1Tantara 20:4 - Baiboly Katolika

⁴ Tatỳ aorian’izany nisy ady tamin’ny Filistinina tao Gazera. Tamin’izay no nahafatesan’i Sabokai Hosatita, an’i Safaì isan-taranak’i Rafà, ka voaetry ny Filistinina.

Baiboly Protestanta Malagasy 2011

⁴ Tatỳ aoriana dia nisy ady tamin’ny Filistina tao Gezera; tamin’izany no namonoan’i Sibekay hosatita an’i Sipay, izay isan’ny taranaky ny Refaìta, dia naetriny ny Filistina.

DIEM PROTESTANTA

⁴ Taorian’izany, dia nisy ady tamin’ny Filistinina tao Gezera. Tamin’izay i Sibekay, avy any Hosà, no nahafaty an’i Sipay isan’ny taranak’i Rafà; ka dia voaetry ny Filistinina.

Dikateny Iombonana Eto Madagasikara

⁴ Taorian’izany, dia nisy ady tamin’ny Filistinina tao Gezera. Tamin’izay i Sibekay, avy any Hosà, no nahafaty an’i Sipay isan’ny taranak’i Rafà; ka dia voaetry ny Filistinina.

Baiboly Protestanta Malagasy

⁴ ARY nony afaka izany, dia nisy ady tamin’ny Filistina tao Gazera; tamin’izany no namonoan’i Sibekay Hosatita an’i Sipay, izay isan’ny taranaky ny Refaïta, ka dia naetriny ny Filistina.

Malagasy Bible

⁴ Ary nony afaka izany, dia nisy ady tamin'ny Filistina tao Gazera; tamin'izany no namonoan'i Sibekay Hosatita an'i Sipay, izay isan'ny taranaky ny Refaita, ka dia naetriny ny Filistina.

La Bible en Malgache

⁴ Tatỳ aoriana dia nisy ady tamin’ny Filistina tao Gezera; tamin’izany no namonoan’i Sibekay hosatita an’i Sipay, izay isan’ny taranaky ny Refaìta, dia naetriny ny Filistina.

1Tantara 20:4 Rohy Ifampitohizana

Genesisy 14:5

Nony tamin’ny taona fahefatra ambin’ny folo anefa, niainga i Kodôrlahômôra sy ireo mpanjaka nomba azy, ka nasiany avokoa ny Refaima tao Astarôta-Karmaima, ny Zosima tao Hama, ny Emima teo amin’ny tany lemak’i Kariataima;

2Samoela 21:15

Nisy adin’ny Filistinina sy i Israely indray, ary mba nidina niaraka tamin’ny mpanompony i Davida ary niady tamin’ny Filistinina izy ireo; kanjo trotraka i Davida.

2Samoela 21:16

Ary i Jesbì-Benôba, ny iray amin’ny zana-dRafà - ny lefony dia lanjana 300 sikla varahina ary sabatra vaovao no voafehy teny aminy - dia efa namoaka teny hamono an’i Davida.

1Tantara 11:29

i Sobokay Hosatita, i Ilaì Ahôlita,

1Tantara 14:16

Dia nataon’i Davida izay nandidian’Andriamanitra azy, ka nandresy ny tafiky ny Filistinina, hatrany Gabaôna ka hatrany Gazera izy ireo.

1Tantara 27:11

I Sobokay, Hosatita, amin’ny fianakavian’i Zarahita no fahavalo ho amin’ny volana fahavalo, ary 24.000 no isan’ny antokony.

Josoa 12:12

ny mpanjakan’i Eglôna, iray; ny mpanjakan’i Gazera, iray;

Josoa 16:3

dia nidina ao andrefana mankany amin’ny tanin’ny Jefletianina, hatramin’ny tanin’ny Betôrôna ambany ka hatrany Gazera, dia nihatra amin’ny ranomasina.