1Tantara 19:6 - Baiboly Katolika

⁶ Fantatry ny taranak’i Amôna, fa efa nanao izay nampangidy hoditra azy tamin’i Davida izy, dia nandefa talenta volafotsy arivo i Hanòna sy ny taranak’i Amôna hanakaramany kalesy ama-mpitaingin-tsoavaly tany amin’ny Sirianina, any Mesôpôtamia, sy tany amin’ny Sirianina any Maakà sy any Sobà.

Baiboly Protestanta Malagasy 2011

⁶ Nony hitan’ny taranak’i Amona fa efa nanao izay nampangidy hoditra azy tamin’i Davida izy dia nandefa iraka hanatitra talenta volafotsy arivo hanakaramany kalesy fitondra miady sy mpitaingin-tsoavaly avy any Mezopotamia sy Arama-Maka ary Zoba i Hanona sy ny taranak’i Amona.

DIEM PROTESTANTA

⁶ Rehefa nahatsapa ny tenany ho tonga halan’i Davida i Hanòna sy ny Hamônita, dia nampanatitra volafotsy tokony ho telopolo taonina ho an’ny Sirianina tany Mezôpôtamia ambony sy tany Mahekà ary tany Tsôbà mba hanakarama kalesy sy mpitaingin-tsoavaly.

Dikateny Iombonana Eto Madagasikara

⁶ Rehefa nahatsapa ny tenany ho tonga halan’i Davida i Hanòna sy ny Hamônita, dia nampanatitra volafotsy tokony ho telopolo taonina ho an’ny Sirianina tany Mezôpôtamia ambony sy tany Mahekà ary tany Tsôbà mba hanakarama kalesy sy mpitaingin-tsoavaly.

Baiboly Protestanta Malagasy

⁶ Ary nony hitan’ny taranak’i Amona fa efa nanao izay nampangidy hoditra azy tamin’i Davida izy, dia naniraka nampanatitra talenta volafotsy arivo hakaramany kalesy sy mpitaingin-tsoavaly any Mesopotamia sy Syriamaka ary Zoba Hanona sy ny taranak’i Amona.

Malagasy Bible

⁶ Ary nony hitan'ny taranak'i Amona fa efa nanao izay nampangidy hoditra azy tamin'i Davida izy, dia naniraka nampanatitra talenta volafotsy arivo hakaramany kalesy sy mpitaingin-tsoavaly any Mesopotamia sy Syriamaka ary Zoba Hanona sy ny taranak'i Amona.

La Bible en Malgache

⁶ Nony hitan’ny taranak’i Amona fa efa nanao izay nampangidy hoditra azy tamin’i Davida izy dia nandefa iraka hanatitra talenta* volafotsy arivo hanakaramany kalesy fitondra miady sy mpitaingin-tsoavaly avy any Mezopotamia sy Arama-Maka ary Zoba i Hanona sy ny taranak’i Amona.

1Tantara 19:6 Rohy Ifampitohizana

Genesisy 34:30

Fa hoy kosa i Jakôba tamin’i Simeôna sy i Levỳ: «Nampanahirana ahy ianareo, fa nomaimboinareo amin’ny tany ama-monina aho, dia amin’ny Kananeanina sy amin’ny Ferezeanina. Izaho dia olom-bitsy ka hikambana izy hamely ahy, ka hovonoiny aho, dia ho fongotra aho sy ny ankohonako.»

2Samoela 10:6

Fantatry ny taranak’i Amôna, fa hankahalan’i Davida azy ny nataony ka ny taranak’i Amôna dia naniraka olona haka miaramila hokaramaina avy amin’ny Sirianina any Beta-Rohoba sy amin’ny Sirianina any Sobà, dia miaramila an-tongotra 20.000, ary any amin’ny mpanjakan’i Maakà koa 2.000 lahy, ary any olona ao Tôba 12.000 lahy.

2Samoela 8:3

Teny an-dalana, fony izy ndeha hampody ny fanjakany eo amoron’ny ony Eofrata, dia resin’i Davida koa i Hadadezera zana-dRohoba, mpanjakan’i Sobà.

1Tantara 18:5

Tonga namonjy an’i Adarezera mpanjakan’i Sobà ny Sirianina avy any Damasa, fa noresen’i Davida ny 22.000 lahy tamin’ny Sirianina.

1Tantara 18:9

Nony ren’i Tôhò, mpanjakan’i Hamata, fa hoe: resin’i Davida avokoa ny miaramilan’i Adarezera, mpanjakan’i Sobà,

1Tantara 19:5

Fa nisy nandeha nilaza ny nanjò an’ireo lehilahy ireo tamin’i Davida, ka naniraka olona hitsena an’ireo izy, fa nangaihay loatra ireo lehilahy ireo, ary izao no nasain’ny mpanjaka nolazaina tamin’izy ireo: «Mitoera any Jerikô ianareo, mandra-panirin’ny somotrareo, vao modia.»

2Tantara 18:3

Izao no nolazain’i Akaba mpanjakan’i Israely, tamin’i Jôsafata, mpanjakan’i Jodà: «Mba hiaraka amiko ho any Ramôta any Galaada va ianao?» Ka hoy ny navalin’i Jôsafata taminy: «Hihatra amiko ny hihatra aminao, ary hanjò ny vahoakako ny hanjò ny vahoakanao, ka hiaraka aminao hanafika azy izahay.»

2Tantara 18:5

Dia nantsoin’ny mpanjakan’i Israely ny mpaminany 400 lahy, ka hoy izy taminy: «Handeha hanafika any Ramôta any Galaada va isika, sa tokony hijanona aho?» Ary hoy ny navalin’ireo: «Mandehana fa hatolotr’Andriamanitra eo an-tanan’ny mpanjaka izany.»

2Tantara 18:9

Tamin’izay ny mpanjakan’i Israely sy i Jôsafata mpanjakan’i Jodà, dia samy nipetraka teo amin’ny seza fiandrianany nitondra ny akanjo-mpanjakany, nipetraka teo amin’ny fidiran’ny vavahadin’i Samaria; ary ny mpaminany rehetra, naminany teo anatrehany.

2Tantara 25:6

Nisy lehilahy mahery 100.000 avy amin’i Israely koa, nokaramainy talenta volafotsy zato.

2Tantara 27:5

Niady tamin’ny mpanjakan’ny taranak’i Amôna izy, dia naharesy azy, ka izao no nomen’ny taranak’i Amôna ho azy tamin’izany taona izany: talenta volafotsy zato, varimbazaha 10.000 kora, ary orja 10.000 kora; torak’izany koa no naterin’ny taranak’i Amôna ho azy, tamin’ny taona faharoa sy fahatelo.

Salamo 14:3

Efa nania izy rehetra, efa niara-nihasimba toetra avokoa; tsy misy manao ny tsara na dia iray aza.

Salamo 46:9

Avia, jereo ny asan’i Iaveh, dia ny fandravana nataony tetỳ an-tany!

Eksodosy 5:21

ka nilaza taminy hoe: «Aoka i Iaveh no hahita anareo sy hitsara; fa ny fitia azonay tamin’i Faraôna sy ny mpanompony nataonareo mody halavolo, ary notoloranareo sabatra eo an-tanany izy hamonoana anay.»

Lioka 10:16

«Izay mihaino anareo mihaino Ahy, ary izay manamavo anareo manamavo Ahy; izay manamavo Ahy anefa dia manamavo Izay naniraka Ahy.»

1Tesaloniana 4:8

Koa izay manamavo izany didy izany, dia tsy manamavo olombelona, fa manamavo an’Andriamanitra, Izay nanome ny Fanahiny Masina ho ao aminareo.

1Samoela 13:4

Dia ren’i Israely rehetra ny vaovao: Namely ny miaramilan’ny Filistinina i Saola, ary tonga mahadikidiky ny Filistinina aza i Israely. Ary nantsoina ho any amin’i Saola any Galgalà ny vahoaka.

1Samoela 14:47

Rehefa azon’i Saola ny fanjakana tamin’ny Israely, niady tamin’ny fahavalony rehetra manodidina izy, dia tamin’i Moaba, tamin’ny taranak’i Amôna, tamin’i Edôma, tamin’ireo mpanjakan’i Sobà ary tamin’ny Filistinina, ka izay nitodihany rehetra na aiza na aiza resiny avokoa.

1Samoela 27:12

ka natoky an’i Davida i Akisa, fa hoy izy: «Nanao izay hampangidy hoditra azy amin’i Israely vahoakany izy, ka ho mpanompoko mandrakizay».