1Tantara 16:1 - Baiboly Katolika

¹ Nony efa voampiditra ny fiaran’Andriamanitra sy efa napetraka tao afovoan’ny lay naorin’i Davida ho azy, dia nanatitra sorona dorana sy sorom-pihavanana teo anatrehan’Andriamanitra ny olona.

Baiboly Protestanta Malagasy 2011

¹ Nampiditra ny vata misy ny faneken’Andriamanitra ny olona ka nametraka azy tao afovoan’ny tranolay izay naorin’i Davida ho azy; avy eo dia nanolotra fanatitra dorana manontolo sy fanati-pihavanana teo anatrehan’Andriamanitra izy.

DIEM PROTESTANTA

¹ Dia nentina ny Vatamasina ka napetraka tao afovoan’ny tranolay izay efa namboarin’i Davida ho azy. Avy eo dia nisy sorona dorana manontolo sy sorom-pihavanana natolotra teo anatrehan’Andriamanitra.

Dikateny Iombonana Eto Madagasikara

¹ Dia nentina ny Vatamasina ka napetraka tao afovoan’ny tranolay izay efa namboarin’i Davida ho azy. Avy eo dia nisy sorona dorana manontolo sy sorom-pihavanana natolotra teo anatrehan’Andriamanitra.

Baiboly Protestanta Malagasy

¹ Ary nampiditra ny fiaran’Andriamanitra ny olona ka nametraka azy tao afovoan’ny lay izay naorin’i Davida ho azy; ary nanatitra fanatitra dorana sy fanati-pihavanana teo anatrehan’Andriamanitra izy.

Malagasy Bible

¹ Ary nampiditra ny Fiaran'Andriamanitra ny olona ka nametraka azy tao afovoan'ny lay izay naorin'i Davida ho azy; ary nanatitra fanatitra dorana sy fanati-pihavanana teo anatrehan'Andriamanitra izy.

La Bible en Malgache

¹ Nampiditra ny vata misy ny faneken’Andriamanitra ny olona ka nametraka azy tao afovoan’ny tranolay izay naorin’i Davida ho azy; avy eo dia nanolotra fanatitra dorana manontolo sy fanati-pihavanana teo anatrehan’Andriamanitra izy.

1Tantara 16:1 Rohy Ifampitohizana

1Mpanjaka 3:15

Nahatsiaro i Salômôna ary nahalala fa nofy izany. Ary nony tafaverina tany Jerosalema izy, dia nitoetra teo anatrehan’ny Fiaran’ny Faneken’i Iaveh, ka nanatitra sorona dorana sy sorom-pihavanana ary nanao fanasana ho an’ny mpanompony rehetra.

1Mpanjaka 8:62

Ary nanatitra sorona teo anatrehan’i Iaveh ny mpanjaka sy i Israely rehetra niaraka taminy.

1Tantara 15:1

Ary i Davida nanao trano ho azy tao an-tanànan’i Davida, dia nanomana fitoerana ho an’ny fiaran’Andriamanitra, ka nanorin-day ho azy.

1Tantara 15:12

Ka hoy izy tamin’ireo: «Ianareo, loha fianakavian’ny Levita, hamasino ny tenanareo, dia ianareo sy ny rahalahinareo, ka ampiakaro ny fiaran’i Iaveh Andriamanitr’i Israely ho eo amin’ny fitoerana nomaniko ho azy.

1Tantara 15:3

Dia novorin’i Davida tao Jerosalema i Israely rehetra hampiakatra ny Fiaran’i Iaveh ho ao amin’ny fitoerany, izay efa nomaniny ho azy.

1Tantara 16:2

Nony vitan’i Davida ny fanolorana ny sorona dorana sy ny sorom-pihavanana, dia nitso-drano ny vahoaka tamin’ny Anaran’i Iaveh izy.

1Tantara 6:16

Ireto no voatendrin’i Davida hitari-kira, tao an-tranon’i Iaveh, niantomboka hatramin’ny nahazoan’ny fiara fitoeram-pijanonana.

2Tantara 1:4

ny fiaran’Andriamanitra kosa efa nafindran’i Davida, avy any Kariatiarima ho any amin’ny fitoerana namboariny ho azy; satria efa nanangan-day ho azy tany Jerosalema izy.

Salamo 132:8

Mitsangàna, ry Iaveh, avia eto amin’ny fitoerana fitsaharanao, ianao sy ny fiaran’ny fiandriananao!

Levitikosy 3:9

Ny hatolony ho sorona atao amin’ny afo ho an’i Iaveh amin’io sorom-pihavanana io dia ny saborany, ny hofany manontolo faranana hatreo amin’ny hazon-damosiny, ny sabora saron-tsinainy sy ny sabora rehetra miraikitra amin’ny tsinainy;