1Tantara 29:23 - Baiboly Katolika

²³ Nipetraka teo amin’ny seza fiandrianan’i Iaveh i Salômôna, ho mpanjaka dimbin’i Davida rainy, sady nambinina izy ary nankatoavin’i Israely rehetra.

Baiboly Protestanta Malagasy 2011

²³ Dia nipetraka teo amin’ny sezafiandrianan’NY TOMPO ho mpanjaka handimby an’i Davida rainy i Solomona, ary nambinina izy ka nanaiky azy ny Israely rehetra.

DIEM PROTESTANTA

²³ Dia nipetraka teo amin’ny sezafiandrianana nomen’ny TOMPO azy i Salômôna mba ho mpanjaka handimby an’i Davida rainy; sady nambinina izy ka nanaiky azy i Israely manontolo.

Dikateny Iombonana Eto Madagasikara

²³ Dia nipetraka teo amin’ny sezafiandrianana nomen’ny TOMPO azy i Salômôna mba ho mpanjaka handimby an’i Davida rainy; sady nambinina izy ka nanaiky azy i Israely manontolo.

Baiboly Protestanta Malagasy

²³ Ary Solomona dia nipetraka tamin’ny seza fiandrianan’i Jehovah ho mpanjaka handimby an’i Davida rainy, sady nambinina izy, ka nanaiky azy ny Isiraely rehetra.

Malagasy Bible

²³ Ary Solomona dia nipetraka tamin'ny seza fiandrianan'i Jehovah ho mpanjaka handimby an'i Davida rainy, sady nambinina izy, ka nanaiky azy ny Isiraely rehetra.

La Bible en Malgache

²³ Dia nipetraka teo amin’ny sezafiandrianan’NY TOMPO ho mpanjaka handimby an’i Davida rainy i Solomona, ary nambinina izy ka nanaiky azy ny Israely rehetra.

1Tantara 29:23 Rohy Ifampitohizana

1Mpanjaka 1:13

Mandehana midira ao amin’i Davida mpanjaka ka lazao aminy hoe: ‹Ry mpanjaka tompoko ô: tsy efa nianiana tamiko mpanomponao va ianao, nanao hoe: I Salômôna zanakao hanjaka handimby ahy, ary izy no hipetraka eo amin’ny seza fiandrianako? Ka ahoana àry no i Adoniasa indray ity no tonga mpanjaka?›

1Mpanjaka 1:30

dia hotanterahiko anio ilay fianianana nataoko tamin’i Iaveh Andriamanitr’i Israely hoe: I Salômôna zanakao lahy hanjaka handimby ahy ary hipetraka eo amin’ny seza fiandrianako hisolo ahy.»

1Mpanjaka 1:35

Raha efa izany, miakara manaraka azy ianareo, fa ho avy hipetraka eo amin’ny seza fiandrianako izy, ka hanjaka hisolo ahy, satria izy no tendreko ho filohan’i Israely sy i Jodà.»

1Mpanjaka 1:46

Ary efa nipetraka amin’ny seza fiandrianan’ny fanjakana aza i Salômôna;

1Mpanjaka 2:12

Ary i Salômôna nipetraka teo amin’ny seza fiandrianan’i Davida rainy, ary niorina tsara ny fanjakany.

2Mpanjaka 11:19

i Jôiadà mpisorona, dia nalainy avokoa ny tompon-jato, ny Karianina, ny mpihazakazaka, mbamin’ny vahoaka rehetra tamin’ny tany, ka nentiny nidina avy ao an-tranon’i Iaveh ny mpanjaka, dia niditra tao an-dapan’ny mpanjaka tamin’ny vavahadin’ny mpihazakazaka, ka nipetraka teo amin’ny seza fiandrianan’ny mpanjaka i Jôasa.

1Tantara 22:11

Koa ankehitriny, anaka, homba anao anie i Iaveh, mba hiadana ianao, ary hanao ny tranon’i Iaveh Andriamanitrao, araka ny efa nilazany anao.

1Tantara 28:5

Tamin’ny zanako rehetra kosa, - fa nomen’i Iaveh zanaka maro aho, - i Salômôna zanako no nofidiny, mba hampipetraka azy amin’ny seza fiandrianan’ny fanjakan’i Iaveh amin’i Israely.

1Tantara 29:24

Nanoa an’i Salômôna mpanjaka avokoa ny mpifehy sy ny lehilahy mahery rehetra, hatramin’ireo zanak’i Davida mpanjaka rehetra.

2Tantara 1:1

Niorina mafy tamin’ny fanjakana i Salômôna zanak’i Davida; nomba azy i Iaveh Andriamaniny, ka nanandratra azy ho amin’ny ambaratonga ambony indrindra.

2Tantara 1:8

Dia hoy ny navalin’i Salômôna an’Andriamanitra: «Hatsaram-po lehibe no nasehonao tamin’i Davida raiko, ary izaho ny nampanjakainao handimby azy.

2Tantara 23:20

Dia nalainy ny tompon-jato, ny olo-manan-kaja, ny manam-pahefana amin’ny vahoaka, mbamin’ny vahoaka rehetra amin’ny tany, ka nentiny nidina avy ao an-tranon’i Iaveh ny mpanjaka; dia niditra tao an-tranon’ny mpanjaka izy ireo, nihazo ny vavahady ambony, ary nametraka ny mpanjaka teo amin’ny seza fiandrianan’ny fanjakana.

2Tantara 9:30

Efapolo taona no nanjakan’i Salômôna tany Jerosalema tamin’i Israely rehetra.

2Tantara 9:8

Hisaorana anie i Iaveh Andriamanitrao, izay mankasitraka anao ka nametraka anao amin’ny seza fiandrianany, ho mpanjaka ho an’i Iaveh Andriamanitrao! Noho ny fitiavan’Andriamanitrao an’i Israely, ary mba hampaharitra azy mandrakizay no nananganany anao ho mpanjaka ao aminy, mba hanao ny hitsiny sy ny rariny.»

Salamo 132:11

I Iaveh nianiana marina tamin’i Davida, ka tsy hitsoaka amin’izany: Ny ateraky ny kibonao, no hapetrako eo amin’ny seza fiandriananao.

Ohabolana 1:1

Ohabolan’i Salômôna, zanak’i Davida mpanjakan’i Israely:

Romana 13:1

Aoka ny olona rehetra samy hanaiky ny manam-pahefana; satria tsy misy fahefana tsy avy amin’Andriamanitra, fa voatendriny avokoa izay misy rehetra.

Deoteronomia 34:9

Ary i Jôsoe, zanak’i Nona, dia feno ny fanahim-pahendrena, fa efa nametrahan’i Môizy tanana izy, ka nanoa azy ny zanak’i Israely sy nanao araka ny nandidian’i Iaveh an’i Môizy.