe Elkanà, zanak’i Jerôhama, zanak’i Eliò, zanak’i Taohò, zanak’i Sofa; Efrateanina izy io.